2021-12-15 16:15:40
سلام عليكم طلاب 2020 .
بودي اسجل بصمه هسا بس اني بالشغل وهوسا يمي .
المهم بخصوص الدور الثالث راح ننتظر الاسبوع الجاي هو راح يكون الحاسم بهذا الشي يعني عندكم تقريباً سبع ايام للتأكيد .
بالنسبه هواي طلاب جاي تشكي بموضوع غيابات المدرسه المدرسه حقهم لان مواصللهم كتاب بالدور الثالث الي عن قرريب بس يوصللهم كلشي ميهم بعد نروح نمتحن وننجح .
الي اريد اوصله الك انت ك طالب حاير ونفسيتك زفت ومنتظر الدور الثالث انو يا كلبي انت كمل قرايتك ومراجعتك لان الدور الثالث بأذن الله تعالى موجود وخاصه هالسنه يسساووكم بطلاب الثالث متوسط يعني عقلوها ينطوهم دور ثالث وانتوا لاء اكيد ميصح هالشي واذا صارت صدك وكلشي نتوقع وماصار دور ثالث راح تبدي الحملات بكل القنوات التعليمية للمطالبه بيه وراح يصير ضغط كلش جبير على الوزاره من كل النواحي واتذكروا جماعة التراكمي شسوا العام .
نصيحتي الك رتب وضعك بالمدرسه بين متنتظر الدور الثالث حتلو تدز ولي امرك ويتفاهم ويا الاداره واذا كدرت اكسرها يوم بالمدرسه ويوم بالبيت وانت اكيد قاري ودارخ الماده درخ ف مراح تأثر المدرسه على مراجعتك تمام ؟
وان شاء الله ربنا يقدم الي بيه خيرر .
اخر كلام اطمنك بيه الكل موافق على الدور الثالث بس التأخير جاي يصير محد يعرف ليش بس على الاغلب اتوقع يريدون كم طالب يعيد ويداوم ويتصفون الي محتاجين دور ثالث وراها يعلنون عليه . مثلاً 50 طالب يحتاج الدور الثالث بس 20 ايسوا وعادوا ومشوا للدوام و30 بقوا يقرون على امل ينطون دور ثالث .. اني بدوري اكلك الامل كلش قوي وموجود الدور الثالث ف روح اقره ومع السلامه تعبت من الكتابه كتبت كل الي جان بخاطري اكوله ببصمه لهيج صارت الكليشة طويله
#شبكــة_سادسيــون_التعليميــة
#عـلي_العبيـدي
#رابط_القناة : https://t.me/sad6th
702 views13:15
H
