خَذَاهن من علي وإيديْه ميتلاوَن عَطَاياه ويْه حيدر أضن يتساوَن | مهدي التقي

خَذَاهن من علي وإيديْه ميتلاوَن
عَطَاياه ويْه حيدر أضن يتساوَن
قنبر طاحت إيده إبدَگّت الهاوَن

ما يفرغ بيته ولا ساعه ..
ـــــــــــــــــــــــــ
الكرم عنده عباده و روح عنّه إقره
بحيث إعله الطّواف إيفضّل الفقره
الياخذ حاجـته ما يلحگ إيشُـكره

ينطيْه ويْصيح إعله الثاني ..
ـــــــــــــــــــــــــ
ارسمها بخــيالك هســه يالله إلحگ
إسمَعِت مرّه روايه وصدگ بيها إلـ حَگ
أبو فاضــل يُــوزْع المــاي مـا يّلحَگ

من عِدها وصار إسمه الساقي ..
ـــــــــــــــــــــــــ
إبچلمة (هَلا) إيگضّي الليل ما يغفه
لَحَـد ســابع أولايه الـوادم اتعُرفـه
حار إبْـ حار ينطي وناره وما تطفى

هنياله الضــاگ من إدّلاله ..
ـــــــــــــــــــــــــ

مهدي التقي