افراح ال محمد الناشر الحاج فلاح حسن لنشر القصائد المنبريه

2022-07-17 15:39:38 علي حط ايــــده محمد بأيـدك
وگالك تاج الولايــــه ايريـــدك
ياعلي .. ياعلي .. ياعلي
ياهلا بعيــــــدك
•┈┈┈┈•✿❁✿•┈┈┈┈•
نزل أمر الواحــــد .. وأبو القاسم شاهد
رادك انتــه قائــد
ابغيرك فلا يقبل
الله وَعده احچايه .. علي حبُّك غايــــه
نزَل نَص الآيــــــه
أول علــي أول
الله حطَّك تاج فوگ الهامــــه
بيك تمَّت نِعمِتـه واسلامـــــه
ياعلي .. ياعلي .. ياعلي
ياهلا بعيــــــدك
•┈┈┈┈•✿❁✿•┈┈┈┈•
اليــوم حل ميعـادك .. وبزغ نــور اعــيادك
الله قائـد رادك
حبك علي رحمــــه
وإلك بس انبايـــــع .. اويسمع الما سامــــع
أول ومو رابــع
تم بـ اسمك النعمـــه
الوادم امن اتــــراب يابو اترابـها
النعمــه بـ اسمك فتَّحت ابوابــها
ياعلي .. ياعلي .. ياعلي
ياهلا بعيــــدك
•┈┈┈┈•✿❁✿•┈┈┈┈•
اشمحلـــه حيدر عيدك .. الفقره كلها تريــدك
الشمس رجعت بيدك
ياسيد الوادم
الشمس تحچي ابنورك .. انتـــــه الاول دورك
ياهو يعبر ســــورك ؟
مايـــرد سالم
علـــي راگع زلم مو بس ثوبك
يضيع كلمن ما مشاها ادروبك
ياعلي .. ياعلي .. ياعلي
ياهلا بعيــــــدك
•┈┈┈┈•✿❁✿•┈┈┈┈•
علي اول غالـي .. ياعشگ دلاَّلـــي
بكلشي تتراوالــــي
عايش بروحي
ياسوالف عيني .. يا أمان اسنينـي
عالــــي ومعلِّينــــي
يادفو اجروحي
علي سالفتــي ولا مليَّتــــــها
علي رايه اعله المتن شدِّيتها
ياعلي .. ياعلي .. ياعلي
ياهلا بعيــــــدك
•┈┈┈┈•✿❁✿•┈┈┈┈•
صوت هز دنيانـــه .. بس علي مولانـــــــه
الروح الك عطشانه
خل ترتوي ابمايك
من نجيك لــ بابك .. وننحني اعله اعتابك
اشما تحير احبابك
تتوسَّل ابـــــرايك
أنته اول قائد اعله الوادم
القياده اتلوگ بس لهاشــم
ياعلي .. ياعلي .. ياعلي
ياهلا بعيــــدك
•┈┈┈┈•✿❁✿•┈┈┈┈•
الشاعر .. علي الخيگاني باز کردن / نظر دهید

2022-07-14 18:10:22 نجدد عهدنه
لحيدر سندنه
ونصيح كلنه بصوت واحد ياعلي
.................

حيدر وحبه يضل سلطان الگلوب
وكل محب ابئسم حيدر يهوه ويذوب
بالغدير اليوم نهتف لغله محبوب
حيدر بكل كلب اسمه من الله مكتوب

حيدر ولينه
وخيمه علينه
ونصيح كلنه بصوت واحد ياعلي
..................

شكرا الرب العرش مو مره مرات
شما نعدد بالشكر تعجز الكلمات
يدري بالكرار يحضر شكو صعبات
بالولايه ماتضل ياناس شدات

حيدر فخرنه
بحبه انئمرنه
ونصيح كلنه بصوت واحد ياعلي
................

بالسنه ايمرن علينه تلاثه الاعياد
وهذا عيد الله الجبير وكله امجاد
وندعي ياربي بسلامه اعلينه ينعاد
هاي فرحتنه الجبيره الكل العباد

نور الولايه
ضوه البرايه
ونصيح كلنه بصوت واحد ياعلي
................

علي واليذكر علي مايبقه حيران
اسمه محفوض ويردد بيه الالسان
المايبايع حيدره هليله خسران
حيدر انسان ويحبه بس الانسان

الحيدر اميره
يعرف مصيره
ونصيح كلنه بصوت واحد ياعلي
................

