القصيدة للشاعر الشاب حسين الزينبي من مولاتنا فاطمه الى مولات | الشاعر علي مهدي المالكي

القصيدة للشاعر الشاب حسين الزينبي


من مولاتنا فاطمه الى مولاتنا زينب

انذبح ذاك الذي نحره هو احسن
نفس وبشمه مر ريتي هو احسن
جنت بكربلا لمن هوى حسين
وخيل الداسته مرت عليه

( جنت يمه ) محرم 1444

يزينب حاضره يمج وشفت وليدي من احتار
بكسرة ضهره يم عباس هانت وجعة البسمار
وشفت رقيه ودموعج من دخلت خيامج نار
وجنت يمه من اجته الخيل اخ وطشرو طشار

وانادي بس بهداي مختنكه من انادي
لغادي يمه عليك ضلعي ادنه لغادي
وفؤادي مثل شفايفه تفطر فؤادي

كتله انجانك علا الكومه تكدر
اجتك خيلهم يحسين وخر
اجتك خيل/ ومامش حيل
اوخرك ضلعي مكسور
=====================
شفت الشمر يذبح بي وصدره ينطحن بالخيل
وشفتج من عثرتي بعون يا يمه بضلام الليل
لذلك عفت الم ضلعي ولدموعج ادور حيل
يزينب خل اسولفلج منضر خله دمعي يسيل

تعذب كبلج شفته بالحافر تعذب
وتسلب يزينب ابني كدامي تسلب
تخضب اخيج شيبه يم امج تخضب

يمه وذاك شيب حسين الابيض
شفته بجف شمر بالذبح ينكض
الشمر يمه / چنت يمه
وشفته بجفه منحور
=====================
يمه اليلجم ضلوعي جان وداعج وي حسين
واحس بريتي مرتاحه جيف بنحره تشتمين
هنيالج لطمتي علي ومامش لجمه من تبجبن
انا مابيه حيل الطم يلجمني الضلع والعين

لطمه وين الطم وانا بخدودي لطمه
هضمه عطر وليدي بالحذوات هضمه
عضمه اخم الخيل لو ردت الم عضمه

يزينب حيراني حسين لمه
نص عالكاع نص بالخيل جسمه
المه منين/جسم حسين
والخيل بكربلا تدور
======================
يمه الحيره البكلبي الم حسين لو المجن
انشلع كلبي بكثر ماراد عن الجمر يبعدجن
وعيني تشوفهم جابو نوك وحبل يجتفجن
مثل كلمة وأن اسمع صوت الشمر يشتمجن

بأذاني اسمع صوت شتموهن بأذاني
جواني موجمر الخيم اسمج جواني
وعماني جرح رقيه مو قنفذ عماني

يزينب ماعمتني بخدي سطره
عماني شفت الج يام عون عثره
من تكومين/وتطيحين
كلبي وياج مهطور
========================

حسين الزينبي

https://t.me/alimahdi9x9