اهلين دفعة 2005 انشاءالله ربي يوفقكم ويقويكم اكيد هالفترة من | م. أنس بيت المال 🥇

اهلين دفعة 2005
انشاءالله ربي يوفقكم ويقويكم اكيد هالفترة من اصعب الفترات يلي حتمروا بيها ،، اني من دفعة 2003 ومن حسب تجربتي جاية ننصحكم لانه عندي ناس تهمني برضوا معاكم شهادة ونقدملها ف النصيحة
اول حاجة ردو بالكم تبذلو جُهد اكتر من مجهودكم لانه صدقوني هدا كله وقت الامتحانات حيأثر عليكم وجهدكم حيقل وتركيزكم حيضعف ومش حتستافدو بشي ديما قسمو وقتكم ع نظام معين واعطو بريك لدماغكم ،
تاني حاجة ماتلخبطوش روحكم ب اسئلة السنوات راه دوة فاضية بعد ماتكملو منهجكم خودوها وحلوها ومنها تعرفو كيف صيغة الاسئلة يعني خلوها ف الاخير ماتخبطوش بيها ارواحكم،،
وتالت حاجة ردو بالكم من كمين الالة الحاسبة ماتحطوش اعتمادكم عليها لانه ماتندروش ع الكمين يلي حيصير خليكم ديما دايرين احتياطاتكم
ورابع حاجة والاخيرة الامتحانات مش نهاية الدنيا ما تتوتروش وخليكم ع ثقة انكم حتكونوا قدها باذن الله
ربي يوفقكم تحملو معاش مزال الا ايام معدودة وحترتاحو والايام يلي انتو فيها من احلا الايام رغم تعبها خلوها تنتهي ب بصمة حلوة

وتذكروا الحلفة اهم حاجة
#الادمن خيرية المصري