الف مبروك العلي بهاي المسيه
نصبه الهادي بامر رب البريه
صار امير الكون حماي الحميه
فخر مامنه فخر حل عالوطيه

الحد المنيه
شيعه الهويه
ونصيح كلنه بصوت واحد ياعلي


محمد هادي العقابي باز کردن / نظر دهید

2022-07-14 17:27:10 هوسات جنوبيه
لذكرى بيعة
عيد الغدير الأغر عيد الله الأكبر
........
من بعد حج الوداع وبأرض خم الغدير
الله شاء أو الله قدر علي يتنصب أمير
ورسل الوحي أبرساله للنبي الهادي البشير

ها ها
يابو القاسم هالساعه
حيدر وجبتله الطاعه
بذراعك شيل أذراعه

ها ها ( خليها )
حجه أعله الوادم خليها
...........
البايعك يا علي فاز  والمشى ضدك خسر
أو هوه  لو حظ بيه أصلآ لحظه حقك ما نكر
اليعجبه الحجي أيعجبه الما يعجبه أمنالبحر

ها ها
يشرب خله أشما يكدر
كل شيعي اليوم أستبشر
من الله أمنصب حيدر

ها ها ( ناكص غيره )
و الما يقبل ناكص غيره
..........
خادم أهل البيت
الشاعر : أسماعيل الجوراني
الخميس : 14/7/2022 باز کردن / نظر دهید

2022-07-14 11:13:00 عيد الغدير



يروحي بفضل حامي الجار عدي
وذكره بكل نفاهه وضيج عيدي
اجه يوم الغدير وصار عيدي
اكبر عيد واجمل مر عليه
.............

كل مبغض بحقده من نوالي
اكله هنا وتوكف مني ولي
عكب حيدر يخايب من نوالي
فخرنه وتاجنه حامي الحميه
................



محمد هادي العقابي باز کردن / نظر دهید

2022-07-14 11:05:45 #مواليد_غديريه



اجمل انشوده اله سوينه

وكلنه جينه نبايع لوالينه

جينه يا لمختار نبايع الكرار

كلوب بالحضره اله طشينه

​┅┅┅┅ـ ๘✿ৡ┅┈┈‏• ┈

مبايعينك علي دنيه واخره
اليحبك هل يعوفك ياتره
انت ياحيدر عز ومفخره
علي يالنصبك عالي غير شخصك مانوالي

غير حبك محد ينجينه

​┅┅┅┅ـ ๘✿ৡ┅┈┈‏• ┈

العهد ياعلي جينه نجدده
اسمك بعالي الصوت نردده
بحبك الشيعه تضل متوحده
مبايعينك للابد الكلب بحبك نشد
تشهد املاك السماء علينه

​┅┅┅┅ـ ๘✿ৡ┅┈┈‏• ┈

مبايعينك ياعلي بكلب ولسان
علي والينه تضل بكل زمان
ياعلي البايعك يشعر بالامان
الراد دينه يكتمل عن نهجك مايزل
علي بعالم الذر حببنه

​┅┅┅┅ـ ๘✿ৡ┅┈┈‏• ┈

شيعتك مشايه جتك للنجف
بعله صوت مبايعك حيدر هتف
علي المشلول يزحفلك زحف

هذا صوت الضمير مبايعينك يالامير
غيرك ياحيدر ما والينه

​┅┅┅┅ـ ๘✿ৡ┅┈┈‏• ┈

الشاعره

ام رائد زوين باز کردن / نظر دهید

2022-07-14 11:05:41 #مواليد_غديريه


عالعهد ياعلي عالعهد

منعوفك ياعلي للابد

❀ •❀ •❀ •❀ •❀

انت سلطان وامير
نوالي غيرك مايصير
نبايعك من الضمير
جبريل بيعتنه شهد
عالعهد ياعلي عالعهد

❀ •❀ •❀ •❀ •❀

الله شاهد ياعلي
يضل حبك ازلي
ياولي ونعم الولي
انت عنوان المجد
عالعهد ياعلي عالعهد

❀ •❀ •❀ •❀ •❀

بيك مجنونين يامحبوبنه
ياسراج اونوريت ادروبنه
مبايعينك اي ينبض كلوبنه
الشيعي بحبك نشد
عالعهد ياعلي عالعهد

