ادبی مکتبلره ، بیر قیسسا باخیش مکتب = توپلومسال دوشونجه، یعنی | علی جباری(علی معللیم)

ادبی مکتبلره ، بیر قیسسا باخیش

مکتب = توپلومسال دوشونجه،
یعنی،
چوخلارینین او دوشونجه دن، او فیکردن، او ایشدن، خوشلاری گلیر.

1- آنیمیسم = جان وئرمک،
ادبی بزکلرده تشخیص دئییلیر
یعنی،
اشیایا، طبیعته روح جان وئرمک.

2- اسپریتوالیسم = روح اوستونلوگو، یعنی،
بو اینانج دئییر، دونیا هابئله انسان روح ماده دن یارانیب،
بیر ایدده سی دئییر، دونیادا تک بیر واقعیت وار، اودا روح دور.

3- اگسپرسیونیسم = دویغونو دئمک،
یعنی،
هربیرکس هرجور ایچ احساسلار تام آزادلیقلا بیان ائدیب دئمه لیدیر.

4- اگزیستانسیالیسم = کیملیک اوستونلوگو،
یعنی،
انسان اؤزونه، اؤز عقلینه اینانمالیدیر
کیملیگینی تانیمالیدیر.

5- امپرسیونیسم = نقاشی ده، ایکی ساده، آغ، قارا، بویادان فایدالانیب هنر یاراتماق.

6- اومانیسم = انسان اوستونلوگو،
یعنی،
انسان حقوقلارینین طرفداری دیر، یعنی، انسانا، ده یر وئریر.

7= اونانیسم = چئوره تاثیری،
یعنی،
اجتماع، توپلوم، عایله، هربیر آدامین گئدیشاتینین گلیشمه سینین کوکودور.

8- ایده آلیسم = ذهنیت اوستونلوگو،
یعنی،
دونیادا گؤرونن بوتون شئیلر انسانین ذهنی، تخییولو یاراتدیغی دیر، انسان اولسه داها اودا یوخدور، هرزادی ذهنی بیلیر.

9- باروک = ساوادلیلار اؤزلرینی یوخاری گؤرور،
یعنی،
ساوادلیلا، عوام آراسیندا فاصله یاراتماق
ایستیر
اؤرنک،
دیش یئرینه آغیز مبلی،
چؤرک یئرینه یاشاییش کمکی دئییردیلر
معماریده ده، ایشلرینه خاص بزک وئرمکله، خاص ایشلر گؤرمکله اؤزلرینی آییریردیلار.

10- پارناسلار = تک هنر اوچون،
اینجه صنعت، اینجه صنعت اوچون (هنر برای هنر)
یعنی،
هنرمندین حاققی یوخدور، هنرینده، هنردن باشقا ایشه قاریشا
یعنی،
سیاسی، اجتماعی، شخصی، هدفلی بیرزادی هنرده ایشلده.

11- پوپولیسم = عوام دیلی،
یعنی،
میللتین احساسلارین، دردلرین، میللت دیلینده دئمک،آنجاق
بیرایدده مللتی آلدادماق یئرینه ایشلدیر.

12- دادائیسم = هرج مرج،
یعنی،
قایدا، قانون، اخلاق، سنت، عقلانی، ایله مخالف دیر
هرزادی، مسخره ائدیر،
حتی اؤزونوده مسخره ائدیر.

13- رئالیسم = گرچکچیلیک،
یعنی، واقعی گرا،
یعنی،
هرزاد اولدوغو کیمی وار،
آیده آلیسیم ین ترسینه،
دئییر
من اؤلسمده یئنه هرزاد واردیر قالاجاقدیر
ادبیاتدا دئییر
آلمانی ائله گوستریرکی آدامین ایستریر دیشله سین.

14- رئالیسم جادویی = یوخوکیمی،
یعنی،
یوخودا واقعیتله خیال قاریشیر
آنجاق واقعیتده اونو قبول ائلمز.

