سيد عمار الموسوي

2022-07-23 15:50:33



#نداء_العاشقين

شكراً سيدي أبا عبد الله

و شكراً لكم أحبتي و لكل من ساهم

#نداء_العاشقين

من أشعار سيد عمار الموسوي

و الهندسة الصوتية حسام يسري

إخراج سيد محمد رضا القزويني

اداء Ammar Albu-mohammad

علمتني أم البنين أختصرها بكلمتين
گلت شكرا ياحُسين

شكرا على عدد النسمات
في شهيقي وزفيري

يا مولاي باز کردن / نظر دهید

2022-06-21 12:59:17 لو عليه حزني زاد أرجع القول الجواد
قالَ فِرُّوا للحسَين
******************************
الك فريت مـــن همـــي ويم بابك اجيت اجلس
اگعدت گعدت حزين وصار عليل وضايع ومُفلس
الفقر گتلي إذا مســـك ويحرمك بالصحن تجلس
وذا هاجت شواطي الهم تهيد بريحت المجــلس
لو بعيدة كربلاء اقصد الأقرب عزاء
سوفَ تَلقى الراحتَين ******************************
ألي بكل شمه مـــن قبرك جزء من روحي يترمــم
وعروقي الضاربة تسكن إذا ويــــــاك أتكلـــــــــم
على اضفاف البحر هالناس تگعد حتـــه تتنســــــم
وعلى اضفاف الضريح اگعد أشــــم نسماتــك البلسم
بصدري نسماتك تطوف يــاحسين شگد رؤف
دُمتَ للمستَضعَفِين ******************************


جبين الدمعه بي سيما نبضاتي الألك سجدت
جانت دمعتـــي كالحر هسه الحضرتك ردت
صاحت يا حسين ويم كــوثر شسعك أتبدت
الفصاحة بكل بلاغتها سمعت باسمك وعدت
اختصرت الدمعه الكلام انــي عبدك والسلام
يا أميرَ المَشرِقَين ******************************

كل أدموعــــي الابجيها مــابين القبـول او رد
بـس دمعاتي فـــي حبك يبــو السجاد ما تنرد
دمعتي بصحرة لو طاحت تُــــراب الباديــة ورد
الدمعــــه المو إلك تشبه نبض مـــن گلبي اتجرد
دمعي من ذاك التُراث بعالم الذر واستغاث
كانَ دَمعي يَستعين
******************************




إذا لــم تستقم نيتــــي اخذني الوادي الامخيم
اعيش الطف ولو لحظة ومــوت بحبـك امتيم
خايـف حظــي يــرميني يمــولاي بهذاك اليــم
والگه بوجهي بس فرعون بوجها الماصفه اوغيم
بداعت الظامي الرضيع مدلي إيدك خاف اضيع
يا نجاةَ الغارقِين
******************************
القصيدة المو إلك مولاي باهــت كل ذكــر بيها
وحــروف الكــلام تكون عطاشة ومـات ساقيها
القصيدة التحمل حروفك يحسيــــن بمعانيهــــا
قــلادة وللفخـر تصبــح اعله جيد الدنيه اخليها
الدنيا والسبع العُجاب تهتف بهذا الخطاب
أنتَ فَخْرُ العالمِين ******************************
سيد عمار الموسوي باز کردن / نظر دهید

2022-06-21 12:59:12 باز کردن / نظر دهید

2022-04-10 01:16:40 السلام على أمير المونين
السلام على أُم البنين
ورحمة الله وبركاته

القصيدة بعنوان
(يالتمشي بوتار النحر)


