ياعلي مدد لنشر القصائد الحسينيه / عزاء

2022-06-23 08:55:34 السلام عليكم
نسألكم الدعاء للشاب علي حاليا بغرفه الانعاش ونلتمس منكم الدعاء له ولجميع المرضى بحق عليل كربلاء
ختمه سريعه بنيه شفائه
سوره الفاتحه 1
الاخلاص٣
صلوات محمديه١٤
نداء يا شافي ١٤ باز کردن / نظر دهید

2022-06-18 09:27:59 : لطميه على الرضا عليه السلام ياضامن الجنه ياضامن الجنه لجلك لجر ونه ياضامن الجنه -------------------- ونه على امصابك المأمون ماهابك بالسم غدا اصوابك لجلك لجر ونه ياضامن الجنه -------------------- كَدم عنب مسموم واجبرك يامظلوم اوتدري الأجل محتوم لجلك لجر ونه ياضامن الجنه ------------------- وتمشي امغطى الراس واتصعد الأنفاس من فعلة الارجاس لجلك لجر ونه ياضامن الجنه -------------------- والسم سرى ابلكفوف واضحى القلب ملهوف ولونك غدا مخطوف لجلك لجر ونه ياضامن الجنه ---------------------- اومكتوبك المرسل لختك ترى وصل اومنها الدمع هلهل لجلك تجر ونه ياضامن الجنه ---------------------- اوقصدت الك فاطم اومنها الدمع ساجم اوبس وصَلت لاقم لجلك تجر ونه ياضامن الجنه ------------------------- معذوره من طاحت شخصك فلاشافت بس سمعت اوماتت لجلك تجر ونه ياضامن الجنه ----------------------- اوزينب ترى شافت خيل العدى داست صدره اوعليه ناحت لجلك لجر ونه ياضامن الجنه ------------------------ نظمها
********************

لـ استشهاد الامام موسى الرضا(ع)

#صفر_2021 باز کردن / نظر دهید

2022-06-18 09:27:59 نعي للإمام الرضا عن اخته معصومة عليهما السلام جديد الان

بعد ما اشوف طولك غاب عني
متعودة عليك اتروح مني
حدر الگاع نايم زاد وني
اخذ روحي يلاهي راح الحنين
===================
انوح عليك حد ما تطلع الروح
يبو محمد دليلي عليك مجروح
ليل جفاك اخلصة هموم وبنوح
عگب عينك يخوية لعمي العين
=====================
يبن امي العزيز ونور العيون
اخلص الليل كله شلون بشلون
ها يهل المحنة ما تمرون
اخيتك من حزنها تموت بالحين
====================

أسالكم الدعاء رائد الاسدي باز کردن / نظر دهید

2022-06-18 09:27:59 استشهاد الإمام الرضا عليه السلام


الله ينطيچ الصبر معصومه
مات اخوچ وماحضرتي بيومه


.. .. ..
.. .. ..

مات مسموم ابو محمد بالغرب
ماتوادعتو گطع بيچ الدرب
اه يافگد الاخو شگد صعب
موته من توصل لخيته علومه

.. .. ..
.. .. ..

اجه لمعصومه خبر موت الرضا
ويلي بالسم انمرد چبده وگضه
الاخو ماينخلف شيعوضه
تون للماحضرته ومندومه

.. .. ..
.. .. ..


گطعت دروب الخطر ليك اعتنت
گاصده وغير التعب ماحصلت
استعجل عليك الاجل مالحّگت
آه يالچبدك غدر مسمومه

.. .. ..
.. .. ..


بكسر خاطر جايه المشهد تريد
امن المدينه وگاطعه درب البعيد
لشوفتك حسرت گلبهه ماتهيد
انت مظلوم او اهي مظلومه

.. .. ..
.. .. ..

مثل جده حسين مات بغربته
لكن يهون المصاب وبلوته
مانسحگت بالحوافر جثته
ولا تسلب خاتمه وهدومه

.. .. ..
.. .. ..

