قناة الشاعر مسعود الحاتمي

2022-08-01 12:34:40 اعلان مهرجان النهر التاسع باز کردن / نظر دهید

2022-08-01 12:30:56 *ظعن الله//طور اهوازی*

گعدت ام عباس توصي والمدامع هامله
تگله یا کفال اخیتك شیل راسي ابکربله

یبنی یا عباس اریدك تعدل ابحمل الثجیل
ابشاربك ظعن الله زامط گبل لا یمه یشیل
ادری بیك ابیاض ویهّه وانته ابن نشمي واصیل
سیف باشط؛یبوفاضل رایدتك بل فله

یمه اریدك من تطبهه کربله ادگ اللوه
وحبل خیمة زینب اختك لا یهز طوله الهوه
ویه‌سیفك للحریبه من تصك تطلع سوه
عله طولك کون تمشي مشیه التهز المَله

ها یسبع الموزمیه ویبن الملین الحدید
غیم؛؛وخض المعاره ومطرّ الغیمه ابرعید
لوح فرسك؛راوی درسك؛حومتك خل تستفید
ابروس خل تطلگ النخله والتفلهم نچله

سوی یوم الطف قیامه اسویعه وحده البت ابوك
صول؛جول؛وطش خرزهه وچاینه حط ابعدوك
رکض الخیل اعله شعره وخلی یتنومس اخوك
فوژ بیهه::وخلی سیفك بیهه یمعط بل بله

وطبلهه وخسفهه الگاع من زینب نخت زوده
روس ابروس خیطهه وما لآوهن ازنوده
بأسم ام البنین اُمه هد هده وبأسم عوده
نهار الطف صبح مظلم وحط بیهم الف عِلّه

ما رد؛لایرده السیف؛؛رد ابسیفه کثره اسیوف
فرهم فرّت الخاتم؛؛وجه الشر صبح مخطوف
لأمه اهناك شال الراس وچف الحقد ظل مچتوف
رفعة راس والنعمین سیفه اعله الخصم صلّه

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-08-01 10:45:11 نزله لیلة ام البنین ع

یلله یآبوفاضل....سیفك شیله الیسوه
بلمدینه اُمك.....اترید هدّه حلوه

*اطویهه؛؛وصفیهه؛؛وچویهه یعباس*
*زلزلهه؛؛؛نچلهه؛؛؛رذلهه؛؛ یعباس*
*یبوفاضل دخیلك ۴*

سوی الطف ضبابه....وفوت بیهه سکته
ماکو غیرك گدهه؛؛گدهه انته وانته

*ابتارك؛؛؛شب نارك؛؛بأشرارك یعباس*
*یومك هان؛؛الوی الذان؛؛گص السان؛؛یعباس*

*یبوفاضل دخیلك ۴*

اقره ما تیسّر......مِن آیات المجید
واطلع کشخه لصید....ابکیفك صیده الترید

*مُرهم طیف؛؛اخذ الحیف؛؛شرب السیف یعباس*
*دگ ریلك؛؛شد حیلك؛؛؛طم لیلك یعباس*

اُمك زامطت بیك....بلطف هآ یکفال
اگطع بزرة اگفا.....کلمن یدعی ریال

*طر اصفوف؛؛صب الخوف؛؛خل اتشوف یعباس*
*ذبلهه؛؛عذبهه؛؛عجبهه؛؛یعباس*

وسواهه العجایب.....ونفش خشم العاداه
من طواهه؛؛ الاملاك.....صاحت بارك الله

*گرّ العین؛؛ونعمین؛؛چف حسین؛؛یعباس*
*بچاهه؛؛ذلاهه؛؛سحگاهه؛؛یعباس*

بیهم واحد ایصیح...‌وعگله اهوایه مدهوش
اِنّ سیف العباس......حلب روس الجیوش


*موت احمر؛؛کلمن مر؛؛شافه وفر یعباس*
*میقشمر؛؛من ایطر؛:سیفه ایکر؛؛یعباس*

ما رجع؛؛عرض وطول....خاضاهه المیادین
بعد روحي عباس...حط بیهم سوادین

*نزلوله؛؛حیوله؛؛ودچوله؛؛یعباس*
*میکائیل؛؛عزرائیل؛؛اسرافیل یعباس*

*یبوفاضل دخیلك۴*

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-07-31 20:40:06 (بجیة الحیل)
لسان حال السیده علیله س

یهل ماشین دخذوني ویاکم عله الناگه
ظعنکم من یشیل بعید ما بیه عله افراگه

الدیره اخلاف اهلهه اتموت وایموت الوفه بیهه
ویغمت کل گلب مشتاگ من یحدیهه حادیهه
غربه ودار المغربین تسمع بس نعاویهه
بتکم یاهلی ترضون وحدي ابهل نزل ابگه

