شد رايه * يالله شد رايه وعراقك بيتك ـــــــــــــــــــ كون | مهدي التقي
شد رايه * يالله شد رايه وعراقك بيتك
ـــــــــــــــــــ
كون جاي بهالزمن * تاخذ عيون الوطن
وتفگس اعويناتهم
تلگه جيش بإمرتك * راية الله رايتك
شهني چا . راياتهم
انته ابن عم الذهب * وامس چم واحد كتب
مو . گد إحچاياتهم
للكوفه * بهالــزمن تدخـل يمسلم ريتك
شد رايه * يالله شد رايه وعراقك بيتك
ـــــــــــــــــــ
هالوكت عندك زلم * إنته تگعِد تنخِدم وتنسى ذيچ أيامك
البيت بيتك من تِطِب * والمواكب تنّصب
تامر وخدّامك
الكوفه مو كوفة قبل * هسه لا . گول وفعل
شوف فعل أزلامك
متانينك * اتوكل اعله الباري واعقد نيتك
شد رايه * يالله شد رايه وعراقك بيتك
ـــــــــــــــــــ
ذِب رسايلهم بعد * خير من الله المدد
انته تنهي و تامر
اليوم مسلم لو حضر * موش ذاك اللي انغدر
وضل يدوّر ناصر
هسه ناسك تختلف * مثل هاني تشوف ألف
ولـ نصرتك حاضر
هد . بيها * وناس كلفـه تأشـر متـانيتك
شد رايه * يالله شد رايه وعراقك بيتك
ـــــــــــــــــــ
تشوف شيعه بلا دغش * إنسى مسألْت العطش
لا تفكر بيها
تزور أخييك وابتشر * شرط وبنص القصر
انته بس انويهـا
الكوفه شنهي وتوصلك * والمواكب جيش الك
وذب ثگال اعليها
يچبيرنه * وريحة حسين إبطرف خاچيتك
شد رايه * يالله شد رايه وعراقك بيتك
ـــــــــــــــــــ
انته تحكم بالقصر * أو بِنْ زياد الينشمر
وانته ترجع سالم
وين تلگه القافله * هالسـلام إتوصلـه
للحبيب القادم
گلّه كل ناسك دفو * و ألف طوعه وهاني اكو
بيها هاي الوادم
يا خويه * بدمها شيعة هالوكت شاريتك
شد رايه * يالله شد رايه وعراقك بيتك
ـــــــــــــــــــ
مهدي التقي
