قصائد محرم الحرام( الليله الثالثه) نزله لحن مله عمار الكناني (لاموني لاموني تحب الصميده) ………………………………………………………………… تانوني تانوني يهل الحميه اخذوني اخذوني للغاضريه ♤♤♤♤♤♤♤♤♤♤♤♤♤♤♤♤♤♤♤♤♤♤♤ بويه بداري لتخليني وحدي وتدريني فراگــك ياذيني گلبي مايحمل صبر رايح بويه انته مسافر وعني انته مهاجر وگلبي هاالضل حاير كلبي مايحمل هجر وينك بويه اريدك يمي يلي همك همي بجالك اشتد عزمي حسين ياسيد الطهر تدروني تدروني صعبه عليه اخذوني اخذوني للغاضريه ………………………………………………………………… انه ياهو الي بغيابك صعب والله فراگك شيحمله اليه مصابك وأنته هالناوي تروح صعبه هايبويه الغالي ياأمــــل دلالي مشغول بعدك بالي بغيبتك ابچي وانوح تدري لـوتبقى أنته ويايه تنجلي همومي هايه وتحققلي انته الغايه وتشفي يابويه الجروح عفتوني عفتوني محد أليه اخذوني أخذوني للغاضريه ……………………………………………………………… گلي هالسفر يابويه وين لياديره أنتم ماشين جاوبني بويه يحسين صــدگ ماشـي لكربله حالي بعدك أنته اتغيير من شفت هالمنظر گلبي بويه اتحير طحت بويه بمشكله شفته حمل وشال الضعن وسكنه ورقيه مشن وياك بويه سافرن راحن بهل القافله وعيوني وعيوني ضلت جريه اخذوني اخذوني للغاضــريه ………………………………………………………………… ذنبي مارحت انه وياكم يصعب علي فرگاكم أهواكم انه اهواكم ضليت وحدي بلاولي صبري بعدك أصبح مستحيل وجسمي يابويه نحيل بروحتك ماضلي حيل وهمومي ماضن تنجلي خلاني وسافــر لديـره غــرب وجـــرحه بـاقي بالگلب نار گـلبــي هالتــشــب بلـوه بـغيـــــــابه ابتلي تركوني تركوني وراحوا سويه اخذوني اخذوني للغاضـريه ………………………………………………………………… اتمنه تبقى عمتي زينب تمسحلي دمعي لوصب مـــــــن كثر ماانحب ريتها يمـــــي تضل امنيتي سكنه ورقيه بقن وللسفر لامامشن واثنينهن يمي اجن وفرحتي بيهن تكتمل تمنيتهم زينب وعمي الگمر ماراحوا بهذا السفر اوالدي وياهم حضر بالبيت يلتم الشمل حرموني حرموني شوفت رقيه اخذوني اخذوني للغاضريه ………………………………………………………………… الخادم عـمـاد محمد الـدراجـي السبت 2019/8/17 44 views16:37
