چاپی دووباره نامێو بەرهەمی: خەڵاتوو پاییزی بابەت: ڕۆمانە | کاناڵەو ئەنجومەنوو ڕۆجیاری
چاپی دووباره
نامێو بەرهەمی: خەڵاتوو پاییزی
بابەت: ڕۆمانە
نویسەرە: ئامینێ ڕەحیمی (ژوان)
چاپوو ئەوەڵی: 1397
چاپوو دووهەمی: هامنوو 1401
چاپ وپەخش: زایەڵە
* خەڵاتوو پاییزی. (ڕۆمان)ە. بە قەڵەموو ئامینێ ڕەحیمی(ژوان)ێ نویسیان . ئێنتشاراتوو زایەڵەی ساڵەو 1397 پەی جاروو یوەمی و دماو پێشوازی هۆگراو ئەدەبیاتی، ساڵەو 1401 پەی جاروو دووهەمی چاپ و پەخش کەردەن.
* ئی ڕۆمانێ دلێ ئوتومێسفری فەرهەنگی هەورامانیەنە پەرداخت کریێنە و سەرنجەش وستێنە سەروو بەشێوە جە زامە دیارەکاو دلێ ئی فەرهەنگی . دەردەو چەنی ژیوای ژەنا.
ڕۆمانەکێ ژیوای کناچێوە ڕەوایەت کەرۆ کە ژیوایش پەڕا جە مەراقا و جە هەرقۆناغێو ژیوایشەنە چنی جۆرە زەجرێوی ڕووبەڕوە بۆ.
سەردەموو زاڕۆیی، پەنەیاوایی، دەمبەختی، ئاشق بیەی، شوو کەردەی، و..... هەرکام بە جۆریێ دووچارەو ژانێوە وێڕسکەرێش کەرا.
ماواو ئارامشی و فەزاو سەیایۆ چی ڕۆمانێنە هەمان چەشنەنە و مەراقاویێنێ. جا چە یانەو شووی بۆ یان یانە باوان یان گردینوو کۆمەڵگای. دیارا ئەچیمنە بارودۆخێو تەنگ بە ژیوای هورچنۆ و ڕوو بە ناهەمواریێوی مەرگاویش بەرۆ.
* چی ڕۆمانێنە، کناچێوە ڕۆڵگێڕە بۆ بە هێماو فرێوە جە کناچە دڵبەر و وەش پەنەکەوتەکاو مەحاڵی. کناچانێو نە زەریفی و وەشپەنەکەوتەیشا متاوۆ وزۆشانە دلێو ژیوایێوی دڵوازی، نە ئەقڵ و ئاوەزشا دەراقەتوو پەڕچینە دڕەقۆڵینەکاو فەرهەنگی باوی مێ. ئانەن هیچ حەمە نامێو نمەتاوۆ ئا دڵوازە بۆ هەکە خەیاڵەنە گونجیان و هورچنیان.
ئی ڕۆمانێ چەنی ئانەی باری خەیاڵی و عاتفی و سۆزش پەنە دریان، دەسش وستەن سەروو یۆ جە زامەکاو کۆمەڵگای. بڕێوە ئەگەرێچش چەنەنێ. بەشێوەشا پەی دیمەو زوانی و بەشێوەیچشا پەی تکنیکی و تایبەتیە ژانریەکا گێڵاوە.
* بە سانای و وانایۆ کتێبێوە، تاومێ پەی پارێزنای و گەشەکەردەی فەرهەنگەکەیما هەنگامەی گەورێ هورگێرمێ.
* مەریوان. پاساژوو عەداڵەتی، نهۆمی وارین. ئێنتشاراتوو زایەڵەی.
تەلەفوون و فاکس: ٣٤٥٣٢٣٢٢
هامڕا: ٠٩١٨٦٥٥٩٤٩٦
zayelebook
#کاناڵەو_ئەنجۆمەنوو_ڕۆجیاری
https://t.me/AnjomanooRojyari
