#قصائد_محرم_1441 ــــــــــــــــــــــــــــــــــــــــــــــــــــــــ عمه فسريلي الحلم كعدت حيلي منهدم شفت نار وخيمه واحنه بلايه ماي وجن شفت واحد اخذ ترجيتي هاي كعدت رقيه من الحلم كوه تجر الشهكه ركضت الزينب بالدمع تحاجيهه بس مختنكه ياعمه مر بيه حلم شفت الخيم محتركه واحد غريب بلارحم متنج بسوطه يطكه بالحلم شفتج تره وحدج ومحيره بس سمعتج صحتي ياكافل الواي متحيره زينب بقت وتكلهه صدي عليه محد ضربهه عمتج وهاي الخيم محميه وترجيتج محليه الاذن محد اخذ ترجيه ولانار لا عسكر تجي ولا عمتج مسبيه تصّبر الطفله وتون وبكلبهه شكد حزن تدري بيه هذا الحلم واقع وجاي لمن سمع هذا الحلم كام الحسين وصله والصدره ضماه وبجه وكالله بويه اسم الله يابويه كالتله تره شفته انذبح عبدالله وراسك يغالي ع الرمح بس ماكدرت اوصله ردت ابوسك حاولت والرمح عالي وطحت كوه ردوني وصحت جنك وراي صدت لسكنه بالدمع وتكله سكنه شلونج تبجين شفتج بالحلم حمره تصير عيونج مجلبه بعباية عمتي والعسكر يضربونج ياسكنه خليني أطمئن راويني فدوه متونج بالحلم وادم غرب كل سوالفهم ضرب كعدت من الحلم يوجعني كفاي كالوا العباس الكمر بالطفله صارت خوفه كعدهه بحضانه وبجت وتعاين على جفوفه جفوفك يعمي تنكطع جسمك الخيل اتطوفه وسمعته زينب وبتده دمع الصدك ملهوفه والله يا عمي الكمر شفت جسمك ع النهر كله التخافين مادامج وياي ليث البديري 23 views17:02
