2022-02-28 21:31:55
بتسألني شو اصعب شعور ممكن يصلّو الانسان
هو فقدان الشغف
حدا كان يسعى طول حياتو ومعتمد ع حالو
يشتغل لمستقبلو حتى ما يعتاز أي مخلوق
ببالو حلم ، جواتو في شغف وطموح
بموقف تنين تلاتة رح ينطفي ويدبل
قد ما مثّل واتظاهر بس هو من جوا ندمان على كَونو شخص حساس . . أي شي بيتعرضلو ممكن يطفيه وما يقدر يقوم منو
الحساسية والطموح ما بيجتمعو . .
اذا ما كنت قوي وجقر مارح تقدر تبني حالك
بتجي لتقوم بس مافي مين يدعمك
حتى انت بطّل فيك قوة تواسي حالك
بتتطلع حوليك لتلاقي حالك وحيد تماماً
عم تعد خيباتك وأيامك ، ومو عرفان انو هاد عمرك يلي عم يضيع . .
بتتمنى انو يرجع فيك الزمن بس لتعرف تتصرف بهداك الموقف وغيرو كتير
بتتمنى انك ما تكون مُرهف وعاطفي ،
بتصل لمرحلة تصير تشتهي النوم بس
تتمنى تغفى وتحلم بشي حلو ،
تكمل يومك بضحك وانشغال بشي انت حابّو
و ما يكون في شي شاغل بالك غير يلي بين ايديك
تنشغل وبس ، ضل احلى ؟!
عن تجربة ، أكتر شعور بخوّف هو فقدان الشغف
193 viewsقمرة ليلي , 18:31