لا تگلي يالوفيه في أمان الله ونبيه
لا تودع أم البنين يا أمير المؤمنين
**************************
شفتك وازدحم خير اعله بيباني
آنه بعز ذبولي او وجهك احياني
سائرة الناس اعله الأرض بس انته سائر بالگلب
يالساكن بوادي الدمـــــه دمي برحيلك ينسلب
عيني مضيف ولو رحــت دمعاتـــي دلة وتنگلب
أمضيفتــك بعينـــي وذا تمشي اعله أمري ينغلب
يا أنيسي في وحدتي تغلب اعليه دمعتي
دمعتي ماءٌ مَعين يا أميرَ المؤمنين
**********************
يالصوتك حنين ويشفي الأبكم
يگــــول الله إذا گدامــه تتكلم
مقرونه روحي بنبرتك مثل الوريد انته الي
يالتمشـي باوتار النحـر من توگف اعرف ابتلي
بيد الله صح هذا العمر بس اعله نبضي انته الولي
بسكتتك افگد حواسي واسكن بوادي المآسي
اشحاله من يفگد حنين يا أمير المؤمنين
**********************
يا غصن الأمان ومأوى كل حاير
مثل لون الغروب بهالوجه صاير
آخذها عافيتي جنت كلما أصب الماي الك
واصبح أميره أعله الخدم يـــوگفلي أجلال الفلك
يا قالــع البــاب اقلعت حيلــي وبعد حيلك هلك
أم البنين الأربعــــــة تتوچه گامت عالملك
صارت عظامي رميمه وللجسد علتي كليمه
هالعلامة بالجبين يا أمير المؤمنين
**********************
ما نشعل بخور بگعدتك جنه
وجان بكل حلم عطر يراودنه
وجه العطر من نفترگ عن أهلك يغض البصر
دار الحزن يا باالحسن نعمره وبي نسكن دهر
صبري تباهل والحزن من شافو الراس انطبر
ومن الصبر شاف الحزن يحجيله كلمه ما گدر
ياعلي عرگ الصبوره انگطعت الليلة جذوره
جزعت الصابره الحين يا أمير المؤمنين
**********************
رحيــق انفاســك يبرد لهيب الصيـف
ربيعي انته وربيع اهلي وربيع الريف
نسمتك تنزل عالنفس جن وحي وشايل آيته
الناس الذي ما حبتك قرآن حبـــــك جهلته
مصحف محبتك كل وكت مابطل امــن قرايته
عنك ردت اكتب وصف اوراق الشجر مـاكفته
شخصك الكله حميه إيعرفه بس الله ونبيه
وانته من العارفين يا أمير المؤمنين
**********************
ثگل رمشي بهالموادع على جفوني
وگمت بالگوه اذا اريد افتح عيوني
من گتلي رايح يا علي بجف الألم گلبي انقبض
آنه الگويه بشوفتك مسني الجزع مسني المرض
الجابتلك افحول وگمر ما تبجي من المُفترض
بجاني هجرك والدمع بالگوه عالوجنه انفرض
دمعتي التتبع أنيني حائره بحضرة حنيني
دمعي نابع عن يقين يا أمير المؤمنين
**********************
سيد عمار الموسوي باز کردن / نظر دهید

2022-04-05 05:47:56 السلامُ عليكَ ياقمرَ التَم

كل مسيه يالحزين تفطر بدمع الحنين
ومن يجي وكت السحر گبالك يصير النحر
وماتشرب الماي
***************************
فجـأه وغمضت عيني وانـه گـاعد الــوحدي
وابد مو عالبصر غالب هـذا النوم يــالمهدي
لحظـة وعرج احساسي بيـه يـا أهـل ودي
أخذني العالمك شفتك حزين ودمعتك تحدي
دمعتك ماءٌ مُباح تنزل وتروي الجراح
ومن يهل دمع القهر گبالك يصيــر النحــر
وماتشرب الماي
***************************

وحگ تسبيحة انفاسك اريـد اتشارك بهمــك
خلي اصواعك برحلـي واخذني سيدي يمــك
مقامـي شايفــة وادري تسمعنــي اذا اكلمــك
اريد اسلك طريق الهم واتبع بـالمشي جدمـك
خادمك وامشي وراك عفوك اطلب ورضاك
شما نطول بالسفر گبالـك يصير النحــر
وماتشرب الماي
***************************
على مد النظر مولاي تمدلك سفرة احبابـك
بس دلينه دارك وين نجيك ونوصل اعتابك
لــو تبعد علينه اميـال نتعنه وندگ بابــك
نتنافــس نقــدم مــاي الــك ونقبــل اترابــك
خوفي ماتشرب وفاء ع اللي صار بكربلاء
من جروحك لا مفر گبالـك يصير النحــر
وماتشرب الماي
***************************
اذا صوت المؤذن صاح وظــل لحظات ما أفطر
احـس بهالبَدن يضعف واحــس دلالـي متفطــر
عفه گلبك يبو صالــح بي سيف الظمه يشطـر
وعينك كل مسه ومصباح ظلــت بس دمــه تگطــر
صبرك اتعده الكلام ابعث الصبرك سلام
حته لو گلبك صبر گبالك يصير النحر
وماتشرب الماي
***************************
يمولاي التقط گلبي تــراهو ابيــر احزانــي
يمينك مدها يالباقــي وانقذ عبدك الفانــي
قارب وبمهب الروج عذاب الدنيه خلاني
اخاف افتحهن عيوني ورد لدنيه وحداني
سيدي بيك استجير گلبك ايحس بالفقير
لـو دليلك انكســر گبالك يصير النحر
وماتشرب الماي
***************************
صرت فارس عگب عينك أصول بخيل دمعاتي
اخبـرك مـاجنت خيـال بــس سوتنـي حسراتــي
اهيئ قافلــة دمعــي واسيّرهــا اعلــه دعواتــي
بِوادي غيرَ ذي فرحــه تمشــي بظل مُعاناتــي
عني أكشف هالبلاء دهري جبته بس عناء
اي على مَــرّ الدهــر گبالــك يصيـر النحـر
وماتشرب الماي
***************************
سيد عمار الموسوي باز کردن / نظر دهید

