المبطن الليبي الطريقة .. نص كيلو مفروم + راس بصل مقرض رقيييي | 💎بيتك مملكتك 💎
المبطن الليبي الطريقة .. نص كيلو مفروم + راس بصل مقرض رقييييق + نص ربطه معدنوس مقرض رقيق 3 أو 2 صفار بيض ملعقة كبيرة سمن ( استعملت سمن باريس ) ملعقة صغيره طماطم معجون ملح وبزار وفلفل احمر وشوويه فلفل اسود وحرارات وقرفة
نجو للبطاطا لااااازمً حجمها يكون كبيير هلبا او متوسطة ومساوية لو هي كبيره هلبا وسمينه الحبة قصيها بالعرض زي المبطن اللي نزلته من قبل ولو هي متوسطة قصيها بالطول زي مبطن اليوم قصيتها شرايح عادية كل طرف بروحه بموس لحم حاااد وساويت كل طرفين مع بعض ولو في فرق بين الطرفين ساويته بالموس لو حبة البطاطا مساوية حتجيك تمام من غير تعديل
بعد ما تحشيها غمسي حواشيها بالدقيق وبعدها بياض بيض مضروب مع شويه توابل وكشيك خل واقلي في زيت غزير وسخون على نار هاادية وغطيه لين يطيب وما تخليهمش يلصقو في بعض وهما في الزيت وبعد ما تطيب امسحيها بطرف منديل لو فيها شوائب من الزيت بالطريقة هادي يجيك هكي مساوي من غير مكينه البطاطا.
