- يلعن ديك أهلك! = متسبش الدين! - انا مش بسب الدين، أنا قلت دين؟ أنا قلت ديك = وانت بتقول ديك كانت نيتك دين ولا ديك؟ - لا كانت نيتي أقول ديك = متسبش الديك برضو - اشمعنى يعني ده طائر ولا هيفهم ولا هيتأثر = "لا تسبوا الديك، فإنه يوقظ للصلاة" حديث صحيح عن الرسول ﷺ. - ايه ده، مكنتش أعرف الحديث ده بجد، ملعون أبو الشيطان ووسوسته = متسبش الشيطان - ايه يا عم، هو كله متسبش متسبش، ماله بقى الشيطان كمان؟ = "لا تسبوا الشيطان ، وتعوذوا بالله من شره. حديث صحيح عن الرسول ﷺ. - أمال أسب مين كدا! = هو لازم يعني؟ "ليس المؤمن بالطعان ولا اللعان ولا الفاحش ولا البذيء " وده برضو حديث صحيح عن الرسول ﷺ. ربنا مسابلكش ثغرة واحدة تقلل بيها من نفسك ولا تلوث لسانك، ولا حتى الشيطان ينفع تشتمته، احفظ لسانك بقى والسلام
