2021-08-29 15:11:45
#رسالة_اطمئنان_للمؤجلين!
التأجيل ومسح الدفتر... وكلام الناس.
اول شي خلي ببالك انه إذا أجلت ما راح تسوي جريمة، ليش هالكد خايف، هو مجرد تأجيل إمتحان لمدة شهر! شكو كل هالخوف! بالعكس إذا أنت مو ضابط المادة كلش وتروح تمتحن وتجيب درجة ناصية تبقى تلوم نفسك طول حياتك لان هذا مستقبلك .
أسئلتكم :-
_شنو الفرق بين الدور الأول والثاني؟
اللي يمتحن دور اول يحصل درجة ع المعدل مثلا معدلك 89 راح يصير 90، بينما يأجل مادة او ثنين الخ.. راح تفقد هاي الدرجة (هذا اكثر فرق مهم بين الدور الأول والثاني)
يكولون أسئلة الدور الثاني أصعب من الدور الأول؟
_هاي الاسطوانة اللي ما نخلص منها ابد ويخوفون الطلاب بيها، عيني ماكو هيج حجي بالعكس الأسئلة كلها من الكتاب ووزاريات ومكررره فلا تخاف ابد ماكو هيج حجي...!سواء دور اول او دور ثاني.
يكولون اللي يأجل مادة ما يحقله يقدم ع الكليات الطبية صح هالشي؟
_ابد ماكو هيج كلام لا تصدكون، لو حتى دور عاشر هم يحقلك تقدم ع كل الكليات سواء طبية او غيرها.
زين شكد المدة بين الدور الأول والثاني؟
_شهر اقل شي.
ولا تسمع لكلام احد، هذا مستقبلك وانت ادرى بيه، يلومونك، يحجون عليك لأن أجلت، بس لا تهتم، التأجيل افضل من انه تكسر َمعدلك..
اي شخص يكلك ليش أجلت
كله هذا مستقبلي مو مستقبلك، ومعدلي مو معدلك خوش؟
انساه وادرس لللي جاي.. وتعوض بالدور الثاني
580 viewsعُلَيْ أُلَخِفّأُجُيْ, 12:11
ش
