قًصّصّ 📝وَبّسِ🪐

2023-05-08 19:59:15 انتهت القصه #مشاعر_مؤقتة

للكاتبه روان احمد

مدير القناة #ذوالفقارالحجي باز کردن / نظر دهید

2023-05-08 19:57:35 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-05-08 19:56:57 #مشاعر_مؤقتة (الاصلية ) -

#تنويه






مساء الورد

حبيباتي الي يسألون ليش اختصرت

الاحداث اكو خلل بالتطبيق ومجاي

اگدر ارد علتعليقات او الرسائل

اختصرت بطلب جمانة هي الي طلبت

مني والي يسأل عن اخبارهم مااعرف

والله حالياً اني على خلاف وياهة

وماعندي اتصال بيهة بس تبقى صديقة

وعزيزة علية وكل الاحترام الهة ولعائلتهة

والله شاهد عمري مقصرت وياهة بشي

لاهي ولا اي احد يعرفني ويارب التوفيق

الهة بحياتهة بس بالنسبة الي رواية

مشاعر مؤقتة انقفل ملفهة للأبد

باز کردن / نظر دهید

2023-05-07 00:43:56 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-05-07 00:43:11 اگوم من مكاني خفت كلش لااخسرهة

لبنتي حضنت امي وهي صارت تمسح

على راسي وتحاول تهديني

ابتسام : احنة بالنهاية لله ومرجوعنة الة

اذا راد ياخذ بنتچ راح ياخذهة ومحد يگدر

يوگف گدام ارادتة واذا راد يحفظهة

راح يحفظهة حتى لو تعبتي نفسچ

او صارلچ شي كلة الامر بيدة هو فلتضلين

توهوسين زوجچ كم يوم ويجي ولازم

تصيرين قوية وتساندي بمحنتة

جمانة : تذكرت عقيل اي هو گال بس تخلص

الفاتحة اجي لبغداد كلش مشتاقتلة يربي






اريد احضنة اشتم عطرة احس نفسي

مشتتة وتعبانة بغيابة وبنفس الوكت

خايفة لأن عقيل هلمرة مبين متأثر كلش

خايفة لااخسر حبيبي الي اعرفة للأبد

سوتلي ماما ريوگ تريگت اني ومسلم

اخذت علاجي وضليت مترددة ادگ

عليه او لا اكيد هسة واگف بالفاتحة

وماعندة وكت يجاوبني ضليت اباوع

علساعة حدما صار الضهر خلص صبري

دگيت عليه وهو همزين جاوبني هلمرة

عقيل : شلونچ ابوية

جمانة : الحمد لله انت شلونك ضل بالي

عليك هسة تحس نفسك احسن ؟

عقيل : الحمد لله وانتو شلونكم

جمانة : الحمد لله بس عايزنة شوفتك

عقيل : وانة بعد اريدن اشوفچ تعبان

اريدن اذب هذا الحمل كلة بحضنچ

جمانة : اووف عقيل اتمنى لو اگدر اشيل

جزء من حزنك

عقيل : كل واحد منة مكتوبلة نصيب

من الحزن ولازم يعيشة

جمانة : الحمد لله على كل حال يلة

رايح انة اليوم ربعي من بغداد يجون

ولازم نحضر الغدا

جمانة : تمنيت اكون وياك

عقيل : تحملي جمانة كلهة شكم يوم واجي

ديري بالچ على نفسچ وعلى حور

جمانة : استغربت عبالي لأن ديفكر بيهة

خربط بين اسمهة واسم بنتنة

گلتلة قصدك غرام

عقيل : لا لاح اسميهة حور

جمانة : مگدرت اناقشة بشي وهو بهذا

الوضع گلتلة يلة حبيبي روح اكيد جاي

اعطلك سديتة واني ضايجة فعلياً

لأن لو شگد مااحب عقيل وحور توفت

بس تضل ضرتي وانو تتسمى بنتي بأسمهة

هذا شي صعب علية هواية مرت الايام

حدما خلصت الفاتحة واني چنت منتظرتة

