بنت راحت تشتكي لأبوها أن الحياة سيئة ابوها ما رد عليها واخدها | تعالوا نملأ بيوتنا حب
بنت راحت تشتكي لأبوها أن الحياة سيئة ابوها ما رد عليها واخدها عالمطبخ وجاب 3 طناجر وعباهم مي وخلاها تغلي على الغاز أول ما بلشت تغلي المي
راح حط بكل طنجرة شي الأولى بطاطا والتانية بيضة والثالثة حط بن وتركهم يغلوا بعد شوي طفا الغاز وطلع البطاطا بصحن والبيض بصحن والقهوة صبها بفنجان وقال لبنته قوليلي شو شايفة؟
( شايفة بطاطا وبيضة وقهوة ) قلها ركزي منيح وامسكي البطاطا لمست البنت البطاطا لقتها طرية قلها والبيضة قالت صارت بيضة مسلوقة طيب البن صار قهوة ريحتها بتجنن قلها أبوها يابنتي البيضة والبطاطا والبن انحطوا بنفس الظروف " المي المغلية" بس كل واحد فيهم كانت رد فعله مختلفة البطاطا كانت بلأول قوية ولكن بعد المي المغلية صارت طرية وضعيفة والبيضة كانت ضعيفة وسهلة الكسر انما بعد المي المغلية صار قلبها قوي وقاسي
اما البن الوحيد الي كان مميز لما انحط بالمي المغلية غيرها وعمل منها شي تاني جميل جدا اسمه (قهوة)
انتي هلق مين فيهم ؟؟؟؟ بطاطا ولا بيضة ولا بن ؟؟؟؟
لما بتتعرضي للمشاكل بحياتك رد فعلك كيف رح تكون ؟بتضعفي ولا بتقوي ولا بتاخدي الظروف هي وبتعملي منها شغلة حلوة المشاكل رح تضل موجودة حوالينا وراح تضل تصير معنا ولكن الشغلة المهمة فعلا هو ان المشاكل هي ما تحطمنا ولا تسيطر علينا وتغيرنا من جوا وتحولنا لضحايا ظروف حكمة اليوم راقت لي
