الشاعر جاسم حميد الاسدي

2022-07-24 13:24:39 الولـد عطشان بلكي اتشوفهم
زغير بعده ويكسرالنه كلوبهم
تفاجئت بالصار لمن مأخذاه بالرمح ياحيف هالحاقد رماه

من رجعلي حسين رد محني كـفاه
والطـفـل مذبـوح ودمـومه ابـهـواه
وسـفه رد حسين يمشي ابلا ضواه
نــور عبد الله طـفه ومحــد اجـــاه
كلي هاذه الطفل وعيونه طفن عدل اخذته وجبته ميت للظعن
خويه من شافوه صلفه عيونهم

خـويـه لـــو تـدريـن الشافه ابـوه
رف رفيــف الطيـر لـمـن يـذبحوه
كسر ظهري الاكبر وعاد من اخوه
اتصــور الدم ماي لكـــن مــارووه
مثل الاكبر صار والموقف صعب بالكماط ايموت مذبـوح الكلب
بغضاً يكولون ثار اجدودهم

كلت بـعـده زغيـر ويعوفونه
مـادريـت ابكربـله يـذبحـونه
مثـل محسن لنهــم يحسبونه
ثــار عـدهـم كالو يـوصفونه
الصبر يخت حسين بديار الغرب لو متت اطفالج اتضيع الدرب
كافل انتي ابهاي من يسبونهم

اشلون كل لم الرضيع ابكربله
لو درت بصار من اهل البله
ويـــن عبد الله تـكـول العايله
شرده اكلهم والرمح من حرمله
وسفه رد مذبوح بكماطه الطفل ايست من هاي وكطعت الامل
بس دمع ظليت انه بدونهم

ياهو مثلي الشاف لوعات والم
دون اهلي وانه توليني الزلم
حلم صار انشوف شيال العلم
بس ابو السجاد باقي ابهل ظلم
وحيد بين اعداه ينظر للعليل يكلي يازينب بعد انتني الكفيل
لومتت ياخويه انتي ابعونهم

بقلم خادمكم جاسم حميد الاسدي 07703157420 باز کردن / نظر دهید

2022-07-22 00:16:31 يابويه وين انطي الوجه وين
رديــنـه لاكـن دون الحـسـيـن
ولوتدري بالحال شدكول الاطفال

ارد اكـلك عـــــــن رقـيـه من بعد هاذه الحرب
تبجي واتنوح اعله ابوها بس بواجيوتنظرب
اتـكـلي ياعــمه الحـكيـني ويــن ابوي ابهل درب
اشلون نرجع وهوه يقبل تمشـي ويانه الغــرب
ماهي عله البال

كمت اسولف ويه روحي مــن مصايب كربله
حرت يابويه ابغـربـتي مـــن ونين العايله
واحـــــد ايــكــلي يـعــمـه وين ابوي ابهل مله
واحــــد يـكـول انولينه ويــن راعي المرجله
وتنوح العيال

حـرت بـويه ابـهـل يتامه كل فرد يشكي اله
ايـريـد مـــــن يسئل اكله بسبب هل معضله
يـكـلـي ليـش اصار بــيـنه وضحيلي المسئله
اشلون اشرحله المصيبه حايره بطف كربله
بس دمعي همال

اعـتـذر مـنـك يـبـويـه مـــن اكـلك عالجـره
عــن خوتي صار بيهم والدموم اعـله الثره
انه بس نوح وبواجي من شفت هالمجزره
كطعو اجفوف ابو الغيره بعـده انــه ميسره
وكطعتالامال


حايــره وشـلـون اكـلك ونته اول بالمصاب
امنين ابدي ويامصيبه بالكفل لو عالشباب
ابدي من عريس دامي الدمه سايل عالتراب
لـــو بالكبـر والجـراله لو ابعبد الله اورباب
ورحنه ويه جتال

تدري بالعدها مصايـب تـشـتكي الـــم اوبو
اولـو يتيمه مـــن اهـله بـعــد ابوها للئخـو
اولو فرضنه الاخوه ماتو والعـيـال اتـسلبـو
هـاذه حالـي بالجـرالي وكل اخوتي اتخظبو
بسيوف النذال