اريد اختفي بحضنة من هاي الحياة كلهة

نبعة : ليش تريد تروح بعد وكت اذا اجوي

عالم تعزي شنگللهم

عقيل : عماد وابوية يگعدون وية العالم

انة تعبان وحگ الله جاي اختنگ ارحموني

عاد ليش محد يحس بية

اسراء : حبوبة خلة يروح هو كلهة اجت

منو بعد يجينة لتضغطين عليه تراه مريض

وميتحمل

نبعة : چا حور موش مسكينة من قهرهة

وراح لبغداد وخلاهة وهسة مصدگ خلصت

الفاتحة ويريد يطير شني ماعندك احساس

انت متحسب حساب لكلشي

عقيل : يمة الله يخليچ يزي عاد بزعتوني

انة وحدي مجاي اتحمل وجاي احس بالندم

ليش تزوديهة علية

نبعة : چا شتريد تحس انت ظلمتهة وما

خفت الله بيهة

صالح : بسچ عاد يحرمة الاعمار بيد الله

ميصير تحملي ذنب الصار

نبعة : يعني هو اليحچي الحگ يطلع

مو خوش ادمي

صالح : ماگلنة مو خوش بس موش وكتهة

يعني شني تردين تخسرين ابنچ

نبعة : انة خسرت ابني من يوم الي سوا

سوايتة واذاهة لهاي اليتيمة

عقيل : يلة اودعناكم طالع انة طلعت

وانة افور مااعرف شسوي وين اروح تعبت

امي ضدي وانة ضد نفسي وجاي احملهة

ذنب كل الي صار ياربي شنو الصح

وشسوي بدنيتي ضربت علستيرن قوي

رجعت اختنگت وگفت السيارة ونزلت

گعدت بصفهة روحي غاطت قررت اروح

للنجف ازور امير المؤمنين بلكت يبرد گلبي

جمانة : ضليت انتظر وهو ماكو زين هو

گالي اليوم اجي ليش تأخر خابرتة ميجاوب

ضل بالي عليه خابرت عماد گالي طلع من

زمان وگال رايح لبغداد انوب خفت اكثر

ليش تأخر لعد خاف صارلة شي

تزوهرت لااگدر اكل ولااگعد بمكاني

ضليت افتر واني خايفة وادعي يارب

يطلع بخير ومصارلة شي حدما دگ

علية واني مصدگت فتحت خط بسرعة

اجاني صوتة بس مال واحد مخنوگ

كلش وصوتة رايح

عقيل : تعبت جمارتي مالي عين اروحن

لگبرهة شگللهة انة السبب بموتچ

ولچ گلبي احسة حيوگف باز کردن / نظر دهید

2023-05-07 00:43:11 #مشاعر_مؤقتة (الاصلية ) -

#مابعد الفراق 3 -






مساء الخير لعيون احلى متابعات



واسفة لأن تأخرت بالتكملة بس

علية ضغط هلفترة وشوية تمرضت

فكلش اعتذر الكم قرائة ممتعة

وهاي الاحداث راح تكون اخر شي

ينزل عن حياة الابطال وهذا بطلبهم

واي شي جديد يصير جمانة راح تنشرة

بحسابهة تمام غلا



__

عقيل : ضليت واگف بلباب ومتردد افوت

احس گلبي راح ينفجر من القهر فتحت

الباب واجتي بخشمي ريحة العطر كل

ركن بالغرفة بيه ذكرى منهة تلمست

مكياجاتهة وعطورهة اكو بيهن وحدة

تقريباً فارغة اخذتهة رشيت منهة على

ايدي تذكرت هذا العطر نفسة الي چنت

علطول اشمة بيهة حسيت صارت خنگة

بصدري گعدت علچرپاية وانة گوة اجر

النفس ياالهي ضاگت بية الدنيا ليش

خليتني اتعلق بيهة وخليتهة تكبر گبال

عيني تالي اخذتهة مني عمري معترضت

على حكمك بشي ولا تصرفت بجزع بس

هاي بنيتي ياربي الله يلعني ليش ماتحملتهة

موتهة كلة بسببي ومرضهة زاد بسببي

طول عمري متحمل دلالهة شجاني

