ام البنين ع يم الماي يبني ارفع الواك وخلي كربله اتسولف ابيمن | قناة قصائد والحان منبريه
ام البنين ع
يم الماي يبني ارفع الواك
وخلي كربله اتسولف ابيمناك
****
بيك ادري واعرفك ترفع الراس
لاچن ما تعرفك مثلي الناس
سوي الأبد ما صاير يعباس
حيدر تنگلب يوليدي اهناك
يم الماي يبني ارفع الواك
****
يم النهر كونك تگطع الريح
عبد حسين يم المشرعه صيح
اريد الخيل من ايسمعك ايطيح
بايع روحه يُمه الراد يدناك
يم الماي يبني ارفع الواك
****
من تلتم عليك سيوف وارماح
اريد بغيظ تصفگ راح عالراح
گبل عزريل يبني اخطف ارواح
وتخزر بالزلم خليها عيناك
يم الماي يبني ارفع الواك
****
اريدك دوم للصعبات ملهوف
صلب كونك تلاوي يبني السيوف
حدرك خلها ترعش ذيچ الطفوف
وحگ طولك بعد هيهات تنساك
يم الماي يبني ارفع الواك
****
من اتشيل جودك فكر ابهاي
زينب انه دون الناس بحماي
موش الچان ياهي وتطلب الماي
الها المشرعه اتچتفها ارجاك
يم الماي يبني ارفع الواك
****
شيل المشرعه واترسها بالجود
وخل زينب تعرفك يبني صايود
ما ينزل دمعها وانته موجود
ذكرها تراها دوم بحماك
يم الماي يبني ارفع الواك
****
ابد ماريد زينب يبني تنضام
بالك يم خيمها تخطف اسهام
يا عباس انته درع الاخيام
افتح صدرك وگل السهم هاك
يم الماي يبني ارفع الواك
****
الشاعر اياد الديراوي