بتکم والظعن لو راح ما یهده الگلب ونه
ارید امشی وجفن الکم یهلی افراش افرشنه
علیکم دمعی المفارگ ما یبطل واصبنه
ردوا یا بجیة الحیل وترسوني حضن ملگه

چنت اتمنی من امشی اویاکم یابعد روحي
ما لوعکم ابمرضي واخفي عنکم اجروحي
لچن تالیهه عفتوني ولا بیکم سمع نوحي
علیله ابلا اهل ظلیت وبلونات محترگه

یهلنه الدار حلوه اتصیر وبینه اتزود هیبتهه
بعدکم موحشه وظلمه وضیجت خلگ طبتهه
یسلوة بتکم ورحتوا وبیمن بعد سلوتهه
ظعنکم من طلع غبشه خله بلسلف خنگه

اظلن انتظر بلکت طارش منکم ایجیني
یگلي امشی الهلچ وافرح وایکف مني اونیني
من کثر البچي یهلي کفّت بلبچي عیني
یبست روحي علملگه چنهه یبست الورگه

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-07-30 18:49:58 (یهل تلطم...طور اهوازی)

یهل تلطم صدر لحسین وعینك دم تبچیهه
دنیه ابلا محرم صیح ما یسوه النفس بیهه

حلاة العشگ تتبهذل لجل التعشگ اظنونه
وحد گطع النفس للموت هیهات ابحچی اتخونه
هذه حسین الیعشگه؛ایموت الطارف اعیونه
وآمال اشکثر آمال؛ویه حسین یبنیهه

یهل تخدم ابوالسجاد؛؛وتبچی ادموم بیآمه
اعرف قدرك وشآنك؛؛هیبه حسین خدآمه،
ناس اشگد تحب حسین؛؛بس تحرگهن اخیآمه
یریدك للخیم حارس؛؛اچفوف الحقد تلویهه

من ایهل شهر عاشور؛؛الیکره نشر منشوره
شنهی هآکثر تبذیر؛؛وشنهی امصخمه اجدوره
بیهن ساعدوا الفقره؛؛عوفونه امنل انذوره
شنهی والعزاء شهرین؛؛وتکیات النعلیهه

هاك اخذ الجواب الیوم من خدام ابوالیمه
هیه الفقره ربع حسین بس تجار بلخدمه
لا تدنه الشعائر غط؛الیدنه ینهدر دمه
واعلامك یبن مروان؛احسن تمشي تطویهه

یظل هذه العهد للموت بلدم کلنه وموقعین
ابعشیرتنه الحسینیه بس الشیخ یبقی حسین
ابدربه اتزود حرگتنه وما تتراجع الرجلین
وعین الما تصب لجله ابسهم امثلّث نعمیهه

گلب العاشگك یحسین ما یتنازل ابعشگه
الفرگه تکتل العاشگ اشحال وفرگتك فرگه
ترزقنه الزیاره انرید وی گبتك نِود ملگه
حفایه ونجیك انزور والدمعات نجریهه

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-07-29 22:06:07 نزله (عشق الحسین)

للموت ما نعوفك....یلغالي
عشاگك یلحسین...للتالي

ابدمنه الك وقعنه
انته بس قائدنه
*یلوالي*

یاعزیز الزهره؛؛اِلك وابهل عشره؛یفرق عزآنه
بل مجالس نهتف؛؛دمع لآ ما ینزف؛؛ینزف دمآنه
یل خذیت اگلوبنه؛؛وناطي رزق ادموعنه؛؛تبقي هوآنه
الرآد ایمسنه اکتابه؛؛نمشي واندگ بابه؛؛ونلوي اِذآنه

وانگله عشگنه...خط اَحمر
والیتعده حدّه...عمره یخسر

ابعاصمتنه وحُبنه
انته بس قائدنه
*یلوالي*

من تجي التعزیه؛؛نشعر ابحریه؛؛وتترسنه واهس
کلمن ابمقدوره؛؛یخدم ابعاشوره؛؛وما بینه جالس
یا عظم هیبتهه؛؛تگعد ابخیمتهه؛؛تلك المجالس
للحسین اتشاهد؛؛یطلع اشچم عابد؛؛یتسّمه عابس