متحملتهة بهاي الايام استغفر الله واتوب

اليه ياربي اغفرلي ذنبي وياهة

گمت افتر بالغرفة اگلب بالكتب والملازم

وانة گوة واگف احس على لحظة اطيح

شفت دفتر ملاحضات فتحتة شفتة

كتابات وخواطر اخذتة وگعدت اگلب

بي اول صفحة مكتوب خواطر ومرسوم

عصفور صغير وغصن شجرة ابتسمت

على برائتهة وغمضت عيني بتعب

اشكال كاتبة شغلات عن يومياتها وشلون

تگضي وكتهة وشلون يمر الوكت بالكلية

اقرى كل كلمة ودموعي تنزل كلشي مكتوب

حتى خواطر بتواريخ قديمة من چان عمرهة

12 واقل گلبي وجعني سديت الدفتر

وگعدت ادخن شوية وانفتح الباب رفعت

راسي شفتهة ندى يمكن لو گبل الصار






شايفهة چان طردتهة بس موت حور

خلاني احس الدنيا متسوى واحد يضل

زعلان وبلاخير هي تزوجت وصار عدهة

خلفة منة يعني زعلي لايقدم ولايأخر

صح گلبي ملچوم منهة بس متسوى بعد

فتحتلهة ايدي وهي اجتي تركض

شبكتني وصارت تبچي بحضني

ندى : ليش هلكثر صرت قاسي وياي سنين

وانة احاول اراضيك وانت حتى ماتريد

شوفتي كلهة صارت ضدي ورجلي راواني

الويل وانت متدخلت ليش هنت عليك

عقيل : انتي جاية تعاتبيني ندى نسيتي

انتي كسرتي كلمتي وتزوجتي تدرين

كل يوم اتندم چي مامنعتچ المفروض

مااخليچ تتصرفين بكيفچ

ندى : ياريتك منعتني بوكتهة اسفة والله

ان گلتلي تطلگي منة انة راضية بس

لتضل زعلان فدوة لعيونك بوية

عقيل : لا شتتطلگين وجهالچ وين يرحون

هو بعدة يأذيچ؟

ندى : لا هلايام زين وياية انت سويتلة شي

عقيل : اي

ندى : شسويتلة

عقيل : موش شغلچ وهسة اسكتي راسي

يريد ينفجر

ندى : سلامتك تريد اجيبلك علاج

عقيل : ميفيد بس معدتي جاي تتأذى

ندى : اصيح عماد ياخذك للمستشفى

عقيل : لا محاجة

ندى : تدري شكثر مشتاگة لحضنك

عقيل : وانة بعد نسيتي انتي بنيتي الصغيرة

ندى : بس سمعت لاح تجيك بنية وتاخذ

مكاني زعلت والله

عقيل : انتي ضلي بسوالفچ تدرين ساعات

اگول رجلچ الة حگ يأذيچ على غيرتچ

ونگچ النهار كلة

ندى : ليش هيچ تونة تراضينة بعدين ليش

گاعد هنانة راح تتأذى اكثر

عقيل : ابوية اذا علمكان نغيرة بس الي

بلگلب شلون يتغير وهو المصيبة الحزن

نايم بگلبي ومجاي يفارگة

ندى : بس يطلع الاربعين نشيل غراضهة

كلهن وننطيهن للفقرة خاطر تنسى

عقيل : تعصبت من حچيهة گلتلهة تسودنتي






انتي ممنوع اي غرض يطلع من الغرفة

تضل نفس ماهي والي يفكر يتصرف بكيفة

اشعل شيب الخلفوه

ندى : خلاص محد يلعب بغراضهة لتتعصب

لايصعد ضغطك

عقيل : يلة گومي تعبت اريدن انام

ندى : ماشي تصبح على خير بوية

عقيل : وانتي من اهلة راحت وانة گمت

مددت بفراشنة حاولت انام مگدرت كل

مااغمض اتذكرهة صارت حياتي وياهة

تمر على عيني بكل شي صار بينة

وكل موقف ولحظة ضليت اتگلب مااعرف

شلون غفيت گعدت علتلفون يدگ لصلاة

الفجر گمت تعوذت الشيطان وصليت

ضليت گاعد اقرى قران حدما طلع الصبح