بقلم خادم خدام الحسين جاسم حميد الاسدي 077057420 باز کردن / نظر دهید

2022-07-22 00:01:08 الحكني ياخويه تره حركو خيمنه اعلينه

بعــدك اظــل محيره
وينك يسبع الكنطره
ياحيف اظل ميسره
بين العـده المخدره
بعدك نسه ظلينه محد بعد يحمينه

اسكينه تندب ياعلي
عباس طاح اوتنولي
وين اليجينه من هلي
بس اليتامه اظل الي
وتصيح يابوه اسكينه دون الكفل ظلينه

الخيل هدت عالخيم
الحــك يشيال العـلم
اخلافك ابوليت زلم
صعبه الفواطم تنظلم
لا انته لاوالينه ياوسفه صارت بينه

اشلون طـايح عالثره
ابـن البتول الطاهـره
وياحيف حزو منحره
ويتامه تبقى امحيره
وسفه نذبح والينه والكوم هد اعلينه

اهل العده يسبونه
دونك نظل اظعونه
حيف الكفر يسبونه
بصياطهم ظربونه
بالحبل كايد بينه ياوسفه ويجر بينه

زينب تنادي البسمه
ياربي من حر الظمه
عطشانه وتسيل الدمه
يبس شفايفهه الظمه
وسفه الشمر يولينه بصوط ظل يحدينه

بقلم خادم اهل البيت جاسم حميد الاسدي 07703157420 باز کردن / نظر دهید

2022-07-21 20:35:52 فزاعي

يا ابا عبد الله يا ابا عبد الله
وسفه يبن الزهره طايح اعله الغبره
تبقه دونك زيـنب حايـره اومنتظـره
يا ابا عبدالله
بعدك ايشتموني خويه ويسلبوني
زينب ابياه حاله ياعزيز الزهره
يا ابا عبدالله
وسفه رضو صدرك وسفه حزو نحرك
ريت انه المطبوره ياعلي ابهل طبره
يا ابا عبدالله
خيمتي حـركـوهـا والاطفال اسبوها
بس عليل اوحيده وانا بس العبره
يا ابا عبد الله
بويه كطعو راسه حسينك اوعباسه
وسلبوله اثيابه ودامي ضل عالغبره
يا ابا عبد الله
خنصره يكطعونه حيف ويسلبونه
لأن خاتم عنده مثل حزة نحره
يا ابا عبد الله
الطم العباسك يالله دك ابراسك
راح اكول امصابه ياكفيل الحره
ياابا عبدالله
طاح اخوي اودامي عالنهراوضامي
ماشرب من مايه لجل دينه وصبره
ياابا عبدالله
خادم خدام اهل البيت(ع) جاسم حميد الاسدي
07703157420 باز کردن / نظر دهید

2022-07-21 20:35:15 ليلة مسلم (ع)

يحسين يحسين

غدروني الكــوفه يحسين
بس انا وطـوعه يحسين
افــديـــلك روحي يحسين
ماهـم بجـروحي يحسين
لـجـلك مامهـتـم يحسين
لـو راسي اتهـشـم يحسين
ريت ابو الحسنين حاضر بيها
ويــــه مسلم جـاكـلــب عاليهـا
يــعيــد يـوم الخندق اوماظيها
والـزلم فـــوك الـزلــم يرميها يحسين يحسين

ريــت تـلاكيـني يحسين
وتشوفـك عيـني يحسين
ايمينك ويميـني يحسين
ويمي ادك ثـايه يحسين
بالكـوفه اهوايه يحسين
ماعـدها احجايه يحسين
وانـته والعباس سـبـع الكـنـطـره
نبدي مـــن يمي ونـعـاهد حيدره
بسيف ذو الفقار اسوي الماجره
انكله لجل الدين هايالمجزره يحسين يحسين

هلهولـت طــوعـه يحسين
كل سيف اوروعه يحسين
يــوم امن جدادي يحسين
عيــنـك لــولادي يحسين
ذكــرهـم بـيـها يحسين
وكـلـب صافيهـا يحسين
عيـد يــوم المعـركه الحامي ادخيل
ياغـريـب الـدار ابــو حـمل الثجيـل
ياالله شـوفـهـم عـلـي المـاله مثـيل
هـــاي سهـله بسيـفـك وكـلش قليل يحسين يحسين