او لا خذوچ اعله الهزل مچتوفه
وعينچ تصد عالجسد وتشوفه
وراية الكافل بگت ملفوفه
اهون انتي امن المشت مهظومه

.. .. ..
.. .. ..


أم محمد الحجاج باز کردن / نظر دهید

2022-06-18 09:27:59 ((إمامُ الثّامن))



شیعتك وَحبابك إشلون نِنسه امصابك

یا غریب..یٰا عَلِیَّ ابْنَ موسَی الرِّضا


1)
إمنِ المدینه رِدِت تِتعَنّه مَهموم
إلَی البَصرَه اوْ کوفه وِلْبَغداد او قُم
خَبَّرِت کل عِیلِتَك ماشي هَلیوم
رِدِت تبچي اِعلیك و تِسمَع یَا مَسموم

او لَلخُراسانِ الموت إلْجَمَل صار إلتّابوت

یا غریب..یٰا عَلِیَّ ابْنَ موسَی الرِّضا


2)
وَدَّعِت گبرِالنّبي او تجري الدّمِع
إِلسَّجِستاني إنذِهَل مِنَّه السَّمِع
دِخَل لِلمَسجِد او شافك منصِدِع
إبصوت عالي تبچي لاچن مِنفِجع

گِتله اعوفن جدّي إبغُربه وَسکِن لِحدي

یا غریب..یٰا عَلِیَّ ابْنَ موسَی الرِّضا


3)
کاتَبَك مَأمون بِکتابَهْ أَلغاز
گَلَّك إمشي إمن الجَّبَل حسَّب مَفاز
إعله طریق البصره، فارِس وِلَهواز
دِرَه الشّیعَه اتْمِنعَك او عِندَك أعزاز

دِرَه الشّیعَه اتحِبَّك إبسُرعه غَیَّر دَربَك

یا غریب..یٰا عَلِیَّ ابْنَ موسَی الرِّضا


4)
مِن وِصَلْت او تدري مُوتك عَجَّله
وَدَّه مأمون إلَك عَبدَه اتروح إِلَه
بیك رَحَّب،باسَك او گَلَّك هَلَه
وَکَّلَك مِنِّ العِنَب،بس ماکِلَه

وَبُوالصَّلْت إبدَهشَه إلرّاسكِ الْیِتغَشَّه

یا غریب..یٰا عَلِیَّ ابْنَ موسَی الرِّضا


5)
مِن بَعَد ما گَطَّعِ السَّم بِاالچَّبِد
طِلَع مَلعون اَللَّه یِصرَخ یا فَگِد
إبدَمعِتَه ایبَرِّرْ کُبُر ذاكِ الْحِقَد
أُهْوَه لِلْسَمَّه او عَلیه یِقرَه الْحَمِد

یا إمامِ الثّامِن کل گلب لَك حازِن

یا غریب..یٰا عَلِیَّ ابْنَ موسَی الرِّضا







تمت بعون الله...29صفر،سنة1442هـ
کلمات
ملا عبدالباسط الخزاعي



#الناشر_الحاج_فلاح_حسن باز کردن / نظر دهید

2022-06-18 09:27:58 #الرضا
#هتافات
● هتافات لنهاية المجلس طور هالله هالله حسين وينه
.
ليك مشتاقين كلنا .. يالرضا ادخيلك زياره

ادخيل يا ضامن الجنه .. لا تخلينا حيارى

ليك مشتاقين كلنا .. يالرضا ادخيلك زياره

الروح مشتاقه لوصالك .. والقلب مستعره ناره

ليك مشتاقين كلنا .. يالرضا ادخيلك زياره

ياللي دايم نعتيلك .. انشوف قبْتك والمناره

هسه صارت والله حسره .. وانحرمنا امن الزياره

ليك مشتاقين كلنا .. يالرضا ادخيلك زياره
____
#فاطمة_كريم

#الناشر_الحاج_فلاح_حسن باز کردن / نظر دهید

2022-06-18 09:27:58 ــ ١٨ صفر استشهاد الإمام الرضا (ع)


