بتخيل كده لو كنت جاري وساكن قصادي واشوفك ف الطالعه و النازله، | فَإِنَّ الْجَنَّةَ هِي الْمَأْوَيٰ💛'))

بتخيل كده لو كنت جاري وساكن قصادي واشوفك ف الطالعه و النازله، وشباكك قصاد شباكي بليل وانا واقفه اشرب قدح من الشاي بالنعناع ف تحس بيا وتطلع وتشغل الست بصوت هادي كده عشان انت عارف اني بحب صوت الست لما بييجي صدفه من أي مكان، وتكون راجع من الجيم تعبان ف اعمل صينيه محشي فلفل عشان انت بتحبها واطلع اعمل نفسي بسلم علي مامتك واقولها ماما بتقولك خدي الحله دي عشان تاكل وتعوض التعب بتاع الجيم عشان مش عيزاك تخس، ونتقابل صدفه عند كشك عم محمد ف تسيبلي شوكولاته اللي بحبها هناك عنده وعم محمد يقولي في هديه ليكي من الاستاذ، ولما اطلع انشر وانا مش لابسه طرحه تقفش عليا وتقولي همسمرهالك، واكون قيلالك اني مش هخرج انهارده واجي ادفع الاجرة بتاعه العربيه السواق يقولي الأستاذ اللي ورا دفعهالك وابص الاقيك انت ونرجع نطلع عين بعض لما نروح، وتكون ماما جايه من علي اول الشارع شايله حاجات كتير وتقابلها انت وتشيل عنها وترجع تقولي الولد اللي ساكن قصادنا ده جدع وشهم وشال عني الحاجه وابقي هموت واقولها أنه هيبقي جوز بنتك المستقبلي وبيفرش من دلوقتي عشان لما ييجي يتقدم توافقي عليه .