كفاش غيكون التسويق الرقمي في عصر MetaVerse ! شحال من واحد فيكم | ALIEXPRESS Methods & EBAY 🔥🤑

كفاش غيكون التسويق الرقمي في عصر MetaVerse !
شحال من واحد فيكم طاح عليه هاد السؤال كفاش غيكون التسويق في عالم إفتراضي ثلاثي الأبعاد , كيف ما تتعرفوا الفيسبوك خدام دبا على Metaverse من هنا العشر سنوات إن شاء الله غنوليو كلنا دايرن نظارات رقمية وكاسك VR باش نتواصلوا مع بعضنا في عالم إفتراضي شبه حقيقي وفي اي مكان في العالم.
في داك العالم الإفتراضي غيكون التسويق والإعلانات او ما يسمى مستقبلا Metaverse Ads ولكن كفاش غيكون.
اجي نتفتارضوا دابا ان نتا في هاد العالم الإفتراضي و مريح في قهوة ومعاك شي صاحبك هنا غيبدا تسويق كفاش.
غتلقى عمارات واماكن لي حداك فيهم بانوات ديال الإعلانات , وغتلقى سيارات فيها إعلانات ديزا من حداك , وفي طبلة لي مريح فيها نتا وصاحبك غتلقى شي اشهار ديال شي منتوج, وزيد غتلقى ناس هما ماركتر غايجي تال عندك وغيسولك واش باغي سي منتوج او خدمات, وزيد الإعلانات في شاشات عملاقة غتشوفها في شوارع , وزيد إعلانات في ألبسة ديال ناس لي غيدوزوا من حداك , عاد الإعلانات ديال روبوتات لي غيكونوا في الفضاء اي سماء وتقدر تشوفهم.
وغيكونوا متاجر لي غتقدر تدخل ليهم وغتشوف المنتوجات لي بغيتي لبس وقيس وشري افتراضيا وداك شي غيوصلك تال دار بنفس الجودة , هنا الماركات العالمية غيكون عندهم متاجر موثقة يعني ميقدرش شي واحد يدير متجر Nike من غير الشركة الأم وهادشي بالنسبة لكل الماركات.
ولكن كفاش غتم بيع وشراء ! هنا تكون نتا لي تتحكم إلا عجبك شي منتوج , تتشريه من عند اصحاب الإعلانات فقط او المتاجر وتيوصلك تالدار .
عملية الشراء نتا لي تتقرر امتا تكون حيت غاتكون واحد السلة افتراضية هي لي غتحط فيها المنتوجات لي شريتي وما يمكن ليك تخلص تا يتم التأكيذ على عملية الشراء.
هذا تصوري للتسويق في عصر Metaverse .