بدلت لبست دشداشة سودة وغترة

ونزلت استقبل الي جاي يعزي گوة

كاض نفسي ماانزل دموعي گدام الناس

︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎ ︎

جمانة : ضليت مددة وخايفة كلش اخاف

اتحرك وينزل الطفل مااعرف شسوي

ضليت ادعي لرب العالمين ودموعي تنزل

مااريد اخسر بنتي يارب عقيل وضعة صعب

مراح يتحمل خبر خسارة غرام هم

نمت بمكاني من التعب والوجع محسيت

غير امي جاي تگعدني

ابتسام : جمانة جمانة اگعدي ماما ليش

نايمة بالگاع مو زين عليچ وچمالة هيچ

بدون فراش شنو موازيچ على هيچ نومة

جمانة : ماما تعبت والله وجع قوي صار

بضهري احسة تخيط لااگدر اتحرك ولا باز کردن / نظر دهید

2023-05-04 22:41:32 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید

2023-05-04 22:41:07 دمرني والخنگة مجاي تروح من صدري

كل مااتذكر شلون ماتت بين ايدية

دموعي تنزل غصب عني گمت اريد اطلع

ووگفني صوت عماد

عماد : وين رايح يااخوي رايد شي انة

اجيبلك اخاف عليك ترجع تدوخ

عقيل : لا لتخاف مابية شي بس مخنوگ

ارد اطلع اشتم هوا برا

عماد : چا انة گايم وياك

عقيل : لا ميحتاج ارجع نام انت النهار كلة

واگف على رجليك

عماد : شيعاندك

عقيل : طلعت الباكيت مال جگاير من جيبي






وورثت جگارة وگفت وسندت ايدي علباب

گلتلة بتعب هي چانت تعاندني وتغلبني

بعنادهة ولك گلبي محترگ مجاي تطلع

من راسي راح اموت والله گعدت

بلگاع وسندت ضهري علحايط وضربت

على راسي بيدية

عماد : شجاك يخوي مو هيچ هذا امر الله

وية الوكت لاح تنسى مثل مانسينة موتت

اهلنة كلة يروح ويصير سوالف

عقيل : ليش انة متعلق بجدي بكثر حور

ولك مجاي اگدر اگول الله يرحمهة

مجاي تطلع مني والله لساعني ممصدگ

شلون گدرت ادفنهة بيدي ماادري

ولك الموت الي انة موش الهة جاهل ياربي

مشافت من دنيتهة شي لا حصلت اهل

ولا جاهل ولا رجال يحبهة مثل الاوادم

عماد : لا عقيل احنة عمرنة محسسناهة

الله يرحمهة انهة ماعدهة اهل چنة كلنة

مثل اهلهة واكثر يمكن لو اهلهة عايشين

مايهتمون بيهة بكثرنة وعلى شغلة الجهال

هذا امر ربك والة بيه حكمة لو صاير

جاهل چان هسة ماتت وخلتة وراهة

وبخصوص الي گلتة ماحصلت رجال يحبهة

فبلعكس ماكو زلمة حب حرمتة بكثر

حبك الهة رغم انت متزوج غيرهة وهي

چانت تعشگك واختارتك من دون الناس

كلهة انت هسة بحالة حزن وزعل ولاح

تشوف نفسك مقصر بس انت الله شاهد

مو لأن اخوي واحمد بيك بس انت دومك

اعدل من الميل ومغلطت بحگ احد بلاخص

حور الله يرحمهة دللتهة دلال مصاير

عقيل : الفايدة شني راحت من ايدية

ومترجع بعد راحت وانة جارحهة ومأذيهة

عماد : هي چانت تحبك وسامحتك على

كلشي صار وانت شفت بنفسك يوم حست

روحهة جاي تموت خابرتك ورادتك

تضل وياهة لوما بعدهة تحبك ماتسويهة

عقيل : تدري شني مدمرني چانت دوم

تگلي انة فتحت عيوني عليك واريدن