2022-04-01 12:49:20 Channel photo updated باز کردن / نظر دهید

2022-03-17 10:00:29 أتانيك المسيه يم ابو فاضل
********************************
أجيت الكربله وتسبگني أشجاني
يــم عبــاس هاي الليله تلگانــي
انغام السعاده اتناغي وجداني
هالليله الفرح وسط الگلب حافل
اتانيــك المسيه يــم ابو فاضــلالليله الفرح وسط الگلب حافل
اتانيــتعال عيوني جربه وانته تمليها
أريــد بنـورك الوهــاج تـزگيها
نورك كالوحي من ينزل اعليها
يامحله الوحي فوگ النظر نازل
اتانيك المسيــه يــم ابو فاضــل
هالليله الفرح وسط الگلب حافل
اتانيكلام اشگد حلو سامع مِنْ الوادم
لكن كلمة منك تغني يالقــادم
كل عام وتظل للمنتظر خــادم
اجرك كل وكت ياخادمي واصل
اتانيــك المسيه يــم ابو فاضــلداني
هالليله الفرح وسط الگلب حافل
ايواهس انتظاري او واهس اشعاري
عليك امن الشغف متولعه اكتـاري
بحر شوگي عليك بكل وكت جاري
نـــار ومــــاي حبــك حيــر العاقــل
اتانيــك المسيــه يــم ابـــو فاضــل وسط الگلب حافل
اتانيــك المسيه يــيــامؤنــس الكــون بطلتك الحلــوه
مــوتـدري الهجر للــي يحب بلــوه
روحي اعله الگلب من اصدرت فتوه
جاهـد بانتظـارك وابگــه متفائـــل
اتانيــك المسيـــه يــم ابــو فاضــلگلب حافل
اتانيــك المسيه يــم ابو فاضل
سيد عمار الموسوي باز کردن / نظر دهید

2022-02-24 20:11:55 ياطيـر ارجـع العشك هـــذا الـزمـن ليغشك أَحجي وذبلت اشفافي كافي امـن البُعد كافي يگلبي يگلبي ****************************** يگلبي حيرتني اوياك اشوفـك ياوكت سالم شجـاك وحايـر بعلتك وانتــه گبالك الكاظـم اشما… باز کردن / نظر دهید

2022-02-24 20:10:11 ياطيـر ارجـع العشك هـــذا الـزمـن ليغشك
أَحجي وذبلت اشفافي كافي امـن البُعد كافي
يگلبي يگلبي
******************************

يگلبي حيرتني اوياك اشوفـك ياوكت سالم
شجـاك وحايـر بعلتك وانتــه گبالك الكاظـم
اشما تسمع باسم دكتور تركضله وترد نــادم
بسك ثگلت النبضات وأحس موتي علي قادم
آنه العايش احساسه فجأه وتوگف انفاسه
قبل الأجــل ليوافــي كافي امـن البُعد كافي
يگلبي يگلبي ******************************





بيا طاموره مدفونه البصيره وبيها دليني
بطامــورة ملذاتـك لــو طامورة اسنيني
ادري بروحي ابو طلبه بس هــوه اليداويني
كالحر ارجع المولاك يگلبي نَشفت عينـي
جالسيف الزمت دمعي وخليتـه بوسـط ضلعي
اركضت من الألم حافي كافي امـن البُعد كافي
يگلبي يگلبي ******************************
بطل من محبة الناس يا گلبي شوكت تجزع
جنك خيمة محترگــه وتدور ع الألك يفزع
تزرع طيب والوادم بگاعك بس ألم تزرع
بمن هَبَ ودب هايم وآنه اشلائي تتوزع
لبو الحاجات مردودك هــوه ايكسر اقيــودك
هــوه العلتك شافــي كافي امـن البُعد كافي
يگلبي يگلبي ******************************

خلگ دمعي اذا شفته اعله روحي أبگه اتشهد
خلگ روج ابحر يمشي على مــد النظــر يمتــد
الدمع بعيوني ما خلــه لا أبيـــض ولا أســود
أخذني امنيدي للكاظم خــل هــذا البصر يرتد
الذاك الصحـن ودينـي خـل يرجع نظر عينـي
ماريــد النظــر طافــي كافـي امـن البُعد كافي
يگلبي يگلبي ******************************
گالــو أخّتفــي فتــره واعرف مَن هُم احبابي
اختفيت اسنين ياگلبي ومـا واحد طرق بابي
بگـه بــس الإلة يمــي رايـــــح راد لعتـابــي
اشعرت ساعتها بالمحشر مـــاكو بيمتـي اكتابي
ابن جعفــر دوه العله اصحه وكافي هالغفله
ماريدك تظــل غافــي كافي امـن البُعد كافي
يگلبي يگلبي ******************************

حته اهل الكهف گعدو وانتــه بغفلتـك ظليــت
فـرض التوبه ليفوتك وتگول اندامـه ماصليت
لوذ بصاحــب السجده واشكي بگبره ماعانيت
أطلع من قفص صدري وذوب بصحنه اذا حطيت
يگلبي اخفگ جناحينك بصحنـــه عفر اجبينــك
توب وغيــر اوصافــي كافــي امـــن البُعد كافي
يگلبي يگلبي ******************************


سيد عمار الموسوي باز کردن / نظر دهید

2022-02-16 19:44:43 لحن قصيدة مشتاگه العيون باز کردن / نظر دهید