تحلم تصبح قائد…..ثوره تحلم راكب ثور مجنح بي تفتر يوميه ال غبشه | محمد لفته العماري ((( نبي الصفصاف)))
تحلم تصبح قائد…..ثوره تحلم راكب ثور مجنح بي تفتر يوميه ال غبشه تتفقد احوال…الديره تفتح باب الله الكل واحد محتاج وتلغي……ال تسعيره تفتح كل شباچ مسكر تنقض كل احكام العسكر وبكيف الوادم من تعشگ مايحتاج الحب نحير ب تأويله وشرعه…..وتفسيره مكتوب اسمك بالجنسيه غير اسمك كلشي يضل فارغ محد راح يگلك…عمرك تسكن وين من يامله انته ويامذهب…. تمشي ال ناس بلا….تأشيره يمشي ال ماي….بلا تأشيره يمشي ال كلشي… بلا تأشيره محد من الشرطه يخاف محد ينباگ يضل ساكت شتريد اصيّح ضل صيّح محد راح يموت ب (كاتم) محد راح يضل…… ب حيره وانته تعاين نفتر ب ثورك المجنح تتفقد…احوال….ال ديره (تحلم) تصبح قائد…ثوره قائد صدگي… من القاده ال مدري….وعشرين كلها تحبك وتغنيلك ماتكره اي واحد بيهم گلها تغني يعيش القائد عمر وزيد…وصاد…. وسين يمشي الواحد شايل راسه ممنوع الدين اعله الساسه وممنوع ال ساسه من……ال دين (تحلم) تصبح قائد ثوره وتدعي ال ناس الله….يباريك تحلم والليل…يوازيك تحلم محد… تحلم وتنام….يخليك تگعد من النوم (مجتف) ومحضريلك حبل….اعدام تگعد…. لن شرطي…..يعت بيك…..!!!! محمد لفته العماري
