طلاب 2022 والمعيدين بخصوص نظام الانتساب على الاغلب كلكم تعرفو | .
طلاب 2022 والمعيدين بخصوص نظام الانتساب على الاغلب كلكم تعرفو بس راح انطي نبذة بسيطة عنه هو نظام عبارة عن ان الطالب ياخذ ولي امرة ويوقع بان الطالب الفلان راح يگعد بالبيت ويحضر فقط امتحانات نصف السنة وهي الي تقرر هذا الطالب راح يتأهل للوزاري ام لا يعني ماراح لاتمتحن يومي ولا شهري ولاتروح للمدرسة بشكل يومي ماعدا امتحانات نصف السنة بي سلبيات واولها هو تاثير بشكل قوي على طلاب الي مايگدرون ينظمون وقتهم يعني يگضيها طلعات وبالاخير لمن تجي الامتحانات يتقيد وبالتالي ممكن ان يفشل لا سامح الله وشخصياً اعرف طلاب سوو الانتساب بسنة 2021 بس بعدين تندمو لان ماگدرو ينظمون وقتهم وايضاً ماگدرو يمتحنون نفسهم كتجربة مدى دراستهم
وبي الايجابيات هو انك تگدر تدرس على راحتك اذا كنت مسجل خصوصي عكس ماهو بالدوام بحيث يكون وقتك ضيق اذا كنت مسجل خصوصي وعندك مدرسة يعني تتعب اكثر وتگدر تدرس على اليوتيوب وتمتحن نفسك اذا كنت طالب منتظم بوقتك ومقسمة بصورة صحيحة وحتى قنوات تليگرام اذا سوت دورات مجانية همين راح تفيدك كطالب مسوي انتساب وتگدر كذلك للي يشتغلون ويدرسون ان راح يكون عدهم وقت للدراسة وقت للعمل وهل شيء مو عيب هواية طلاب سادس اعدادي يدرسون ويشتغلون ولهل 3 اسباب نظام الانتساب افضل من دوام وقد تكون اسباب ثانية مثلاً صحية او ظروف معينة اما سلبيات ايضاً صارت عدكم والقرار الاول والاخير يبقى بيدكم فكرو صح حدود اذا كان يناسبكم او لا بناء على وضعكم واني بدوري ان شاء الله اذا صدرو قرار بالانتساب راح اسوي دورات مجانية لكل المواد ولكل الافرع العلمي والادبي ونرسم خطة دراسية بحيث يكون عدنا موعد معين لختم المنهج والمراجعة والامتحانات الشاملة "تقسيم وقت بشكل يكون مناسب معاكم" من يوم الاثنين المصادف 2021/11/08 راح يبدي العمل على جدول الخاص بالدورات واليه العمل بي راح يتم نشرها قريباً
