تربيت تربية مثالية ؟ إنك مثلاً لازم تكون طير أبيض و تحلق في سر | •°•أُرجوان•°•
تربيت تربية مثالية ؟ إنك مثلاً لازم تكون طير أبيض و تحلق في سرب الطيور البيضاء و إنه الناس كلهم طيبين و الشر يعني مش شيء بالإنسان ! سمعت يعقوب و هو يقول لأبنه يوسف-عليهما السلام-: " يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا" هذا النبي الذي هو إمام المُربين من الأنبياء، متخيل لو إنه ربى إبنه على أنه إخوتك مستحيل يأذوك ! أمك لو بتحبك مستحيل رح تضربك ! أبوكِ لو فعلاً بيعزك مش رح تطلع منه كلمة تجرحك ! طيب هو لما قال له أخوتك يكيدوا لك كيد أعطاه السبب و قال له إنه هذا بسبب الشيطان !! و أثمرت فعلاً تربيته بيوسف عليه السلام فلما عدَّت السنين و فرجت كل أموره تلاقيه يقول: "وَقَدْ أَحْسَنَ بِىٓ إِذْ أَخْرَجَنِى مِنَ ٱلسِّجْنِ وَجَآءَ بِكُم مِّنَ ٱلْبَدْوِ مِنۢ بَعْدِ أَن نَّزَغَ ٱلشَّيْطَٰنُ بَيْنِى وَبَيْنَ إِخْوَتِىٓ" يعني هو خلاص صار فاهم إنه كُل الي صار ما هو إلا نزغ من الشيطان، و ما ذكر إنه عيب بأخوته.
طيب احنا لما نسمع أو نصير بموقف .. هل احنا مؤمنين بإنسانية الإنسان و إنه مش ملاك ؟ يعني هذا الشخص اخطأ فأقول عادي كلنا بنخطأ، هل أنا رح أحتقر الشخص الي اخطأ بحقي و كأنه من الملائكة المعصومين و قد أخطأ بحقي فأنا المفروض ألعنه !
لازم دائماً سقف توقاعتنا من الإنسان يكون على قدر إنسانيته الي الشيطان كل شويّة يجي يتدخل فيها. ياما سمعنا قصص بين أخوان و قطيعة استمرت لسنين، و ذات يوم تلاقيهم يقولوا: و الله ما بتذكر ليش القطيعة وصلت هيك بيننا عشان سبب ما يستاهل !! لذلك فكرة إنه هذي منتقبة ما يطلع منها فلان عمل، و ذاك بيصلي بالمسجد فهو لازم يصافح الملائكة كييف يعني بيعمل فلان ذنب ... و أبي بيكرهني لأنه اغلظ علي، و أخواني بيكرهوني لأنهم بيعاملوني فلان معاملة، و أمي ما تذكرتش تجيب لي أكل أمبارح و كنت متت من الجوع إذاً هي ما بتهتم لي ...
كل هذي المثاليات و الأفكار المثالية ما بتناسب الإنسان و لا بتناسبك أنت حتى، فاقبل إنسانيتك و اقبل إنسانية الآخرين و أقبل كمان إن الشيطان مش رح يترك علاقة إلا و يدخل فيها عشان تتلوث قلوب الناس بالحقد على بعضهم و المفروض الحقد يكون عليه.
