مو معقولة كمية الوجع والقلق اللي بتصيب الانسان بنص الليل ، لم | يم الحشاش

مو معقولة كمية الوجع والقلق اللي بتصيب الانسان بنص الليل ، لمجرد انو مرق عبالو طيف حدا بحبو ومشتقلو ، انو لهدرجة الشوق بيعمل هيك بالانسان

بخلي يصفن بليلو وبحاكي حالو ، بيضحك شوي وبعدها بصير يبكي ، ياترى انتو اللي بتدخلو حياتنا فجأة وبدون استئذان بتعطونا فرحة مؤقتة ، بعدا بتغادرو حياتنا ، وبتزرعو جوا قلوبنا الشوك والجرح مفكرين انو هالجرح مع الايام بطيب

لا ابدا كل يوم بيكبر اكتر ، وبكل دقيقة وقت بتخطرو عبالنا منتوجع ، منتذكر ايامنا معكن وكيف كنتو معنا وكيف صرتو

بعمركن ماتدخلو قلوب اشخاص ، وتعطوهن فرحة مارح تكون دايمة ، لانو الوجع اللي ح تزرعوه بس تطلعو من قلوبنا بوجع كتير والله
___