(العليله) يل رايح نذر ل لله بيه شجم جرح صلى من هجرانك سملله يبويه بلوحشه لو حاجيت كلبي وحنيت اعله فراش موتي احسبني بويه ادنيت اول رساله اباب حزنك خليت بفراك وجهك بويه ما يسوه البيت من دورتك بروحي لكيتك اول جروحي اصبح وامسي ويه نوحي .. يبويه يبويه _ بويه الهوادج صارت بظهر النوك خذني دمعتي السفرتك هاي تلوك انته بغلٓات النفس عد المخنوك ترضاهه يبقى كلب بنتك محروك ابقى حايره كبالك حالي ينظر الحالك وانته تلملم اعيالك .. يبويه ___ محنيه بويه وصايره جني اهلال حسين البعد عل طفله لو مر جتال خليني اروح واقبل ارجع بحبال عمتي سبيه شلون وانه بهل حال اموت بسرعه من ارحل اشوفك وانته بلمقتل وي عمتي اركض اعله التل... يبويه يبويه _ دورلي كلمة عافيه تبرد الروح حتى اقتنع يحسين من عني تروح ماريد مرسال الهوى يجيب النوح ويكلي بلطف غالي عندج مذبوح لو وصلت رسايلكم اصبر مدري اعاتبكم واتذكر سوالفكم ....يبويه يبويه غفله وسمعت بأذني صوت الانفاس چن بلفرس راجعلي عمي العباس دمعت عيني وانترس بيتي احساس ثاري حلم شيب انترس كل الراس كل هذا حلم ضايع جنت اتخيلك راجع وينشف كل جفن دامع ..يبويه 40 views16:28
