یاغیش گؤرمورسنمی گونوموزو نییه بئله یاغدین یاغیش برکتسن یا ب | علی جباری(علی معللیم)

یاغیش

گؤرمورسنمی گونوموزو
نییه بئله یاغدین یاغیش
برکتسن یا بلاسان
باخ گؤزلردن آخدی یاغیش
نییه بئله یاغدین یاغیش

ساغالمامیش قاطار دردی
یئنی بیردرد تئز گؤیردی
پای بیزه قضا قدردی
بومیللته بو نه باخیش
نییه بئله یاغدین یاغیش

زلزله نین دردی آزدی
یئنی دردی بیزه یازدی
هردرد نه قدر اورک قازدی
اورکلردن قالخیر قارقیش
نییه بئله یاغدین یاغیش

یوللار قیریر ال چکین سیز
درد انباری اولموشوق بیز
هی چوخالیر دردلریمیز
درد درد اوسته وورور ناخیش
سنده بئله یاغدین یاغیش

تانریدانمی سوروم عللت
یاغدیریرسان هی مصیبت
بیزی گوردون دیلسیز میللت
بودیلسیزلیک اولوب قاخیش
سنده بئله یاغدین یاغیش

علی جباری
@alijabbarii