جمرات الطفوف

2022-09-01 12:10:06 طلب حاجه للسيده رقيه


اريد اندب رقيه. وامدلها اديه
واكلها بجاه الحسين
كون امرادي تنطين
يابنت الزجيه

الج اجري دموعي.
وانه احنيها ضلوعي.
واكلج شوفي روعي
ووناتي الخفيه


الج ممدوده ايدي
الهظم واصل وريدي
يروحي الونه زيدي
على الراحت سبيه


يبنت الدامي بالبر
احلفج بالتعفر
بجاهج كلبي يستر
وتلزميها اديه

انه همي كتلني
جبير ويعله حزني
الج اشكي الهظمني
وانتي الادره بيه

احلفج بالتراجي
وابو حلو المحاجي
حنين وكلبه زاجي
يشيل الهم اليه

يبنت البقه دامي
اوجهلج كلامي
عليكم كلبي ضامي
اجي بجاه الزجيه

ام زينب السعداوي. /ناصريه
https://t.me/almosoy2 باز کردن / نظر دهید

2022-09-01 12:09:50 نعي لرقيه

فتحيلي عينج يارقيه
انشلع كلبي شلون بيه
كعدي يبعد الروح ليه

بعدج زغيره لاتموتين
لو رحنه اله شنكل للحسين
وگلي العزيزه خليها بالعين

محتار كلبي بين شرد اكلج
اشيلج لو اشيلن راس ابيج
يثكل علي ياعمه حملج

بعده الوكت للموت اكعدي
يعمه رقيه انمرد جبدي
احاجيج يحبيبه دردي


حاجيني صوتج خل اسمعه
جفت من الناظر،الدمعه
فجعتي دليلي شلون فجعه


ام زينب السعداوي / ناصريه

https://t.me/almosoy2 باز کردن / نظر دهید

2022-09-01 12:09:35 نعي للسيده رقيه




يمك اجيت ودمعي جاري
وماهودت ليلي ونهاري
انحب واون وبكلبي ناري



لوعاتبتكم لا تزعلون
عليكم تهل دموع العيون
ماتدري شصاير حالي شلون



لوتدري خويه شلون حالي
وشسوت بحالي الليالي
ضاع الخدر ضايع دلالي



يحسين يمك حيل ونيت
وابد من البواجي لا ممليت
ومن كثرالمدامع يالولي اعميت



يبن امي ماقصرت يحسين
باريتلك عيلتك بالعين
بس الرقيه يزيد الونين



خليتها بالغرب ياحيد
ماتت يبعد اهلي على الوريد
وبسمك يضل الصوت ترديد



هناك ادفنتها بالخرابه
تبجي عليك تصيح يابه
ويلاه ياكلبي وعذابه


عادت عليه مصايب الطف
تريدك ودمع ماجف
ماتت الطفله ودمعي يذرف



ماتت تون وتصيح يحسين
والدمع نار يهل من العين
ويلاه يبن امي يالحنين



ام زينب السعداوي


https://t.me/almosoy2 باز کردن / نظر دهید

2022-09-01 12:09:22 :
ابوذيات بحق السيده رقيه



رقيه تنوح بالهظمه هم الها
تلوج وبالكلب عبره هملها
الجان مدلل الطفله هملها
وطالت فركته واصفك بديه



ابوي حسين خلاني علامه
وطالت فركته مدري شعلامه
بدليلي خلت الونه علامه
ماتهجع لحد يوم المنيه
ام زينب السعداوي /ناصريه


https://t.me/almosoy2 باز کردن / نظر دهید

2022-09-01 12:08:57 رقيه تندب عمتها زينب ع

عمه لتعوفيني
بالشام لتخليني

عمه عمه




عمه لتعوفيني زينب بالكبر
خايفه من الغرب كلبي انفطر
عمه من فراكم كلبي جمر
وانه مالومه ودمع عيني يخر

عمه لتهظميني
فدوه لتعوفيني

عمه عمه




عمه لاترحين وتعوفيني
وانه اضلن للدمع وونيني
بالغرب شو وحدي تعوفيني
والكبر وحشه وعمالي عيني

وحدي بالغربه
شلون اضلن صعبه

عمه عمه



عمه واحد ردت من عدكم الوياي
كون ليليه يرش الكبر بالماي
يروي كلبي الضامي ويبردلي حشاي
ليش اضل بغربتي ولا واحد وياي

بالخرابه نومتي
صار كبري ودفنتي
عمه عمه




دفنتي جاليش موبارض الطفوف
هناك يم الكمر مكطوع الجفوف
يم ابوي هناك لجروحي يروف
هنااا لوحدي عمه ياخذني الخوف


يمه ابوي اخذيني
عمه لتعوفيني

عمه عمه


لاتطولين بغيابج كلبي مايحمل بعد
فدوه عمه بساع ردي رايده منج وعد
عمه بفراكج يحره والله دلالي انمرد
شلون وانتي بعيده عني يهيد كلبي الي انضهد


خايفه وبريبه
تطولين الغيبه

عمه عمه



عمه لو لرض المدينه توصلين اضعونها
سلميلي عالعليله اختي وكليلها
ماتت بغربه رقيه ومحد الضل دونها
وحيده بارض الشام ضلت والعده يدورونها

بين عدوان ادفنتها
كولي لختي ضيعتها
عمه عمه




ام زينب السعداوي ناصريه


جديد للسيده رقيه عليها السلام


https://t.me/almosoy2 باز کردن / نظر دهید

2022-09-01 12:08:04 رقيه



هاي هدومها وهذي تراجيها
جبت وياي ذكراهه يواليها


من الشام رحنه ونلتفت صرنه
جنها تصيح فدوه رجعي ياعمه
اخذيني وياج يم حسين ابو اليمه
جني من رحت اسمع بواجيها



