سارالیب نرگیزیم سولوب بنوُوشم داغینا قار یاغمیش یازا دؤنموشم | 🎸دنیای کلیپ آهنگ آذربایجان وترکیه🎻
سارالیب نرگیزیم سولوب بنوُوشم
داغینا قار یاغمیش یازا دؤنموشم
دئییشیب طبعیمده طبیعتیمده
سیملری قیریلمیش سازا دؤنموشم
گوُزله رم انصافسیز هله ده گلمز
وئرر بو عوُمرومو یئله ده گلمز
اَل آتسان وارلیغیم اَله ده گلمز
دیللرده سوُیله نن سوُزه دؤنموشم
"بهمنم"سارالدیب بیر ایستک منی
عوُمور یوللاریندا قویوب تک منی
ائله یاندیریب کی او ملک منی
یانیب اوُزوم بویدا کوُزه دؤنموشم.
بهمن وطن اوغلو