من شال الرايه يحسين
دمـاهـا ادمايـه يحسين
ماضيهـم عــاده يحسين
برجـال القــاده يحسين
مـذبــح سـواها يحسين
بسـيـفه اتلكاها يحسين
هوس اعله خيولها وصار النزال
هــوه كـدها ومعـلم افـنون القتال
حير العـدوان مـن طب عالرجـال
صارت الشرده ومفرهم لضـلال يحسين يحسين

صاحــو يامسلم يحسين
لازم تستسلـم يحسين
كـلهـم مـو انـه يحسين
ليعـوف اخـوانه يحسين
ماعوف حسيني يحسين
ونتو اتعرفونيى يحسين
اشون اعوف حسين وحده ابكربله
وهــــوه وصاني ابـمـر وتـحـمـلـه
فـخــر ليـه اول شهـيـده ابـمـرجله
لجــل ديــن الله ورسـوله اتـقبـله يحسين يحسين

خادم خدام اهل البيت الشاعر الحسيني جاسم حميد الاسدي 07703157420 باز کردن / نظر دهید

2022-07-21 20:34:30 نزلة ليلة العباس (ع)

اختاض اختاض ابو فاظل اختاض اختاض

يـقـسم بشيمت علي وسل سيفه
سـاعه يـذبح سـاعـه لمها بكيفه
هــاي مشرعته وخـذاها بحيفه
خـله روس اعـداه صارت جيفه

زامــط العباس ونــطــه حجـايه
الزيـنـب اخـته وخــذه المسنايه
مــن جحافل حرمله ابهل الغايه
هوس اعله خشومه اودك ثايه

كـلهـم العباس يامحـشر يـزيــد
سيفي يذبح حتى لودرعك حديد
مثـل ابــوي الحيد افعـل ماأريـد
من ضرب مرحـب ابـــداً مايعـيـد

جـيـشـو الاف اشـبـاهـه الـرجـال
كـالـو العبـاس مـاتـوص مـحـال
سـوه منهم مكبره بـذيـج الـرمال
مثل ابو الحسنين مـن طب للقتال

هـلهلـت زيـنـب وجـني اصـوره
مــن كصد للماي ضنوت حيـدره
اليـصدله بنظـره ودع منحـره
عـــاد صفيـن اوبـــدر والكنطـره

مـــن نــزل للماي عباس الاميـن
خاطب اجـفـوفه وكـلهـن للحسين
اروي جبدي شلون اكل لم البنين
وشنهي عذري من اميرالمومنين

خادم خدام اهل البيت الشاعر الحسيني جاسم حميد الاسدي 07703157420 باز کردن / نظر دهید

2022-07-21 20:33:55 ليلة العباس(ع)

بالحـرب شفـت الكمـر ضـل باله يمي
كـتله الله وياك خويه وزاد هميي
ياكفيلي ياكفيلي
&&
ودعـيـته وكـلـي عيـنج عاليتامه
هـــذه اخـر يـــوم خــويه بسلامه
صبري لو كطعو يميني اولا ندامه
ولا تــونـيـن ابـغـيـابــي بالمـلامه
خويه اخـاف عليج يـوم ايخظبوني
بـيـن الاف الزلم انـتي وضعـوني
ياكفيلي ياكفيلي
&&
انـتـضرته يـرجــع اومـارد عـليه
كـلـت يـاالله انـــه اشـلـون بــيه
الـرتـه سالم هسـه وافـته المنـيه
بعده شيصير بحياتي ابهل المسيه
اعذرني ياعباس لو كلك سبوني
حركو اخيامي يخويه اوعذبوني
ياكفيلي ياكفيلي

