الامام الحسن ع ينعى اخيه الحسين ع ويقول (لايوم كيومك يا ابا عبد الله) لايوم كيومك ..... يا اباعبدالله هالعباره بيهه نص من الامام المجتبى تحتوي كل المصايب خامس اصحاب الهدى بيوم عاشوراء تبدي كل رزايا كربلا بيهه ابو السجاد يبقى عاري ظل عل الثرى لا رزئ كرزئك .... يا ابا عبد الله حسين خله راس اخوه بحجره ويصب الدمع يكله ياخويه اعله فكدك كلبي دامي ومنصدع جبدك اتوذر يخويه بالطشت كله انجمع صايم وعطشان كلبك يرتوي بسم الوجع لا حزن كحزنك ...... يا ابا عبد الله يامصيبه كلي اعظم حتى من عدها ابتدي خويه كلها تهون لجلك والمصايب تنتهي انت تبجي اليوم يمي ودمعك عليه يهلي باجر انت بيوم عاشر كل عيالك تنولي لا قتل كقتلك .... يا ابا عبد الله خل اسولفلك يخويه عالنشامه صحبتك وعن اهل بيتك ضحايا تموت كلها النصرتك والعقيلة الله واكبر بالصحارى تعنتك تصيح ياخوية الحك النه الكوم حركت خيمتك لا صحب كصحبك يا ابا عبد الله من بعد حرك الخيام اطفال تشرد بالفله لا محامي ولا كفيل تصير كلها معلعله وابنك السجاد وحده يبقى وي العايله يصيح ماولدتني امي ولا اشوفن كربله تبكيك كل الملا. يا ابا عبد الله خادم الحسن ع علي الركابي ٣ صفر ١٤٤٤ هج 37 views18:55
