2021-09-28 12:40:36
ردن من يسرهن لاكن اشردّن
دموع من الظعن للگاع يتبدن
نزلن گوه من فوگـ الهزل للگاع
مثل ما گوه لظهور الهزل صعدن
ركضن للگبر مثل المراكض ذاك
ويدرن مو حرب والخيل ما هدّن
نفس الركضه چانت بس فرقهه احبال
گعدن رغم صار هواي ما گعدن
جابن شوگهن واللهفه والحرمان
سئلن ، سولفن ، رد الصدى و ردّن
دارن چن رحا وطحنن ليالي الشام
ولكل گبر حفنه من الهضم ودّن
ظلن بالگبر ينشدّن من الشوگـ
مثل ما چانن بعباس ينشدّن
فتحن باب ملگه وحظن مال اعزاز
واشگد بوب لرياح العتب سدّن
ها يحسين صاحن ، والتصيح اتطيح
چانن سور بس من صاحن انهدّن
چفوف گلوب مدّن مو چفوف چفوف
العليهه آثار شد احبال ما مدّن
136 views09:40