اغمضهن عليك متخيلت تصير صدگ

ويجي يوم وتغمض عيونهة بين ايدية

عماد : قرفصت بصفة وخليت ايدي على

چتفة وگلتلة وحد الله كلنة لهذا الدرب

ولوشما طال عمرنة بلاخير كلنة لاحگيهة

ومصيرنة نفسهة احنة من التراب ومصيرنة

الة وهاي هي رحلتنة بهاي الدنية

ادعيلهة بالرحمة والمغفرة والحمد لله

هي چانت صايمة مصلية ومحد شايف

وجهة بلشارع انة مااعرف بأمور الدين

بس حسب مجاي اشوف بنات هلوكت

فأكيد حور بالجنة ان شاء الله ولاح يعوضهة

عن كلشي فقدتة بهاي الدنيا

عقيل : عاينتلة والدموع تلمع بعيني

ضربت على گلبي وگلتلة شلون اسكتة

لهذا الگلب بس گلي مجاي يهجع ولايبرد

جاي اتمنى الموت وماالگيه

عماد : فكر بجهالك وحرمتك عقيل منو

الهم من بعدك صدگ احنة لاح ندير بال

عليهم بس من بعد الاب كلة ميفيد

عقيل : گمت طلعت مخنوگ مااعرف

وين اروح اجتي غرفتي جدام عيني

اريدن اروح بس خايف من الذكريات

وخايف لا اشتم ريحتهة بالغرفة

وتنفتح جروحي كلهة

يتبع ٫٫٫٫٫٫٫٫٫٫

اسفة حاولت اكمل بس مگدرت

گلبي گام يوجعني + اني مريضة باز کردن / نظر دهید

2023-05-04 22:41:07 #مشاعر_مؤقتة (الاصلية ) -

#مابعد الفراق 2 -










جمانة : مر اول يوم الفاتحة وعقيل مجاوبني

ابد ولااتصل علية خفت كلش عليه گلت

خل اخابر عماد اخوه بلكت يطمني عنة

دگيت عليه وگعدت علچرپاية انتظرة

يجاوبني دگ اكثر من مرة يلة جاوب

عماد : الووو هلا خوية شلونچ

جمانة : الحمد لله والبقية بحياتكم

عماد : بحياتچ الباقية شلونة مسلم والوالدة

ان شاء الله بخير

جمانة : بخير الحمد لله واسفة لأن مأجيت

عزيتكم بس ضروف حملي مانعتني

عماد : معذورة ام مسلم مقدرين ضروفچ

جمانة : بس خابرت اتطمن على عقيل

مجاي يجاوب على اتصالاتي فدوة بس

طمني عنة الله يخليك

عماد : والله مااعرف شگلچ

جمانة : فدوة احچي عقيل بي شي

عماد : عقيل مصدوم وگبل شوية تخربط

اخذتة للمستشفى گوة گعد بالفاتحة

جمانة : شلون هسة عفية خل احاچيه

عماد : ادللي هسة اخذلة التلفون

جمانة : ضليت گاعدة واهز برجلي ودموعي

تنزل وامسحهن ياربي كلة الة عقيل احفظة

الية ماعندي غيرة بهاي الدنيا

شوية وسمعت صوتة بعد اريد الزم روحي

ماكو انفجرت بالبچي

عقيل : شلونچ ابوية

جمانة : الحمد لله انت شلونك حبيبي

ليش مجاي تجاوب على اتصالاتي تدري

شگد خفت عليك وهسة عماد گالي جاي

تخربطت ليش مبلغتني بالجاي يصير وياك

عقيل : وان عرفتي شتسويلي جمانة انتي

حامل وحملچ صعب وماردتچ تعرفين

كلهة شكم يوم واصيرن زين ليضل بالچ

جمانة : صوتك بي نبرة غريبة ليش احسك

مجاي تحچي الي بگلبك

عقيل : شحچي يعني انة الدنيا ماتت

بعيوني بموتتهة مجاي اگدر انسى شلون






چانت تعاينلي مجاي اگدر انسى شلون

قسيت عليهة بالحچي جاي احس بالندم

انة السبب بموتتهة

جمانة : لا عقيل لتحمل نفسك ذنب هذا

يومهة واجلهة اجة كل واحد بينة الة يوم

