عفتوني وي هاي الناس لاغـــــيره عدها واحساس يحرگ ابــــــگلبي يريد مرني من يم الكــــــــفيل ــــــــــــــــــــــــــــــــــــــــــــــــ من الهزل ضهري انحنه... چن حنــــية اعثوگ ما نوخن ذاك الدرب... نوخن بالســوگ واليهضم الحادي شمر... شد الحبل طوگ ضيم السبي واكثر بعد... شتمتنه الحلوگ
عاينها ياخويه اشلون مشامر غدت العيون متشّمته وتضحك فرح چي مدمعي ايسيل ــــــــــــــــــــــــــــــــــــــــــــــــ لسياط خلت جم جرح... يتنازف ادموم وجدامي زرگه من المشي ما شايفه النوم ورقيه تسألني شكثر.. هل يمي اتحوم.. وين الكفلنه بالضعن... محتاجته اليوم
وين الي يجبر خاطري ويمسح ابچفه ناضري وين التكفل بالضــــعن شـــــــو ناگتي اتميل ـــــــــــــــــــــــــــــــــــــــــ بدروبنه طشو جمــــر.... شي شعلت النار لاكالو العيله نولت... لا واحد انغار لا هما من فوگ السطح... رامونه بحجار من ضيمي الصوب النجف... هل وجهي اندار
شبگت عله الراس وبچت ونفاسه بســــــرعه هدت ثاريه ماتت عــــــالطشت مــــــن شمــــــــــت الهيل ـــــــــــــــــــــــــــــــــــ تمت بفضل ساداتنا ال محمد ص مشترك.. بين كل من الشاعر والرادود ابو ماجد الشغانبي والشاعر والرادود. ياسر الزيادي
