2022-12-05 00:04:53
السلام عليكم ...
يرسم الإمام زين العابدين السجاد (عليه السلام) الخريطة التفصيلية لمريدي الطريق إلى الله تعالى ، ويضع الخطوط العريضة لرحلة البحث عن الحقيقة العظمى في مناجاة المريدين ...
وهو الي يريد درب رب العالمين لا يتعب روحه ويروح منا ومنا هي السالفة عند آل محمد حصرًا ، فلا كلساع داگله باب ، وطايحله ببزل ، وشارب ماي خابط !
يقول (عليه السلام) : ( سُبحانَكَ ما أضيَقَ الطُّرُقَ عَلى مَن لَم تَكُن دَليلَهُ وَما أوضَحَ الحَقَّ عِندَ مَن هَدَيتَهُ سَبيلَهُ ) وبهذا النص اكثر من نقطة :
اذا الله ما يدلي العبد ما راح يندل لو يگلب الدنيا گلاب ، اذا ما تشمل العبد نظرة رحيمة من الله ، ولطف من المعصومين ، وعناية من إمامه ، ما راح توصله عقليته ، او نفسه ، او قابلياته للطريق
چا شسوي
دگ باب الحسين
احفظ هاي القاعدة [ الي دربه ضيگ ، گلبه ضيگ ، قبره ضيگ ... والي دربه واسع ، گلبه واسع ، قبره واسع ( روضة من رياض الجنة ) ... ] .
بهذا النص عدة مفاهيم اذا گدرت تجمع بينهن وتطلع اشاراتهن وتربطهن بلطائفهن هوااااااي تطلع سوالف :
التسبيح ، ضيق الطريق وسعته ، الدليل ، وضوح الحق ، الهداية ، السبيل ... وذني يبقن عليكم
لأن الوقت متأخر وما اريد اطول عليكم
تصبحون على خير ...
د.الشيخ علي المياحي
https://t.me/ali11041
2.3K views21:04