15- رومانتیسم = دویغولو خیال،
یعنی،
احساسلی، دویغولو سؤزلری خیالدا دئمک
اؤرنک حیدربابا شعری تک گئچمیشه قایتماق
یا
یانیندا اولمایان یارلا دانیشماق.

16- سوررئالیسم = گرچکدن اوزاق، یعنی، غیروقعی، واقعیتدن اوزاق، اغراق، غلو
اؤرنک
داغ سو اولدو
یا
آلمانی باشقا شکیله سالماق
اینانجی بونا دیرکی انسانین ذهیندن کئچن تصویرلری حقیقی اولماسادا هنره گتیرمک اولار.

17- سمبولیسم = گیزلی دئمک
یعنی،
گیزلی دئسین دییه سؤزلری باشقا سؤزله دئییر
سؤزلری نماد، نشانه ایله دئمک
اؤرنک
ظلمت یعنی دیکتاتور
بابک یعنی مباریزه
جئیران یعنی گؤزل ...
سمبولیسم ین، اینانجی بونا دیرکی سؤزو مستقیم دئمکدن قاچیب، نمادلا، نشانه ایله اوخوجونو راز، رمزی تاپماغا وادار ائدیر.

18- فوتوریسم = گلجکچی،
یعنی،
مدرنیسم، تکنولوژی، صنعته اؤنم وئریر .

19- فرمالیسم =اوزچو،ظاهرچی
یعنی،
فورما، ظاهره، قورولوشا ارزش وئریر
مضمونا، هدفه، فیکره، ده یر وئرمیر
تام محتوانین ترسینه دیر
شعریده،
فرمو، ادبی بزکلری، قافیه نی...سئویر.

20- فمنیسم = قادین حاققی،
قادینا، قادین حاقلارینا ده یر وئریر.

21- کلاسیسم = قدیمی،
یعنی،
کئچمیش، قدیمی اثرلری سئویب اونلاردان فایدالانیر
اؤرنک
دده قورقود ...
بیرده
ایندی بیرایدده قالیبلی شعره کلاسیک،
محتواسی، فیکری مدرن اولسا، نئوع کلاسیک دئییرلر.

22- کوبیسم = نقاشیده هندسی خط ایله تصویرلر یارادیر
قیریق قوروق فورمادا گؤزلیک یارادیر
شعریده، شعریله تصویرین ترکیبی، بیرلشمه سی.

23- لیبرالیسم= آزادلیق اوستونلوگو،
یعنی،
هربیرکسه اولدوقجا آزادلیغی سئویر

24- ماتریالیسم = ماده اوستونلوگو،
ماتریالیسم، ایده آلیسمه قارشی دیر،
دئییر، چئورده اولان شئیلرین وجودو واردونیا میلیاردلار ایل قاباق یارانیب.

25- مدرنیسم = یئنیلیک،
یعنی،
غرب ادبیاتیندا بیر دوره تاریخ دیرکی موضوع، شکیل، دوشونجه، قاباقکیلاردان فرق ائدیر
او گلیشمه، او اؤلکه لرده، 1900میلادی دوره برینده، فرقلی زاماندا اولوب.

26- ناتورآلیسم= طبیعت چیلیک،
یعنی،
هرزادی اولدوغو کیمی سئویر
ادبیاتداندا هرزادی طبیعتی عینی اولدوغو کیمی گوسترمگی ایستیر
اونلارا علمی باخماغی سئویر.

27- ناسیونالیسم = اؤز میللتین سئون،
یعنی،
ناسیونالیست آدام اؤز میللتین سئور
هئچ واخت باشقا میللتلره ده، نفرت
گوزوایله باخماز.

28- نیهیلیسم = پوچلوق

نیهیلیسم دئییر هرشئی معناسیز دیر
آنجاق
او دئدیگی سؤزون اؤزونون معناسی وار.

علی جباری(علی معللیم)

@alijabbarii