2022-06-18 02:00:54
السلااام عليكم …
غدوة نبي نكسد بمحاضرة وديدة مني ليك يعني هدية مسى على عيون الحبايب على الباب السادس #تفاضل_النسب_المثلثية ،المحاضرة على تمام الساعة 8:15 الى 9:30 مساء #بترانيم_الرئيسي بتقولي علاش التوقيت متأخر وكيف بندير اني بنختصر عليك الاسئلة بنعطيك جدول يومي بحيث التوقيت الفاضي نشرحوا فيه الدرس هذا
9:00 الى 10:30 فيزياء جامعة
10:30 الى 12:00 فيزياء جامعة
12:00 الى 1:30 فيزياء جامعة
3:30 الى 4:30 رياضيات فرع الرئيسي
4:30 الى 5:30 رياضيات فرع الرئيسي
5:30 الى 6:30 رياضيات فرع الرئيسي
7:00 الى 8:00 رياضيات فرع زناتة
والله جهاد اللي نديروا فيه مع بعض سواء انت ولا اني لان نحضروا ونمشوا ونجوا ونتشحطوا في السيارة والتوصيل هذا غير امالينا مقصرين معاهم من جرت القراية لان ديما جونا مشحون بسبب الحاجات الغير طبيعية اللي ناخدوا فيها في المدارس ولكن والله وبالله لما نجتازوها مرحلة الضغط اللي عايشينها هادي تبي شوية صبر ومع بعضنا شوية منك وشوية مني بإذن الله تتيسر ،والمجهود اللي نبذلوا فيه أكيد ربي مش حاينساه ويكافينا عليه بفرحة والدينا بينا بهديكا فرحة الانتصار والنجاااح
م.أنس بيت المال
1.4K views23:00
م
