عيد أبناء الحلال .. قنبر إمحضْر الدِلال
ـــــــــــــــــــــ
حــارّه إدلالــه وتــوزّع يمنته
وصْلَت إلنّـه ولسّه شـايل دَلِّتـَه
لهسّه من فنجانه تشرب شيعتَه
اتلاثه بس الما خَذَوا من گهْوِتَه
ما يريدلها سؤال .. عيد أبناء الحلال
ــــــــــــــــــ
قنـبر إبسـاعتها دكتـور إنحِسَب
موش گهوه إبچفّه تحليل النَسَب
المنها مايشرب ولا يسوَه العَـتَب
سِجِل بيده والشَرَب اسمه إنكتَب
وهاي مابيها جِدَال .. عيد أبناء الحلال
ـــــــــــــــــ
مــو فقــط دكتور نَسّـاب اشـتغَل
هيچ ضل يعزِل الشيعي من النَغَل
الشرب منها إيفـوز والعافاهـا ضَلّ
هيچ يم الثانـي قنــبر من وِصَل
گالّه إشبيكم جَهَال .. عيد أبناء الحلال
ــــــــــــــــــ
هاك إخِذها من گهَوْچي ومن عَبِد
انتــه بالـ ديــوان لازم تنطـرِد
أصلَك وفصلَك طِلَعت إعليه جَرِد
انته كون ابسوط ونشـبْعك جَلِـد
إشعندك إبنِصّ الرِجَال .. عيد أبناء الحلال
ـــــــــــــــــ
انته للإســلام جــاي إلـ مصلحـه
بهاي تاريخــك أبـد ما تِمْسَــحَه
انتم اهل الفتنــه واهل المذبَحَه
الدين موش إبلحيه لاهو إبمسْبَحَه
بس علي الماي الزَلال .. عيد أبناء الحلال
ـــــــــــــــــ
مهدي التقي