يـا أيُّهـــا السُلطــانْ ... حَيّـــاكَ طـــــهَ
يا مُستَضــاءَ النّــور ... فــي مُنتَـهاهـا
يـابـنَ الشّمـــوسْ .. يا شمـسَ طـوسْ
• • • • • • • • •
سِــــراجَ اللهِ يـا بــابًـا إلـى الـعَـلـيــــاءْ
وَمَجـدًا نـافَ فاستَعلى عَلى الجَــوزاءْ
بِوَصفِــكَ ألسُــنُ البُلَغـــاءِ كالخـرســاءْ
فَمـــا سَـتَقـولُ بَعــدَ الـرَّبِّ بِـالإِثنـــــاءْ

يَكفيــكَ قَــولُ الله ... لا قَـــول بَعــدَه
فـي آيـــةِ التَّطهيـر ... وَفـي الـمَـــوَدَّه
يـابـنَ الشّمـــوسْ .. يا شمـسَ طـوسْ
• • • • • • • • •
لَقَــد حَمَلَتـــكَ تُكتَــمُ للـــوَرى سِــــــرّا
يُسَبِّــــحُ فــي حَـشـاهـــا، رَبُّنــــا أدرى
وَباهَــت فيـــكَ أمــلاكُ السَّمـــا طُـــرّا
فَكَفُّــكَ للمنـاقِــبِ قَـــد جَــرى بَحـــرا

صَلّـى عَلَيـكَ الـرّوح ... واللهُ سَـلَّــــم
مَـن مِنـكَ يا مَـولاي ... أسمى وَأَعظَم
يـابـنَ الشّمـــوسْ .. يا شمـسَ طـوسْ
• • • • • • • • •
عَجائِبُــكَ العَظيمـــةُ أعيَــتِ الأَذهــان
وَحِكمَتُـكَ العَجيبــةُ أعجَزَت لُـقـمـــان
وَمـا مِــن خَصلــةٍ يَعلو بِهــا الإِنســان
إِلّا كُنـــتَ فيهـــــا مُـــنتَـهى البُـرهــان

للـعَـــــزمِ للإِيـثــــــار ... أَنـتَ الدَّليــلُ
للـصَّـبـــرِ للإِكــــــرام ... أنـتَ السَّبيـلُ
يـابـنَ الشّمـــوسْ .. يا شمـسَ طـوسْ
• • • • • • • • •
علومُــكَ عَــن مَـــداها كُلُّ ذي عَقــــلِ
تَقاصَــــرَ مُذعِنًـــا بالقَــــولِ والفِعــــلِ
لَهــا قَــرَّت فُحــولُ العِلـــمِ بالفَضــــلِ
فَأَنـتَ عَلى حِجـا أَهـلِ الحِجـا تُملـــي

يــا قِبلـــةَ الأَبـــــرار ... طـولَ الزَّمـانِ
تَـأتَـمُّـهـــا الألـبــــاب ... فـــي كُــلِّ آنِ
يـابـنَ الشّمـــوسْ .. يا شمـسَ طـوسْ
• • • • • • • • •
كَعيـسى أَحيَــتِ الأمــــــواتَ كَـفّـاكـــا
وأنـطَقْــــتَ الـجَـمـــادَ كأَحمـــدٍ ذاكـــا
وَمــوسى سِــرُّه مِــن بَعــضِ مَعنـاكـــا
بَجَســتَ المــاءَ مِــن حَجَـــرٍ فَحَيّاكـــا

طاعَتكَ حَتى الرّيح ... كَمـا سُلَيمـــانْ
لانَــت لَكَ الأَحجـار ... كَالصُّلبِ إذ لانْ
يـابـنَ الشّمـــوسْ .. يا شمـسَ طـوسْ
• • • • • • • • •
كَـجَــدِّكَ سَـيِّــــدِ الـدُّنـيـــا أَبـي شُـبَّــر
آثَـــرتَ الكَفــافَ بِـهــا فَـلَــم تَـغـتَـــــر
تُحيــلُ التُّــربَ تِبــرًا إن تَشـــا والـــذَّر
فَـأنـــتَ السِّــــرُّ للتَّكويـــنِ والمِـحـــوَر