❀ •❀ •❀ •❀ •❀

نعم ياحيدر نعم
اجينه ندي القسم
الشيعي بدمه ختم
عن دربك مايرد
عالعهد ياعلي عالعهد

❀ •❀ •❀ •❀ •❀


الشاعره
ام رائد زوين

العلويه خادمة الحسين: باز کردن / نظر دهید

2022-07-14 11:05:23 #مواليد_غديريه



تعنتك يابو حسين تبايع الناس
تبايع الناس
تضل ياكرار تاج عله كل راس
تاج عله كل راس

​┅┅┅┅ـ ๘✿ৡ┅┈┈‏• ┈

ياعلي بايعناك من كلب ولسان

ياغله كل محبوب مالك الوجدان

المابايعك مولاي وعلي خسران

انت امير الكون بكل الازمان

بذكرك يابو حسين انعطر النفاس

​┅┅┅┅ـ ๘✿ৡ┅┈┈‏• ┈

من عالم التكوين انت ولينه

غيرك يابو حسين لا ماهوينه
الباري الك بهاي شاهد علينه

جم ايه نزلت بيك رتل نبينه

الميبايع الكرار من قوم الرجاس


​┅┅┅┅ـ ๘✿ৡ┅┈┈‏• ┈

الخلافه ابد متلوك لغيرك يبوحسين

عالعهد كلنه وياك ياعلي باقين

بيك الفكر مشغول يمثبت الدين

صوت الضمير يصيح ياقرت العين

نهواك بايعناك حبك مينقاس

​┅┅┅┅ـ ๘✿ৡ┅┈┈‏• ┈

بس الك يامولاي تحله الولايه

من الباري الجبار نصت الايه

علي امير اولي عله البرايه

حكم الباري هذ ماهي روايه

نصيح بايعناك حيدر ينبراس

​┅┅┅┅ـ ๘✿ৡ┅┈┈‏• ┈

بقلم خادمة الحسين ام رائد زوين

☆
قناة

‏℘( )⇣✿ ℘الشــاعرة

العلويه ام رائد زوين باز کردن / نظر دهید

2022-07-14 11:05:16 #هوسه_غديريه_بحب_علي ع


❥•••••••••••••••••••••✿* °


علي من العالي وعلي نعمه

علي الكوان كلها مثبته بسمه

علي مو عابر سبيل تكولها الكلمه

علي ذكره عباده ورحمه للامه

علي سورة الطور والسجده وعمه

علي بس الله وحبيبه لعلي يقيمه



نور حروف اسمه وقدسيه
بسمل يالتذكر طاريه

قصخ❥•••••••••••••••••••••✿* °

بقلم العلويه خادمة الحسين
ع

☆
قناة

‏℘( )⇣✿ ℘الشــاعرة

العلويه ام رائد زوين باز کردن / نظر دهید

2022-07-14 11:05:10 #ابوذيات_وهوسه_غديريه



وحك ياسين والسجده وعمه

الليله كل مواااالي الفرح عمه

الماواله علي مايبصر واعمه

خسر دنيه واخره ورب البريه

صلواااااااات

​┅┅┅┅ـ ๘✿ৡ┅┈┈‏• ┈

ايدك يالموالي لعلي صلهه

وصلات العيد لاتفوتك صلهه

بعيد الله الجبير ارحام صلهه

افرح يالموالي ونثر ويهليه

صلوااااااات

​┅┅┅┅ـ ๘✿ৡ┅┈┈‏• ┈


هوسه غديريه


الماواله علي اوعلي يخسر

خله هنا من الواله يسخر

باجر تبجي عينه هناك عالمعبر

جوازه من يختمه الماعرف حيدر

يضل ضمئان مايقترب للكوثر



هناك تضل تبجي عيونه
وخلهم اتباعه يعبرونه
هناك تضل تبجي عيونه

​┅┅┅┅ـ ๘✿ৡ┅┈┈‏• ┈

بقلم خادمة الحسين ام رائد زوين

☆
قناة

‏℘( )⇣✿ ℘الشــاعرة

العلويه ام رائد زوين باز کردن / نظر دهید

2022-07-14 11:05:02 #هوسات_غديريه


وداعت علي بعلي ماساوم انا ابد
اني حبيبي علي من المهد للحد
حروف اسمه علي تسبيحه تبقه ورد
ياهو انه بلا علي ضايع ومانوجد
اطشر بلا علي ياهو اليلمني بعد


عاشك بس حيدر تدروني
مجنون بحبه يسموني

​┅┅┅┅ـ ๘✿ৡ┅┈┈‏• ┈

بعشكك ياعلي سموني موهوب
عشكك موذنب يااغله محبوب
واذا حسبو ذنب اهلا بالذنوب
خلي رويحتي بعشكك ياعلي تذوب
من عشكك علي وداعت علي ماتوب


هنياله الجن بحبك هنياله


الحبك فايز بعماله

هنياله الجن بحبك هنياله

​┅┅┅┅ـ ๘✿ৡ┅┈┈‏• ┈

بقلم ام رائد زوين

☆
قناة

‏℘( )⇣✿ ℘الشــاعرة

العلويه ام رائد زوين باز کردن / نظر دهید