هذا ثوبها الي جانت تلبسه
الطبت بيه خويه وياي للجلسه
بيه اثار نار اخيامنه اترسه
على كبرك اعوفنه يغاليها


تراجيها اسلبوها وهاي جبناها
بيه اشوف يا ابو علي ادماها
جراها من اذنهه النذل جراهه
صحنه حسين خويه الحك عليها


جينه والمدامع جرح الخدين
نشكيلك عليها شصاار خويه حسين
نسمعها تصيح وتجري دمع العين
ابوي حسين اريده وننحب عليهاا



عفناهه بكبر والروح مهظومه
مالومه عليها اصبحت مالومه
هاجت كل مصايب ذبحك ويومه
ماتت عالنحر وتريد واليهه


لاتعتب علي ارجوك يحسين
باريت اليتامه بروحي وعيني
حال الموت بين الطفله وبيني
على امر الله شبدينه شلون احلنهه


ام زينب السعداوي


https://t.me/almosoy2 باز کردن / نظر دهید

2022-09-01 12:07:50 رقيه



لاتبجين دمعاتج جوت كلبي
عمه من المصايب ماشفت دربي


لاتبجين ياعمه تأذيني
تراني من المصايب انعمت عيني
بونج يارقيه لاتفجعيني
وعلى بجاج زيدتي وكبر نحبي



دمعاتج جوت كلبي يمهظومه
زغيره يارقيه شلون مظلومه
متونج وارمهمن السوط مالومه
اشكي هظمتج واللوعه لربي



كافي من البواجي لوعتيني
كافي يارقيه روعيتيني
تلوجين بواجيج تتبعيني
مالومه واصيحن يادمع صبي



بويه حسين بسج لاتندهينه
بونج يالزغيره لاتعذبينه
يصد عليج راسه ويشبح بعينه
ودمعاته غدت فوك الوجن تحبي



من تصيحين يابويه ارتعد هالراس
دمعاته تهل وي صوتج بأحساس
ولو صحتي اريدن عمي العباس
اشوف دموع عينه وانكسر كلبي



راح حسين والعباس ياعمه
عنج سافرو للدوم ماهمه
ذكراهم تره لدلالي يلجمه
عافوني وحيده وعالمشو عتبي



راحو مابعد الهم بعد جيه
وياهم بعد هاي الفراكيه
ابوج الراح مني وانكطع بيه
يادمعي على الراحو دمه صبي


ام زينب السعداوي،



https://t.me/almosoy2 باز کردن / نظر دهید

2022-09-01 12:07:38 لسان حال السيده سكينه تنعى اختها رفيه





زماني ليش من اختي حرمني
بيها كل محنه وريحة امي



اخذ مني الزمن زهرة حياتي
اختي الشايله وجهي وصفاتي
ريت وياج يحبيبه مماتي
بغيابج ترانه زاد همي


اخذ مني الحنينه العني تنشد
بعد غيابها ماضلي احد
يانار الاحبهم بيش يبرد
عافوني الاعزاز وزاد هظمي




زغيره على المكابر والترابه
كلبي انصاب شيطيب اصوابه
اليودهم كلبي راحو ياعذابه
هذا البين ما يرحم فجعني


انه احتاميتلج كعدي يخيه
ريت وياج ضمتني المنيه
هم نرجع سوه لو هاي هيه
انه سكينه العزيزه عليج ادري


انفضي تراب كبرك كابليني
احجيلج مصابي وساعديني
حال الموت مابينج وبيني
رقيه وين فاطم ناشدتني



خادمة الزهراء ام زينب السعداوي




https://t.me/almosoy2 باز کردن / نظر دهید

2022-09-01 12:07:25 هوسات للسيده رقيه

بويه حسين باكوها التراجي
بويه العين حمره من البواجي
بويه اكعدلي يا حلو المحاجي
محتامه عليك وذاب دلالي

(بتك تريدك كوم لا تنساهه)
اكعد ونشفهن دمعةعيناهه
هاي العزيزه عليك ياضنواهه
من الظلم والجور ذاب حشاهه
محد رحمها ولا يهود بجاهه


خادمة الزهراء ام زينب

ابوذيه للسيده رقيه ع

شسولفلك يبو اليمه على الهم
دخول الشام اذاني وعله الهم
تلكوني بطبل وانه الطم على الهام
واصيح الله واكبر شهالرزيه



خادمة الزهراء ام زينب السعداوي

https://t.me/almosoy2 باز کردن / نظر دهید

2022-09-01 12:06:36 اه يا دمعة رقيه.
وصلت ليها المنيه



اه يادمعة رقيه الابد ما جفت
ليل ونهار على وليها السبط ونت
ما يخلص النوح والون للابو حنت
تشتكي من هالرزيه.


اه يا دمعة رقيه البيها حنيه
تريد والدها تون وتبجي الابنيه
والعده كافر ولاعنده محنيه
يضربوها ال اميه



هيجي حب حسين وسط دلالج
ابد ما هودتي ون ولا هجع حالج
شلون حالج من نضرتي راسه اكبالج
بحزن شابكته ورزيه



شابكه الراس وتنادي بويه حاجيني
ياهو بويه الكطع نحرك من عمت عيني
وحدي بهل الدنيه عكبك لا تخليني
هودت ونه الخفيه


عالنحر هودت ونهه والكلب يشغر
عمه ماتت اختي نحيهه عن المنحر
والدمع ما نشف عالخد كلبي اتفطر
اصفج عليها بديه




خادمة الزهراء ام زينب السعداوي


https://t.me/almosoy2 باز کردن / نظر دهید