مشتاكه الك والدمعه بالعين والله وكت نتفارك حسين عالهزل خ | نشر القصائد الحسينية لجميع الشعراء
مشتاكه الك والدمعه بالعين والله وكت نتفارك حسين عالهزل خذوني لو تشوف متوني *** خويه راسك عالرمح ويصد اليه ادري هم مشتاكلي وكلبي عليه خويه موتني الحبل ياكل بديه لا توصي بعيني اخليها رقيه
سووني بعدك فرجه للناس واركض وصيح الحكني عباس وبالحجر رموني ولو تشوف امتوني ******* لا تكلي شلونج ولا يجري دمعك شلونك انته وخويه كلي شلونه ضلعك شلونك من انسحك صدرك خل اسمعك شلونك او واحد شفت يگطع بصبعك
شلونك يخويه بحر الشموس وخيل عله صدرك كامت ادوس لا تكلي شلوني ولو تشوف امتوني ******** عيني ياخويه الرقيه من يجي الليل ترسمك عله الكاع لاجن شايف الويل تكعد تميل السهام وتمسح الخيل وترجع اتشم التراب وتشبكك حيل
ترسم نهر بيه شكثر ماي وتركض تريد اتشربك اهواي وانه تجري عيوني ولو تشوف امتوني ********** كلها عمه تصيح وينج وانه اسيره ياهو اركضله وشصيرن والله حيره للزغيره اركض كمت وعله الجبيره ولو حميده الناظر المسلم تديره
للكوفه اجينه وما لكيناك ونتمنه كلنه انسولف وياك من الابو حرموني ولو تشوف امتوني ****** خويه مامرتاح بالي وبيدي الحبال منين اجيبن يا ابو الاكبر راحة البال خويه يوميه آنه اوكف بين الرجال وصعبه جلمة يالسبيه عليه تنكال
تكتل يخويه صعدت النوك والشده من طبينه للسوك شكد حجي يسمعوني ولو تشوف امتوني ***** تمت ميثم العمري