كالمُــرتَضى الكَـرّار ... فـي كُـلِّ أَمــــرِ
طَلَّقـتَ دُنيا النّاس ... واللهُ يَـــــــدري
يـابـنَ الشّمـــوسْ .. يا شمـسَ طـوسْ
• • • • • • • • •
كفِعــلِ سَقيفــــةِ الغَـــدرِ مَـــعَ الكَـــرّار
بِحَقِّــكَ فِعــلُ مَأمــونِ الخَنــا والعـــار
وإذ أرداكَ سَــــمٌّ نـاحَـــكَ الـمُـخـتـــار
وَأَبـكى خَطبُــكَ الأحجــارَ والأَشجــار

يا خالِــدًا هَيهـــات ... تُـمحى خُطاكـا
أَزرَت بِهـــا الأَيّـــام ... أَيـــــنَ عِــداكـا
يـابـنَ الشّمـــوسْ .. يا شمـسَ طـوسْ
• • • • • • • • •

مثيل جبار
كربلاء المقدسة ٢٦ ٩ ٢٠٢١

#الناشر_الحاج_فلاح_حسن باز کردن / نظر دهید

2022-06-18 09:27:58 قصيده لسيدي ومولاي الامام الرضا عليه السلام على طور حجي باسم ناذر سنيني


المستهل

لمجلسك جينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

اليوم اجينه لمجلس الي ساكن بطوس
ياغريب الغربا ياشمس الشموس
والله روحي مثل طير بقفص محبوس
يمتى ازورن مرقده وترتاح النفوس

لشوفه حنينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

اجت معصومه من ديار البعيده
تون عالوالي بحزن ونه شديده
تگول وينه حزام ظهري اليوم اريده
ليش عايفني ابن والدي وحيده

تبچي حزينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

بارض غربه توفه ويلي عالي الشان
تبجي معصومه عليه بدمع غدران
لبست الشيعه السواد بالم واحزان
وسفه مدفون الرضا بديره خريسان

عاف المدينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

سمماه بعنب ويلي الطاغي مامون
وهو يعرف منهو جده ومنهو يكون
ورث حقده وجبروته من هارون
لان قبله سمم الي مات مسجون

بهضم ضلينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

غسل الجواد ابوه وصاح ياويل
شاف جسمه ازرگ ومابقى كل حيل
ظل ينوح عليه امامي نهار وي ليل
يگول وينك ياعلي ياحامي الدخيل

انته السفينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

شافت التابوت رمزي وگامت تنوح
يساعد الله بت علي الشافته مذبوح
ناحت عليه الحزينه بدمع مسفوح
تگله ليش تعوفني وگليبي مجروح

خويه رد لينه آيوالينه يمسموم
ندري بالزهره كل عزه تحضره يمسموم

‏ ❨❨❨﷽❩❩❩

الخادمه ام زيد الشمري

نسال •اللّـہ̣̥ القبول
ونسالكم الدعاء بتعجيل فرج مولانا صاحب العصر والزمان


#الناشر_الحاج_فلاح_حسن باز کردن / نظر دهید

2022-06-18 09:27:58 #استشهاد الامام الرضا ع

سريعه لختام المجلس




ذكروني ذكروني ذكروني

يا شيعه ذكروا امصيبتي انه الرضاوبغربه
ساگيني بسم الغدر المأمون مقساه گلبه
ومصابي يا شيعه كلف گضيت عمري بنكبه
وبحسرة شوفة الاهل والغربه ويلي صعبه

اروي مصاب السم ويلاه يحر السم
عمري خلص بالهم وعليه دار هم

حَّنيت لديار الاهل
الفراگ بيه شعمل
واكضيت عمري بغربتي وظلموني

ذكروني ذكروني ذكروني


من المدينه طلعتي صارت غصب السفره
ودعت اهلي ولا امل ارجع واجر بالحسره
ادري اروح بسفرتي وزماني بين غدره
ولطوس انويت السفر كل الاهل متكدره

