بينك وبين الاستسلام خطوة.. على قدر احزانك حتجي افراحك.. على قد | 💞عشان باكر💞
بينك وبين الاستسلام خطوة.. على قدر احزانك حتجي افراحك.. على قدر الدموع النزلتها حتضحك.. على قدر كل حاجة ألمتك حترتاح راحة.. انت بس خليك متفائل.. ما براك انت.. ملايين غيرك مروا بنفس الانت فيه.. بس في فرق.. في ناس استسلمت وحردت وقعدت.. وفي ناس كانت صابرة وصبرت وجاهدت عشان تحل مشاكلها بي نفسها.. نصيحة ما تكبر الموضوع.. الموضوع ابسط من بسيط.. لو عاينت للحاجة دي من المنظور دة عمرها الظروف ما حتهزمك.. بل انت البتهزم الظروف.. واجه مخاوفك.. عدم ثقتك بنفسك.. اي حاجة بتخليك ضعيف قابلها بقلب قوي.. اعرف انه ماف راحة .. لازم تجتهد شان تبقى زول.. شان تحقق احلامك المركونة.. وشان تنفض الغبار من اي حاجة حلوة كان نفسك فيها ورميتها في الرف.. جا الوقت التستمتع فيه بتنك حتكون نفسك وبس.. ما تلتفت لاي شي.. او اي كلام.. او اي نوع من ابداء الآراء حول حياتك.. دي حياتك وانت بتصلحها براك.. واتذكر لو ما قمت براك مرة .. تاني حتتعود تعتمد على الناس.. لازم تسند نفسك بي نفسك.. وانت قدرها.. ابعد التشاؤم.. الوساوس البتخليك تحزن.. واي حاجة بتقول ليك انت غلط.. ارتاح وما تتعب نفسك.. قول ليها لا.. يادوب هداك الطرق قدامك.. قد تلقى ناس يمشوا معاك فيه لبعض الوقت.. لكنك حتكمله براك في النهاية.. الامور بسيطة.. وجميلة.. عشان شايفنها نحن اجمل.. ونحن البنصنع السعادة.. ما هي البتجينا..
