ميمر عد راسك زينب يحسين كونك عدل حاجيها **** يحسين اذا بعدك عدل حاجيني وسمع عتابي ولوعتي وونـــيني ترظه الكفر يا بو الوفه تسيبني ام الخدر زينب هاي لا ترحل وتجفيها *** خليني اسولف وستمع جـــلماتي هجمو يخويه من طحت شماتي حرگو عليه يـــا شهم خــيماتي وتتفرج اعلـــيه الناس وروحي الهظم ماذيها **** حـــــرگو خيّمنه وشتّــــمو والــينه واحنه انهضمنه امن الجره ونادينه بوليـــت كـــفر يا خــويه لا تخلينه اللحگ علينه اترجاك نار الخيم طفيها **** اختك يخويه لو رحت من عدها يصّعب عليها اغيابك او يضهدها بالدنيا غيرك يالحـــسين شعدها دنيا اوبدونك يحسين غير الحزن ما بيها **** بزودك اجيت وزود اخوي الــــعباس من المدينه خويه مرفوّعه الــــراس تالي اظل الوحدي ويه الارجـــــاس اتعوف اختك ابين اعداك ومحيره تاليها **** روحــــــــي بعد غير الحزن ما بـيها حتــــــى الهوه التتنفــــسه يأذيـــها جيت ويه اخوتي الوحدي ارد تاليها ارجع وحيده ابلاياك وروحي الحزن غاطيها علي كاظم المنصوري... 52 viewsآلَـــمًلَآ آلَوٌآسِـــــــــﮯعٌلَيَﮯــــــــطِيَ, 20:06
