صباح الخير .. اما بعد : حسن الظن بالله مش معناه يا ده يا لأ ؟ | وربُك للمنكسرين جبّار 💙
صباح الخير .. اما بعد :
حسن الظن بالله مش معناه يا ده يا لأ ؟ يعني في ناس بتقول انا محسن الظن بالله و الحاجه متحققتش . ليه محققش ظني ؟
لأ الموضوع مش كده ! حسن الظن بالله يعني يارب لو ده أتحقق هكون أسعد خلقك و لو متحققش هكون راضي جداً و عارف هتكرمني بالاحسن . أنا بعمل كل ال عليا و الشر و الخير بيديك أنت مش " بعيني أنا " أنت عينك مش " معيار للخير أو الشر" أنت عينك أخرها شايفه الوقت . و شايفه الظاهر . و شايفه الظاهر فقط . و على فكرة كل ال عنده ظن خير بربه بيعطيه ظنه أو أحسن ممن يظن . بس مش ضروري يعني " الحاجه دي بالذات " بس اكيد هيرزقك من " جنس الحاجه دي " مش ضروري هي أو ممكن تطلع هي . كل شئ هين على الله . فـ بلاش تحكم على نتايج ظنك بانك تقيده بنتيجه واحده لو محصلتش بالظبط يبقى انت ظنك مجابش نتيجه . لأ ! ربك اسمه الكريم . و اذا اعطى اعطى بدون حساب و عطاءه دايما بنكتشف في الاخر أنه كان أروع من أي ترتيب رتبناه . و من كرمه حتى لو أنت بتسأله حاجه صغيره هيعطيك كثير .. لأنك و إن كنت لا تعرفه فـ هو سبحانه أكرم الاكرمين .
