#في_زعل بخلينا نبكي وزعل بخلينا نركض لحدا نشكي وزعل بخلينا نشيل الصورة الشخصية ع المواقع وزعل منعبر عنو بستوري أو حالة وزعل بخلينا نكتئب ونعتزل الناس ، وزعل بيضحكنا بيخلينا نطلع مشوار ، نعمل أكل ، نركض ،#وأقسى_زعل_هو " الزعل الساكت " يلي بخليك تسكت وتصفن وتنطفي وتدبل ع السكت الزعل يلي بيجي ع هيئة صمت وسكوت وكتمان بيهدّك ما بتحكي ولا بتشكي ولا بتلاقي أي عبارة أو كلمة أو صورة تعبر عن اللي بتحسو بتسكت لأن الغصّة اللي بقلبك أكبر من كل الكلام وأتقل من إنو تحملا حروف لأن المشاعر يلي عم تحسا ما لقيت حكي يوصفها أو يحس فيها متل مو هي موجودة جواتك لأن الكلام مالو قيمة ولا بيقدر يوصل الأحساس ، بتسكت لأن كلامك عن حزنك أو مظاهر الزعل ما رح تفيدك بشي ولا رح تقدر تخفف عنّك ولو شوي السكوت المحسوب عليك رضا وهدوء هو حرب عم تطحنك وجبل عَ قلبك عم يخنقك ويهد فيك . . .