امـي وصتـني بحــزن وتـون عـليه
مــن تسمعين الحــرب بالغـاضـريه
قبلي نحــره الحسـين اوصـدره ليه
ادوسه عشـرة الخيل كلها لعـوجيه
اهلي ماتو والحزن يعميلي عيني
بس عليل اوبس يتامه امكابليني
ياكفيلي ياكفيلي
&&
رحـت ادور اعـليه بلـكي ايـرد اليه
شـفـت اخــوي مــدد بصعـب رزيـه
الراس دامي والجفوف عله الوطيه
ودعـت روحـي بوكتها وكـت سبيه
ماهي معـقوله تـروح وماتجيني
وماهي معقوله تخليني بونيني
ياكفيلي ياكفيلي
&&
شلون ياعباس بعدك لو سبوني
وكيدوني ابكربله خويه اولوني
وبين اطفالي او عليلي ايشتمـوني
مايــرحــون ال اميـه ايـعذبــوني
ريت اموتن وندفن وياك خويه
ولا اشوفن ضيم من بعدك يخويه
ياكفيلي ياكفيلي

خادم خدام اهل البيت الشاعر
الحسيني جاسم حميد الاسدي
07703157420 باز کردن / نظر دهید

2022-07-21 20:32:41 ليلة مسلم(ع)

يامسلم يامسلم
من شافت العسكر هجم كالتله طوعه اتهيه
اردم جـحـافـلهـم ردم يـتحـسفـون الجــيه
لبسهم اجـفـون الحرب ذكـرهـم ماضيه
عـالمكبـره كـود الكـفـر ودفــنهـم ابجـمعـيـه
ندمو المسلم ابهل جيه
ندمو كـل عساكـر ميه

رواهــم انجــوم الظـهــر وتحـسـف الـدك بـابـه
من انتخه ابصولت علي صاحـت هـله الكتـابه
يــرون قـصـت مسـلمي شنهي الجره اوسبابه
كلوله اهـلن بالـقـدر بالجـامع النكـابه
طوعه هلهلت بالكوفه
طوعه تعرف امعروفه

من دكت اطبول الحـرب شفت الشجاعه بعينه
ودعـني جــن اصـوره اتحـزم اوشـدحيله
كايـدهـم الطـف كربـله ورجالهـم تـشـكيله
اهناكه ابو فاضل صعب يصطرنه خيل ابخيله
حارو ياهــو منهم هـاذه
حارو منه اومن عباسه

بالكوفه صارت مجـزره وتـرادمـت بـيـبانها
لن سمعت ابمسلم ضهر وتراجفت عدوانها
زلــزل الكـاع بـصـولتـه وتحده كل شجعانها
ايـزامـط بـظـربـت عـلي ويهـوس ابـميـدانها
ادخيلك يابـطـل كـلـوله
ادخيلك عوف هاي صوله

كــل السـرايه حـاوطـت وحـتـارت بـتاليها
درب المفــر كلـش بعـد مـن ردو الـواليها
كلوله جــن حيدر بـــرز لمن كـلب عاليها
لعيـونه مانـكـدر نـصـد مانـكـدر انـلاكيـها
حكه لو تـفـاخـر بيها
حكه لن توله اعليها

اتنومست طوعه بشرف مــــن شــردت الخيـاله
بالكـوفه مـن مسلم بــرز وهوه اعله هايالحاله
ريــت الحسين ايـناظــره مـــــن سـكـت العيـاله
الاف مـــــن اتعـسـكـرو والخــوف ماهـو ابـاله
خافــومنه لايـفـنـيهـم
خافــومنه من يحميهم

بقلم خادم خدام اهل البيت جاسم حميد الاسدي
07703157420 باز کردن / نظر دهید

2022-07-21 20:32:05 ليلة العباس(ع)

وكف حتى الهوه احـتـرام الرايـته
العـزيـزك ياعلي الوحيد ابصولته

هـــد مثـل حيــدر يـنـادي وصاح جاوين الزلم
هوس عله اركاب وحده اليــوم شـيـال العـلم
علي وياك على عـداك يسيف المرتضى
يـعبـاس ينبراس يروح المصطـفى
يغيرة حيدره يسبع الكنطره وكفو من سمته

حارب العباس وحده وكـال هـاذه اول نزال
خافـت العـدوان بيها وكامت اتـلوذ الـرجال
بالصفـوف معى الخوف وتـظـل امحيـره
المفر وين يناسـين وحيد الكنطـره
يهوس لو بده عله خشوم العده شديد ابظربته

