2020-11-27 22:37:22
#مساجله_بين_شعراء_روضه_عاشوراء:
بحق الصحابه رضوان الله عليهم...
يگلب اعرف نياحة قمبره اسره.
زحف لتراب حيدر قمبره اسره.
صبح مجنون تدري؟ قمبر اسره.
علي، وحبه صبح عاشڰ وصيه.
ابواحمد ناصر چميري
بعلي تربح لون بمالك اشتر
وترى بعين الحقيقه بمالك اشتر
التشابه وين نلﮕه بمالك اشتر
رباة الحيد داحي الخيبريه
ابوعلي العامري
لون بت ظل من اگليلي وباذر
اضحي بيه لبوالحمله وباذر
هنيئا لك يابن ياسر وباذر
ارتويتو ابحب علي حامي الحميه
(سيدناصرالموسوي)
يحيدر بالوغى اجفوفك يسلمان
وعلى الايتام كل رقه يسلمان
الف هنيالك انكلك يسلمان
روايه البيك نزلت جوهريه.
ابوعلي العامري.
يامصحف ابوالحمله وياسر
اللذي بذكره الگلب يفرح وياسر
يجن سلمان بيه حگه وياسر
لان نفس النبي حامي الحميه
(سيدناصرالموسوي)
علي ابمهره اليعجب خيلطاها
ولاجلمة لسانه خيلطاها
الكتاب ايكول حيدر. خيلطاها
ونعم ذاك الاخو الساند اخيه
ابوعلي العامري.
تعب گلبي ابرياهم والمضاهر.
بنينه اجديد حبهم والمضاهر.
ربح جون ابقيامه والمضاهر.
فدوه ارواحهم لبن الزچيه.
ابواحمد ناصر چميري
الباری ابحب علی للگب عمار
وسعد حض الذی بالکرم عمار
الف خیعون ذاک الشهم عمار
الجاهد دون حمای الحمیه
سیدطالب السیدعبود الموسوی
يگلبي من النكر حيدر ولك ميل
لان لو ماعلي المذهب ولكميل
اغبطه المالك الاشتر والكميل
الحظنهم عطف ابوحسين الشفيه
(سيدناصرالموسوي)
على اكليبي اسم حيدر يتمار
اليفكده باليتم لو. حس. يتمار
شكول عليك يالمولى يتمار
يبو السان الفضح زور آل اميه.
ابوعلي العامري.
شيعه ولليماشينه بَنَعدي
ولا للعال عالمذهب بنعدي
نضحي كالبطل حجرٍ بنعدي
البذل روحه ابعشك حامي الحميه
(سيدناصرالموسوي)
اليحبك نور من وجهك يعابس
على اجيوش الكفر وجها يعابس
قدوة كل بطل انته يعابس
يلمرجف الزلم بالغاضريه
ابوعلي العامري.
الکم یاچلم اخفی ویاسر
ودلیلی ابحب علی اتعلگ ویاسر
عمار الفده روحه ویاسر
یضحیهه لسم سیدالبریه
ک,عبدالامیرالحمیداوی
احبابي دوم لجروحي هايجون.
مشو مادريتهم راحو هايجون.
گلي اشجننك بلطف هايجون؟
وصرت سكران بارض القاضريه.
ابواحمد ناصر چميري
مواقفكم رجال الطف بنلقين
مفاخر .والكتب تشهد بنلقين
زهير ويازهير انته بنلقين
سيفك صاعقه ايهز الوطيه.
ربح يحسين يالعمره وهبلاك
تناخه كل بطل لجلك وهبلاك
اكولن حين كض سيفه وهبلاك
فداك وصار فخر الجعفريه.
ابوعلي العامري.
محمدکون تدری من سمیه
المهدی وهذه اسمه من سمه ایه
عونه الدرس یاخذ من سمیه
فدت طاهاالنبی وحملت أذیه
ک,عبدالامیرالحمیداوی
الجدم صوبك يبو اليمه يجندب
وسهام اعداك من يلفن يجندب
الك موقف بطل ينعد يجندب
يلوك السيف بيدك يالشفيه.
ابوعلي العامري.
اقداد المجد ما صارت یمقداد
الخلگ بس لهل المرادم یمقداد
اشکثرحظک حلو وعالی یمقداد
الذی صاحبک حمای الحمیه
سیدطالب السیدعبود الموسوی.
بتفاخر بين هالشجعان بنقيس
ولا نميز مسيحي اهناك بنقيس
اسم لامع برز لعداه. بنقيس
اشتره بدمه الجنان الدائميه.
ابوعلي العامري.
یعیونی الی الباری وهبچان
الیضدحسین باوعچن وهبچان
گالوعنه نصرانی وهب چان
ونصرلحسین یوم الغاضریه
ک,عبدالامیرالحمیداوی.
https://telegram.me/Ashoraien
216 views19:37