زلزله یاتما طعبیم اویان آمان گؤنودور گؤرمورسن ائلیمین یامان گ | علی جباری(علی معللیم)

زلزله

یاتما طعبیم اویان آمان گؤنودور
گؤرمورسن ائلیمین یامان گونودور
سندن چوخ سؤزلری اومان گؤنودور
یئر کره سی  بوردا گلدی اویناغا
نه قدر ائولری قاتدی تورپاغا

زامانین الیندن دردیمیز آزدی
فلک یئنی ظولمون بیزلره یازدی
عاجیزی اینجیدسین اویامان بازدی
آذربایجانیمین اؤره ک  بدلری
ییخیلدی یوردومون شهر ، گتلری

گؤر نه قدر ائو یخیلیب الندی
کؤرپه اوشاق داش دیوارلا  بلندی
بو گوزل یوردومون نئچه یوز کندی
بیرآندا نئچه مین ائوی یخیلدی
یازیق خالقیم چالدیرلا سیخلدی

سایماقلا قورتارماز کتلرین آدی
او گؤنده ، وئردیلر الدن هرزادی
یوخسوللوقدان ضعیف اولموش بنیادی
بیر بئله اوچماغین باعثی کیمدیر
یوخسوللوق دئییجک هرکیمی دیندیر

آذربایجان نیه ؟ بو گونه قالدی
گؤرنلرین باغرین درد کدر آلدی
امداد نیرو لاری  گؤر نجور گلدی
دیین یوخدور باشلارین نه قاتمیشدی
مسئوللاردا باشی آتیب یاتمیشدی

ارتشین امدادی فوری گلمه دی
سرباز تؤکوب نفس یولون دلمه دی
سانکی آوار آلتدا آدام قالما دی
سونرالار گلدیلر اللرده سیلاح
کمک هانی بو نه ایشدی آی آللاه

امدادین الینده غذا گلمه دی
قاب قاشیغی تورپاق باسدی وئرمه دی
اوشاقلار آج قالدی اؤزو گولمه دی
یازیقلار آج سوسوز قالدی چؤللرده
گؤزلری گزیردی گلن اللرده

اوآن  مللت بیر حماسا  یاراتدی
یخیلان تورکلره تورکلر ال آتدی
گئنه تورکلر اینسانلیغی اوجالتدی
اوآن یئتیلر قارداش دادینا
قوربان اؤلوم بئله  ائلین آدینا

بیلن بیلمیینه دئیب هایلادی
وسایلی مللت گتدی  تایلادی
ماشین قاطارلادیب  گنده پایلادی
گؤرن دئدی بونه بیرلیک نه سسدیر
آلانلار دئدیلر، دا ، بیزه بسدیر

چوخلاری مالیندان کمک ائتدیلر
چوخلاری کمکه اوآن گئتدیلر
آداملاری تورپاق آلتدان گؤتولر
تورک خالقینین گؤروم اوزو آغ اولسون
بیرلیک علی هرواخت بئله داغ اولسون


علی جباری ( علی معللیم )

@alijabbarii