لو مهما تتعدد الاسباب الموت واحد

عقيل : مراح تفهميني لو شكثر مااحچي

مجاي اگدر اطلعهة من راسي ولچ ليسهة

ممصدگ ماتت ضحكتهة بأذني ونگرتهة

وياي كل حچيهة وشقاهة كبرت جدام

عيني هاي ترباة ايدية اعزهة حتى اكثر

من خلفتي الي من صلبي

جمانة : اعرف حبيبي ومفتهمة شعورك بس

لتضل تقهر بنفسك حور الله يرحمهة

چانت تحبك اكيد مراح تفرح من تشوفك

حزين استغفر عنهة اقرالهة قرآن الجاي

تسوي بروحك مو حل ولتنسى انت عندك

بنات يعتبرنك سند وابن الي هو مسلم

وبنتك الي بالطريق شهگت وگلتلة واني

عقيل منو الي مفكرت بية خليك قوي

لخاطري صدگني اموت وراك اذا صارلك

لاقدر الله شي

عقيل : موش بيدي جمانة جاي اموت والله

لو شكثر محچيتي هسة ميتغير شي

چنت اعرفهة غالية علية بس من راحت

عرفت قيمتهة الحقيقية بحياتي

جمانة : عقيل حبيبي جاي تبچي

عقيل : بچيت وشگيت ثوبي ولطمت

على صدري وياريت لو البچي يرجعهة

چان بچيت العمر كلة

جمانة : صرت ابچي وياه وهو يبچي بتعب

موتني اريد احضنة ياربي اكون يمة

حاولت اقوي نفسي گلتلة باچر تدز احد

يجي ياخذني اريد اوگف وياك بمحنتك

عقيل : وين تجين خليني بمصيبتي ولتزوديهة

علية مااريد اخسر بنتنة

جمانة : شلون لعد مجاي اتحمل فكرة انك

بعيد عني ومريض ومااگدر اكون وياك

عقيل : لتخافين علية بس تخلص الفاتحة

اجي لبغداد البيت هنانة جاي يخنگني

جاي اشوفهة بكل مكان

جمانة : تمام حبيبي منتظرتك اني بس فدوة






جاوب على اتصالاتي لتخليني اضل افكر

ومشغول بالي عليك تعرفني مااتحمل يصيرلك

شي لخاطري عقيل تماسك

عقيل : احاول وهسة تصبحين على خير

مالي خلگ احچي والله

جمانة : ماشي حبيبي روح ارتاح

وانت من اهلة يعمري سدة واني گمت

افتر بالغرفة روحي مفرفحة عليه ياربي

باوعت لبطني ونزلت دموعي ياربي

اني واطفالي ماالنة غيرة وين نروح

اذا صارلة شي ياربي والله مااتحمل

يروح مني يارب كرامة لوجهك اشفي وبرد

گلبة الفقدان مو سهل ابد رحت توضيت

ووگفت اصلي مااريد اصلي اني وگاعدة

طولت بلسجود وضليت ادعي ودموعي

تنزل اختنگت بالبچي ياربي فدوة عديهة

لهاي الازمة على خير ورجعلي زوجي

بالسلامة انت تعرف هو شنو بالنسبة الية هو

زوجي وابوية واخوية وحبيبي يارب هو سندي

من بعدك وملاذي بهاي الحياة انك على كل شئ

قدير گعدت اقرى قرآن وهديت ثوابة لحور

ضليت گاعدة للصبح مگدرت انام رغم

العلاج يدوخني بس من القلق والتفكير

منمت حسيت بوجع بضهري قوي

خلى روحي تشوغ مددت بلگاع واني

حايرة شسوي ياربي معقولة جاي اجهض

لاياربي فدوة عقيل مو حمل صدمة ثانية

احفظ هاي الطفلة ياالله

♡♡♡♡♡♡♡♡♡♡♡♡♡♡

عقيل : حاولت انام مگدرت وجع راسي باز کردن / نظر دهید

2023-05-04 22:40:27 ذوٱڵـقّـّـقّـٱرّ ٱڵـحچي ! ، ⇣



َّسوِيِّ أّعٌأّدِةّ تّوِجِيِّهِ لَأصٌدِقِأّئګمَ

قًصّصّ وَبّسِ باز کردن / نظر دهید