عمر أبوعليم اهناك ناس بنتها اورود.. قيس الحول من دفنة عضاها. و | كتيبة المرسى-مصراتة

عمر أبوعليم
اهناك ناس بنتها اورود..
قيس الحول من دفنة عضاها.
واهناك ناس راكبهـا الدود ..
وهــي مازال ماجابـو نباهـا.
هذا الفرق غير ليش الصدود..
اصحاب الحق تنصف في اعداها.
غباش الجور وانياكم السود..
ماهو عذر لركوب السفاها.
قولو الحق يكفيكم جحود..
وراكم يوم بي تجنو بلاها.
وعند الله ما ايضيعن وعود..
فيوم الام تقسى عن ضناها.
ياخد حق تشهدبه شهود..
ايد ورجل ايبيحنا خباها.
وينصف ناس كانوله اجنود..
لنصر الدين جادت بي ادماها.
حواصل طير في جنة خلود..
اضوق نعيم اينسياها عناها.
هذا الله وهو رب الوجود..
حكيم وعدل وبعدله بناها.
عشمنا فيك يالله الودود..
ابلاد جذب تحييهن رباها.
وبعد المزن ورزمات الرعود..
صلاه وسلام
عللي به أمتنا هداها..
#بنتهم_سمحة