صوله صارت جن ثريه وجن مغيب وعاصفه
كـربـله صـارت تـرابـه اتخيل البـيـها اخـتـفه
ذبح روس ودفن روس الكـفـيـل ابخـنجـره
وثره هال عله الخــال وبـطـلـهـم مـادره
وكلهم هم قليل وحك حامي ادخيل بعدها غايته

رجــع لحسـين بجـربته وفـخـر ماليه مـاي
كله خويه اروي اليتامه وانـا بعـدك يالواي
عله الموت يمـولاي اظـحـي العيـلـتي
ونعـم بـيك يـوفـاي يـهـيـبه الخـوتي
والك روحي اوجسد فـده اوكثر بعـد وجفوفي النخوته

شوف بعد اصوله صارت وشجرى بطف كربله
مـن بـعـد وصلـت جربـته وهـلهلـت زيـنب اله
ينبـراس يــوفـاي ارهبهم بالحرب
الك يوم يعرفون ابو فاظل صعب
وعله مر السنين يوفاي الحسين تنادي امته

اختلفت اراء العساكر وختلف حجي الرجال
هـاذه واحـد مانكـدره لو اخوته ابهل نزال
يعباس ينادون اتــوبـه ومـانـرد
المفر وين يكولون عـدد يسحب عدد
يسبع الكنطره يغيرة حيدره زينب حيته

هوسه صارت بالمعسكر راح اكلك شنهي صار
البـطــل العبـاس طبـهـا جنه شايل ذو الفقار
والنفاس والنفاس كطعه ابهل حرب
ملك موت ملك موت نـزل بـيهم رعب
الجهنم يايزيد جيوشك والعبيد ابهايه صولته

بالخيم من ودع اخته كلها عينج عالحسين
واليتامه وي عليلج من يكطعولي اليمين
اوصيــج الامل بيج يخويه بطيحتي
بالحسين تـشجـعيه يروحي بغيبتي
الصبر يخت الصبر كفيله ابهل امر ابوي وصيته

مــــــن تـعـنـو للمخيم سـوه بـيـهـم مجـزه
اتوصط الجيش بعظمته وهاذه سبع الكنطره
يمولاي يمولاي نـشـيده بكربله
يعبـاس يعبـاس تـنادي العايله
وكفو منه والنعم بذبح ذيج الزلم عنيد بوكفته

بقلم خادم خدام اهل الببت جاسم حميد الاسدي 07703157420 باز کردن / نظر دهید

2022-07-21 20:31:09 نزلة ليلة الانصار

رايه من الحسين الحبيب اهديها
الشيخ النصار الـوفـي امخـليـها

شيخ انصاره اوبطل شـايـب اومايـنحـمل اصـــوره
كـال لحسـين افـتخـر اهــدم اجيوش الكفـر للمكبـره
وحـك هيـبـة حيدره اليوم اسوي الماجره ابـمكـدره
عابس وجون وعلي اسيوفهم مــن تعتلي جن مجزره
انصار الحسين علي المسميهه


صاح جاويـن الرجـال بهاي ساحات القتال ابوصلتي
وحدي وتلكه الشباب بسيفي والدم للرجاب ابحـملتي
سيف ابن ظاهر عنيد وعالرجس كلش شديد ابظربتي
ياعـلـي لمـن اكــول تـشـرد لاف العــذول ابطعنتي
اصحاب الحسين ياهو يكرب ليها


مسلم اوبــدر وهـــب كـل فـرد منهم صعب يـتـحــده
البــيه زود يـلاكيــنه بسوح الوغى متانينه بكل شده
مايـرجـع ابـنـفـاسـه لـن نافـع يكص راسه الي ضده
من حنظله مايخلص وبظهره عائـد لشـرس ايه صده
ابمصاب الحسين والله شاهد بيها


شـدو حــزام الحـرب مثل عباس الصعـب لاكـوها
سيوفهم تلهـب لهـب بـيوم نزلوعالغـرب سحلوها
اشهـد الهاي الـرجـال كالـو العــز بالثـكـال وفــوها
مثل اصحاب الرسول ويــه اولاد البـتـول نصروها
اتباع الحسين والله بارك بيها

خادم خدام اهل البيت الشاعر جاسم حميد الاسدي 07703157420 باز کردن / نظر دهید