يالمالحضه عايفني اجه موتي ياكافلني تعال ابكبري نزلني يابوفاظل يابوفاظل ========= وياي مثل اخيالي تمشي ولحضه ماعايفني ابد انــــــــه امك وانــــــــه اختك وانه روحك يالسد كبل لا تلــــــــــفي المنيه ردتــــــــت يلفيني حد اشكد تمنيت انــــــــت بيدك خويه تحفرلي الحد تمنــــيتك تجي بموتي وانت اتحـــــمله تابوتي انبح من البجي صوتي يابوفاظل يابوفاظل ========= ردتك ابموتي اتحضرني وجان حلمي بهل سنين وانت التشيعني ردتــــــــــك يابوفاظل يالحنين ردتت نعشي انــــــــت تشيله ياحبيبي ام البنين لجن عاذرتك يخــــــويه انـــــــــت ماعندك ادين كبل موتي ردتت جيتك اتحمل نعشي على ايمنتك لجن ماصـــح يروح اختك يابوفاظل يابوفاظل ========== خويه انه الــــــــــدري اليموت اهله يجونه يشيعو وبين اهله ونـــــــاسك خــــــــويه لون رادو يدفنو وانه زينــــــــبكم وسافــــــــه نعشي غربه يحملو الجم مــــــــتني يابوفاظل لمن نعــــــــــشي نزلو ردتت بجغوفك الطيبه تنزل جســــمي للتربه هضيمه اندفن بالغربه يابوفاظل يابوفاظل ========== ردتــــت كبري يصــــــــــير يمك بكربله يابو الفظل بيــــــــــنك وبين الحسين اتمــــــــــنه كبري يالنفل موتي مــــــــو هسه تره انــــه متت من جابو هزل ولسه اديه يوجعــــــــني خويه مــــــــن جر الحبل يالريحت علي ابهدمك تمنيت الكــــــــــبر يمك هواي انت وانا اشتمك يابوفاظل يابوفاظل ========= يالغبت عــــــــــن عيني غفله اهواي مشتاك الكلب انت عندي غلى حتى مــــــــــن الهوه هاذه اليهب ها يبو روح الحنينه فاركك انــــــــــت اشكد صعب بيدك اتمنــــــــــيت خويه اتهـــــــيل فوكاي الترب تمنيت انت وحسيني تجون اتشوفكم عيني كبل لا موتي يلفيني يابوفاظل يابوفاظل ========= حسين عبد الزهرة الدراجي 484 views23:19