ابجرحك نقره یاسین/والفرقان
یل کلك چنت ماي/بس عطشان

بلعشگ قبلتنه
انته بس قائدنه
*یلوالي*


کلشي فاهي ابدونك؛؛لون ماهی اعیونك؛؛القبله ضیعناهه
یا دثیث الرحمه؛؛وبلمجالس نعمه؛؛نعمتك ضگناهه
یل امسلّب خاتم؛؛عله کل العالم؛؛ابخدمتك نتباهه
یبو نیة البیضه؛؛رغم علّي ایغیضه؛؛رایتك شلناهه

نتوّضه ابحروفك؛؛وابصیتك
وانشاهدهه کعبه؛؛حسینیتك

علیهه طِفنه وگلنه
انته بس قائدنه
*یلوالي*

۴...
یبوخیر الوافر؛؛بأربعینك حایر؛؛ابوالموکب رآیه
اشیوفي من معروفك؛من تجیله اضیوفك؛؛توصلك مشایه
یفرشلهم روحه؛؛وفرحته مجروحه؛؛وبل هلَه ایصب چآیه
ایصیح بل هَم والآه؛؛گد ابا عبدالله؛؛مایصح تچآیه

اهلا" واگف ایصیح...یغیاره
اِحسین رفعة الراس..زواره

اویاهه بلحد صحنه
انته بس قائدنه
*یلوالي*

۵...
کلشی عاطل باطل؛؛لو جنابك عازل؛؛خیرك وضوء نورك
ظلمه اصدن لیهه؛؛الدنیه لو ما بیهه؛؛ریحه من عاشورك
نفتخر یحسینه؛؛انته شیخ اِعلینه؛؛ونمشي اعله شورك
حتي آدم حافي؛؛یعتنیلك وافي،،ویگصد یزورك

وایصیح احله خدمه؛؛بیّآمك(ایام)
آنه وباقي ربعي؛؛خدامك

یابوالبیت اللمنه
انته بس قائدنه
*یلوالي*

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-07-29 22:05:03 *لطمیه طور اهوازی؛؛اول لیلة محرم*

هل اهلال ابوالسجاد وانعاد الحزن لینه
للمجلس نشد اَوزار وانطیّن چفافینه

ابوالمجلس یحزن البیت وغارگ بلبچي اصوابه
یصرخ یآ هله ابشهرك آیا حسین وامصآبه
یشرع الباب لضیوفه ویتلگاهم اصحابه
یطلع اجدورة الموکب وایزّهب مواعینه

اشگد فرحان هل عاشور وینگط خجل بلخدمه
یبذل بس یرد ایگول ما وفیّت ابوالیمه
اُهو الچاسي ابطفل لسهام؛وحافر شارگ ابدمه
اشلون العین ما تعمه وهوّه امصوّب ابعینه

آیحسین وایآمه ویا محله لیالیه
نتعلّم من الواجب درس الطف معانیه
لا توچب ابد بلباب؛؛طبلهه الحسینیه
شوف حسین شنهي ایرید لو تعشگ صدگ دینه

حسین ایریدك امکمّل متوّضي وتطب مجلس
حتي تنکتبلك دوم؛؛عباده وبلسعاده اتحس
صلاتك لا تفوتك یوم لوله اسهام بیك اِتمس
اطلع سهم من حسین لو نیتك تجي اِتعینه

البس حزنك العاشور وخل یشبع لچم جرحك
عله المسلوب منه اثیاب اذبح بلدمع فرحك
بلمجلس تره الزهره بالك بل عزاء تضحك
تره المکسور لعزازه ابگلبه الضحك سچینه

اتعلّم یلترید اتنوح وتصعد خشبة المنبر
ابترس الجیب لا تحچي؛؛وابصوتك فلآ تنغر
لا تشرط عله الزهره؛؛وتذبح بلطلب منحر
خل نیتك تظل بیضه واُمه الزهره تچسینه

یهل تمشي ابطریق حسین اِعني اکثر الشبان
لا تلطم تجي وتبچي لو منك ابو زعلان
اُمك کعبتك بلبیت اُمك مصدر الایمان
علیهم لا تعلي الصوت وتحسبهه تظل زینه

ندعي یا اِلآه حسین والدمعات تتجاره
نمشي بأربعینه انرید نوصل نشبع ازیاره
غیر حسین ما عدنه وبینه تستعر ناره
ختام المجلس وندعیك ازیارة کربله انطینه

مسعود الحاتمي
https://t.me/joinchat/AAAAAD-rlhILfbAV0bp5Sg باز کردن / نظر دهید

2022-07-25 22:53:47 باز کردن / نظر دهید

2022-07-19 18:20:29 اعلان احتفال....گرگر ۱۴۰۱/۴/۳۰ باز کردن / نظر دهید

2022-07-19 18:19:56 اعلان احتفال....الکوره ۱۴۰۱/۴/۲۹ باز کردن / نظر دهید