ومفارگ لطيبه منهو مثل طيبه
يا گلبي ولهيبه او ناره لهيبه

لليوم ناره مسعره
وللفرج عيني مناطره
وعداي جاروا واشكثر اذوني

ذكروني ذكروني ذكروني


وگضيت عمري بغربتي ويه الطغاة الظالمين
بس الاذيه والظلم للموت حسراتي وحزين
واعظم احزانه للگلب من اجل مقطوع الوتين
مذبوح جدي بكربلا وبالسبي عياله رايحين

وبالسبي عماتي اذني عماتي
عليهن بآهاتي للموت آهاتي

عمتي زينب باليسر
المدلله ام الخدر
من اذكر سبيها تنطفي اعيوني

ذكروني ذكروني ذكروني


اجرع مصايب شكثر والشيعة تتحمل خطر
ما يوم نشفت دمعتي وصابر على حكم القدر
مشتاگ لهلي بغربتي ولا طارش يلفي لا خبر
والوطن جدي فارگت ومنين اجيبنه الصبر

اصبر على الغربه والعمر بغربه
يا حالتي صعبه يا شيعتي صعبه

صعبه غريب وبالمحن
تاليها هنانه اندفن
ولا اهل يمي هسه ويحضروني

ذكروني ذكروني ذكروني


گلبي يون وينعصر من اذكر المعصومه
اختي الحنينه بطلعتي ضلت عَلَي مالومه
تگلي يخويه بطلعتك منك اضل محرومه
ما تحمل هيه فرگتي ادريها او مهظومه

بعدي تجي تنشد وعليه من تنشد
وگلبها يتمرد لاحزاني يتمرد

شابهت عمتي ام الخدر
وي جدي مگطوع النحر
وتموت بالغربه وانه يسموني

ذكروني ذكروني ذكروني

، نبضي حسين
نسألكم الدعاء
#الناشر_الحاج_فلاح_حسن باز کردن / نظر دهید

2022-06-18 09:27:58 شهادة الامام الرضا عليه السلام

*الشيعه تصّرخ تنتحب بحزانها*
*من قضى نحبه الرضا سلطانها*
~ ~ ~

شـيـعـتـه كـلــمــن يـهـلـه مدمعه
حـلـت اعـلـيـهـم مصيبه وفاجعه
الـرضـا بــســمــوم چبده امقطعه
*مـوتـتــه هـدت الشيعه اركانها*
~ ~ ~

تصـفـق الـراحـات تـنـحـب للولي
اتـنـادي اومـنـهــا قـلبـهـا منصلي
يـا عـلـيُ ويــا عـلـيُ و يــا عـلـي
*صـعـب والله تـنـحـط ابتربانها*
~ ~ ~

امن المديـنـه للرضا جاله الجواد
بـالاسـر ماچان چن زيـن الـعـباد
وعـيـلــتـه مو بالخـرابــه والقياد
*ولا عـلـيـهـا احـرقــوا صيوانها*
~ ~ ~

سـاعـدوا بـوالهادي عوده شيعته
بـهــيـبــه وبذيـك الجلالـه شالته
الـرضـا فــي وسـط قـبــره خلته
*افـزعـت شـبـانـهـا وشـيـبـانها*
~ ~ ~

سـالــم الاعـضــا تــوســـد بالقبر
مو مثل جده انطحن منه الصدر
واعتلى راسه عـلـى روس السمر
*كـم بـلـد طبها ودخل باوطانها*
~ ~ ~

الرضا ما انـداس صـدره واظهره
وما احد صـبـعـه اجـالـه و ابتره
مو مثل ضـنـوة عـلـي والطاهره
*ما مثـلـهـا امصيبته و اشجانها*
~ ~ ~

تمت بحمد الله ومنه
1443/2/16 هــ

*لخادم اهل البيت عليهم السلام*
*المُلا محمد سامي المرعي* الأحسائي

#الناشر_الحاج_فلاح_حسن باز کردن / نظر دهید