2022-06-09 16:47:13
#جزء_اول متنساوش دعوة بنجاح لصاحبة الملخص كتباتو قبيل علاجالكم
السلام عليكم ان شاء الله تكون كامل لاباس لاحظت بلي اغلب طلبة البكالوريا يعانو من صعوبة درس الميراث ويقلك انو صعيب ومقدرناش نفهموه جيت ليوم باش نقلكم انو درس ساهل و اسهل مما تتصوروا وخاصة بعد ما حذفوا المسائل يعني دوكا عدتو تقراو مدخل الى علم الميراث فقط والاسئلة تاعو فالبكالوريا راهي تجي سهلة وفي متناول الجميع اذا مراكش فاهم هاذ الدرس ما عليك غير تجيب ورقة وستيلو وتبدا تلخص راح نحاول نمدلكم كلش فدرس و كذلك نشرحلكم بالدارجة وبطريقة سهلة و انشاء الله بربي راح تفهمو كامل ياله نبداو :
اولا تعريف الميراث ٫ينقسم الى ثلاثة اقسام لغة واصطلاحا وعلم الميراث يسمى فالباك اذا قالك عرف الميراث وسكت تعرفو هاذو ثلاثة واذا حددلكم فالتزم بواش حددلك اذا تعريفه
لغة : هو الاصل ولا لحاجة لقديمة ولا لحاجة لي بقات
اصطلاحا :هو اسم نقولوه على جميع حاجة يورثها الشخص من المورث لي هو الشخص لي توفى لاي سبب من الاسباب الارث ولي متمثلة فالقرابة ولا الزواج سواءا كانت لحاجة لي راح يورثها الشخص دراهم ولا سكنة ولا حق شرعي
نجو دوكا نعرفو علم الميراث :هو بكل بساطة العلم لي نقدرو نعرفو بيه شكون يورث وشكون لا وكل واحد شعال لازم يورث ونقدرو نقولو عليه ايضا علم الفرائض يسما علم الميراث والفرائض واحد مكان لاه تتلفلكم
حكم الميراث :واجب تقسيمه وحرام تنازل عنه مهما كانت السبة لانه حد من حدود الله وادلة الميراث كثيرة في كتاب الله
الحكمة من تشريعه:يسما ربي على واه دار الميراث واش هي الحكمة من وراء تشريعه
-باش كل واحد يدي حقه ومنظلموهش
-باش نعرفو بلي الاسلام يحث على الملكية الخاصة ولي هي عكس الاشتراك
-باش نتفادو الخلافات والنزاعات لي توقع فالعائلات بعد موت المورث وتؤدي لي قطع صلة الرحم وتفكك العائلة
-باش نقضو على الفقر والبطالة وما ينتج عنهم راكو عارفين الى ماذا تؤدي ....
نجو دوكا نشوف الحقوق المتعلقة بالتركة ٫بصريح العبارة هاذو صوالح لازم يتنحاو من الميراث يعني نقلعو تكلفت هاذ الامور قبل ما نقسمو الميراث على الورثة وهي خمسة على الترتيب يسمى ترتيب مهم :
الحقوق العينية : مثلا الميت يكون مسلف حاجة يلزم ترجع لاهلها ولا يكون مخلي حاجة امانة عند شخص ما الورثة من حقهم يسترجعوها ايضا
مؤن تجهيز الميت :ولي هي تكاليف الكفن وحفر القبر وتغسيل الميت والنقل كامل هاذ تكاليف يتنحاو من الميراث
الديون : مثلا يكون متسلف دراهم على شخص يلزم يرجعهملوا ولي هي ديون العباد ولا ديون الله مثلا يكون نذر نذر انو يتصدق بمبلغ مالي يلزم الورثة يتصدقوا بهذاك المبلغ وديما يكون من التركة "الورث "
الوصية : المورث قبل ما يموت يوصي بمال لشخص معين ومن شروطه انو يلزم يكون هاذ الشخص من غير الورثة يعنس ما يورثش منو ويلزم يكون الثلث فاقل ما يمدش اكثر من الثلث لانو راح يوقع في معصية
واخيرا التركة : لي بقا كيما قبنا قبل بعد ما نحو من الميراث كامل هاذ الحقوق وراح يتقسم على الورثة بالطبع
نجو دوكا نشوفو اركان الميراث وهي باختصار ثلاثة :
المورث يعني الميت لي راح يترك الورث ٫الوارث وهو لي راح يورث ، والموروث وهو المال لي خلاه الميت وراح ينتقل للوارث
نشوفو دوكا اسباب الميراث نقطر نلخصوهم في كلمة "وزن"
-و:ولاء يعتبر قرابة حكمية يعني مشي حقيقية الشخص لي عتق العبد يعني المعتق يورث الشخص لي عتقه له نتمنى تكونو فهمتو قصدي وهاذا تكريم من الله له
-ز:زواج يلزم يكون زواج شرعي وصحيح يعني تتحقق فيه شروط زواج بكل بساطة
-ن:نسب وهي قرابة حقيقية منشاها الولادة مثل الابن الاخ العم ...الخ
نشوفو دركا شروط الميراث :
- يلزم نتاكدو من موت المورث يعني نشوفوه ميت حقيقة ولا حكما مثلا شخص يروح يغيب لسنوات عديدة مثلا حرق ومعرفناه لا مات ولا مزال عايش يسما القاضي يحكم بانو ميت ويقسم الميراث على باقي الورثة
- التحقق من حياة الوارث كذلك يلزم نشوفو حقيقة بلي راهو عايش ولا تقديرا مثل الجنين لي يكون مزال فبطن امه
- يلزم تكون على علم بمقتضى الارث يعني الجهة المخولة واهل العلم هما لي يلزم يقسمو الميراث ويلزم كذلك نعرفو درجة قرابة الشخص من الميت ونتاكد من توفر كامل هذه الشروط المذكورة اعلاه
نشوفو دوكا موانع الميراث وتقدروا تلخصوها فجملة "عش لك رزق " باش يسهل عليكم تذكر
-ع:عدم الاستهلال اي ان الجنين يزيد ميت متظهر عليه حتى علامة من علاملت الحياة مثل الحركة والصراخ
-ش: الشك في اسبقية الموت مثلا اب وابن يديرو حادث بسيارة ويتوفو هنا منعرفوش شكون فيهم لي مات قبل
-ل:اللعان : يعني زوج يتهم زوجته بالزنى فلا هو يورثا ولا هي تورثه ولا حتى الولد لي نفاه وقال مش ولدي
https://t.me/bac_dztop
650 views13:47
ب
