2022-07-29 00:53:34
الليلة الأولى
لمة عزه
يعينك الله/ماهي سهله
هذي أول ليله يامهدي بمحرم
ياصاحب الزمان/ياصاحب الزمان
بهذي أول ليله من شهر المحرم
يعلم الله بيا حسينيه انته تلطم
ارد أسألك وأنت عينك تجري من دم
ياجرح منك يبو صالح تألم
أدري مجروح/وتبچي وتنوح
وأعله گلبك ياأمامي الحزن خيم
هذي أول ليله يامهدي بمحرم
ياصاحب الزمان/ياصاحب الزمان
أنته مثل الزهره تفتر بالمجالس
وريجك أمن العطش مثل حسين يابس
وهم مثلنه بالعزه تشگ الملابس
مثل ما شگ ثوبه لجل حسين عابس
كون أنظرك/مدمي صدرك
من كثر ماتلطم بصدرك نزف دم
هذي أول ليله يامهدي بمحرم
ياصاحب الزمان/ياصاحب الزمان
شلونه حالك ياأمامي بهل مسيه
ارد أسألك عن سكينه وعن رقيه
لو أسألك عن أبو اليمه واخيه
أدري اجرحك لو أسألك عالسبيه
من خذوها/عن أخوها
والعقيله بحالها بس الله يعلم
هذي أول ليله يامهدي بمحرم
ياصاحب الزمان/ياصاحب الزمان
ياحبيبي ونور عيني يابو صالح
بهل شهر ظعن الخدر ليزيد رايح
وأعله وجهه حسين يابو الغيره طايح
وبدمه المنحر أبو السجاد سابح
وكل بنينه/أگبال عينه
وحتى عباس الشهم جسمه تخذم
هذي أول ليله يامهدي بمحرم
ياصاحب الزمان/ياصاحب الزمان
وين أحزانك تبثها الليله مولاي
سيدي من تلطم أعله حسين بهداي
حالك أدري مختلف هذا المسه هواي
وأدري دمعك دم يهل من تشرب الماي
تذكر حسين/وتدمع العين
والثغر مايوم بمصابه تبسم
هذي أول ليله يامهدي بمحرم
ياصاحب الزمان/ياصاحب الزمان
تفضل أبمجلسنه أحلفك بالعقيله
والله ننعالك نعي ماكو مثيله
ندري بيك تحب هل أبيات الجميله
آحنه غير حسين ماعندي وسيله
هل قصيده/تظل عقيده
وآه يحسين وماصابه بيها نلتم
هذي أول ليله يامهدي بمحرم
ياصاحب الزمان/ياصاحب الزمان
الشاعر (أسعد قاسم الگريعاوي)
234 views21:53
ا
