2021-12-04 02:30:35
ابـــاب الزچية الزچية الزچية
مديت اديـــه اديــــه اديــــه
ـــــــــــــــــــــــــــــــــــــــــ ـــــــ
لباب مجلسها اعتنيت و جدمي اول مــا دخَل
بيا هلا تلگتني احسها و دمعي للمـــلگه انهمل
و من بديت الطم بديه و انه اقـــــره المستهل
خدمة مقبــــولة و عـــــزائك يُمة گلتلي انقبل
تــــرضه عليَّه عليَّه عليَّه
مديـــت اديه اديه اديــه
ـــــــــــــــــــــــــــــــــــــــــ
بعين وحدة تباوعلنه و مــــــا تفَّرق لا ابد
رغم ما كسرة ابضلعها هيه للخـــادم سند
ويانه تگـعد بالعـــــزية گَعدت الام و الوَلَد
و التصير امــــه الزچية شرايد امن الله بعَد
لامنّه الجلية الجلية الجلية
مــديـــت اديـه اديــه اديـه
ـــــــــــــــــــــــــــــــــــــــــ
ما تضَّيع تعب خــادم تشتـري بأغلى الثَمَن
أجرك و أجري عليها و اللطم عدها أنضُمَن
دمعة دمعة وَثِقَّتها ادمــوعــــنه ام الحـسَن
و باچر اتردهـن علينه من يشـــدون الچـفَن
يـــــوم المنية المنية المنية
مديت اديـــه اديـــه اديـــه
ـــــــــــــــــــــــــــــــــــــــــ
ام ابيها و بيها ندري هيــــــه ام كل الخَدَم
شيطلب الخادم تگله هالطلب يوليــدي تَم
عايشين احـــنه ابفضـــلها امغرگتنه بالنِعَم
ربــــي ثبتني ابــــدربها لو تـِزل مني الجِدَم
ثبتـــها اليــــه اليــــه اليه
مديت اديــــه اديـــه اديه
ـــــــــــــــــــــــــــــــــــــــــ
لو كُبَر ذنبك تشوفه يالخِدَمت الـــــها الأبن
توب لالله و رد عليها ما تطـــــــردك أطمأِن
ام گلب واسع گلبها للخَدَم صـــــــاير حضِن
و احنه وي مهدينه باچر نصلب الگلها (وإِن)
گبـــال البرية البرية البرية
مديت اديـــه اديـه اديـــه
ـــــــــــــــــــــــــــــــــــــــــ
فاطمة سر الوجود و غاية الحــــق العلي
من اجلها أوجَد محمد ربَّك و أوجَد علي
جنة الجنة و رسمها نـــــــور ربَّنــا الأزلي
شما دعت ربَّها يگلها يــــام حسنّه ادللي
ابدمعة جرية جرية جرية
مديـت اديـه اديـه اديـــه
ــــــــــــــــــــــــــــــــــــــــــ
الحمدلله
علي حسين الكناني
2.9K views23:30
ق
