#لمصاب_مولاي_عبد_الله_الرضيع #عليه_افضل_الصلاة_والسلام نام الولد دللول دللول نام الولد بنحرك يمدلول نام السهم طول بين ايدي مكتول = نايم دللول حطيت ايدي يم ظهرك ونگعت من دمه نحرك ، كاروكك مغيسل دم ، ، يفطمك سهم من زغرك طلعتك اميّه ردتلك ، ، عافت رگب والنبله اجتلك يمدلل ولعابت اهلك يبني دللول ناغيتك امناغه المنيه جا تنذبح ما بين اديه افراش المهد فارغ خطيه يبني دللول ======================= نام الولد دللول دللول نام الولد طاح اعله الهدوم دمك يملچوم ، ، چا مو وكت نوم ، = يبني دللول من النوم ابني ما شابع وسهم نحره بنزف طابع من كد الحراره البيه سهمه من الظهر طالع حطيت حظنك جوه اديه ونوب مدري شصار بيه ، دمك نزل حصت الوطيه يبني دللول عطشان بس ساگيك دمك يصيار امس يرويحت امك المتعوده كل شوي تِشمك يبني دللول ========================= نام الولد دللول دللول نام الولد ما مرتوي ومات ، موت الحمامات ، ما شبع شبكات ، = يبني دللول عله نحره السهم يغبش انذبح نحره ونزف كلش حركته ولمست ايديه واتمنيته بس يرمش ، ، امك اجتك بويه تركض شافتك امكطع امغمض برجليك اجت ملهوفه وتكض يبني دللول اخر نفس ما لاحك اعليه لحگت دمه وصل رجليه من اكماطه طلعت لمعت ايديه يبني دللول ======================= نام الولد دللول دللول نام الولد بصدرك نزل دم ، وبيه بده الهم ، بيا ركبه تنشم = يبني دللول يبو ضحكه وحضن دافي متت وسفه على چتافي وعينك جي ترسهه الدم ما ادري متت غافي ؟ ، ، انا ادري بزر الكعده غالي ويصير اعز شي من جهالي باك السهم تعبي وحلالي ، ، يبني دللول شفتك عله نحرك علامه وبگلبي چن يوم القيامه شيگعدك وليدي بسلامه يبني دللول ======================= - علي مهدي المالكي ، ، https://t.me/alimahdi9x9 7.6K views19:02
